TAKIYKUNA 5:1 - Qheshwa Biblia DC

¹ Noqa huertayman yaykuniña, hermanitáy, noviáy. Noqaqa mirraytawan, sumajta q'apashaj jawinasniytawan jap'ikapuniña. Panalniypa, misk'intapis mikhuniña. Vinoytawan, lecheytawampis ujyaniña. Munasqa kausaqesníy, mikhurikuychej, ujyarikuychej sajsanaykichejkama.

DIOSPA QHELQACHISQAN DEUTEROCANONICAL

¹ Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

DIOSPA QHELQACHISQ

¹ Noqa huertayman yaykuniña, chunkitúy, munasqetáy. Noqaqa mirraytawan, sumaj k'acha q'apayniyoj jawinatapis pallaniña. Chantá abeja misk'itapis mikhuniña. Vinoytawan, lecheytawanpis ujyaniña. Munasqa kawsaqeykuna, mikhurikuychej, ujyarikuychej munanakuspa sajsanaykichejkama.

TAKIYKUNA 5:1 Iomraidhean Croise

Génesis 37:25

Chaymantataj mikhoj tiyaykorqanku. Mikhushaspataj ujllata qhawarispa rikorqanku ismaelitas sinrulla Galaadmanta jamushajta. Chay runasqa camellospi apasharqanku perfumeta, balsamota, mirrata ima Egiptoman.

Salmos 147:11

Señorqa payta yupaychajkunata munakuywan qhawan; khuyakuynimpi suyajkunata munakun.

Salmos 16:3

Kay jallp'a lantisqa atiyniyoj kanku, pikunachus chay lantispi yuyanku chaykunapaj.

Proverbios 24:13

Mikhurikuy wawáy, wayronqo misk'ita imaraykuchus chayqa sumaj; malliriytaj ima misk'ichus kasqanta.

Proverbios 9:5

Jamuychej, mikhunaymanta mikhuychej, wakichisqay vinomanta ujyaychej.

Eclesiastés 2:5

Kanchasta, huertasta ruwakorqani, chaykunamantaj imaymana poqoj sach'asta churarqani.

TAKIYKUNA 1:13

Munakusqay noqapajqa uj maki q'apiy mirra jina; samarikuntaj ojllayniypi.

TAKIYKUNA 4:16

Patanejmanta wayra, sayarikuy. Uranejmanta wayra, jamuy kayman. Huertaypi wayraripuway, tukuy t'ikasniyta q'aparichipuway. Huertaykiman jamuy ari, munasqáy, chay sumaj misk'i poqoykunata mikhurikuy.

TAKIYKUNA 4:8

Libanomantapacha noqawan jamuy ari, noviáy. Arí, Libanomantapacha jamuy ari, Amana orqomanta qhawarimuy ari, jinallataj Seirmanta, Hermón orqomantawan. Chantaqa leonespa jusk'usninmanta, pumas tiyakunku chay puntasmantawan.

TAKIYKUNA 6:11

Nuez huertaman uraykorqani, imaschus chay vallepi poqon chaykunata qhawarej, imaynatachus uvas k'aspi q'erqemushajta, granadaspis t'ikashanchus manachus chaytawan qhawarej.

TAKIYKUNA 6:2

Munasqayqa huertanman rin, k'achituta q'apashaj huertanman. Chay huertampi michimunampaj, rosa t'ikastawan pallamunampaj.

TAKIYKUNA 8:1

Sichus qan hermanoy kawaj, mamaypa ñuñunwantaj wiñasqa kawaj chayqa, qanta taripaytawan much'aykuykiman; jinamanta runasqa mana p'enqachiwankumanchu.

TAKIYKUNA 8:13

Huertas ukhupi tiyakoj warmi, kausaqesninchej parlasqaykita uyarinku. Noqamampis chay parlasqaykita uyarichiway.

Isaías 23:18

Chay vendekusqanmanta ganasqasnenqa Señorpaj kanqa. Chayqa mana waqaychasqachu kanqa, nitaj jallch'asqachu kanqa, manachayqa, Señorpaj kanqa, paykuna sajsakunankukama mikhunankupaj, sumajtataj p'achallikunankupaj.

Isaías 5:1

Kunanqa takirisaj munasqaypa sutimpi, uvas sach'asmanta takiysituta. Munasqaypata uvas sach'asnenqa uj kinraypi sumaj jallp'api karqa.

Isaías 51:3

Cheqamanta Sión llajtataqa sonqochasaj, jinallataj ch'in raqaykunasmanta. Ch'aki ch'in jallp'asninta qhallallarichisaj, imaynatachus Señorqa Edén huertata qhallallaricherqa ajinata. Chaypeqa may kusikuy, Diosta yupaychaspa, takiykuna ima kanqa.

Isaías 53:11

Chay jina llakiyta jap'ispa kusiy poqoyta rikonqa, may kusisqataj qhepakonqa. Chay yachayninwan cheqan kamacheyqa ashkhasta salvanqa, paykunaj juchasninkutataj apanqa.

Isaías 58:11

Señorqa pusaykachasonqapuni. Ch'in pampaspi sumajta mikhuchisonqa. Tullusniykita sumajta kallpachasonqa. Qanqa sumaj qarpasqa huerta jina kanki, mana jayk'aj ch'akej yaku juturi jina.

Isaías 61:11

Imaynatachus jallp'aqa plantasta wiñachin, jinallataj uj huertapis ima yurastapis mujuchin, ajinata Señorqa cheqan kajta rikhurichimonqa. Jinallataj Señorta yupaychanqanku tukuy nacionespis.

Isaías 65:13

Chayrayku Señorqa nin: Kamachisneyqa sumajta mikhonqanku, qankunataj yarqhaymanta wañunkichej. Kamachisneyqa sumaj yakusta ujyanqanku, qankunataj yaku ch'akiywan wañunkichej. Kamachisneyqa kusikonqanku, qankunataj p'enqaymanta wañunkichej.

Isaías 66:14

Chayta rikuspa mayta kusikunkichej; tullusniykichejqa sumajta kallpachakonqanku, imaynatachus qhoras q'omeryanqanku ajinata. Señorpa makimpa atiyninta kamachisnenqa sumajta rejsinku, enemigosninmantaj phiñakuyninta rikuchenqa.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

San Lucas 12:4

Kausaqesníy, qankunaman niykichej: Ama manchachikuychejchu cuerpota wañuchejkunata; paykunaqa manaña imatapis ruwayta atinkuchu.

San Juan 3:29

Pichus warmiyoj kajqa qosa; paypa qayllampi kaj kausaqentaj, qosaj parlasqanta uyarispa maytapuni kusikun. Ajinamanta kay kusikuyniy kunan junt'akun.

Hechos 11:29

Creejkuna taj nerqanku, sapa uj kapusqanman jina qolqeta tantaspa, apachinankuta Judeapi kaj hermanosman. Ajinata ruwaspa chay qolqeta apacherqanku Bernabewan, Saulowan ima iglesiapi ancianosman.

Efesios 5:18

Ama vinowan machaykuychejchu. Chaypi sajra kausay tiyan. Astawanqa Espirituwan junt'a kaychej.

Apocalipsis 22:17

Espirituwan, noviawan ninku: Jamuy. Ch'akichikojqa jamuchun, munajrí, kausay yakumanta qhasilla ujyachun.

Jueces 14:11

Filisteosqa Sansonta rikuytawan kacharqanku kinsa chunka wayna runasta paywan kanankupaj.

Jueces 14:20

Warmintaj Sansompa aswan munasqa kausaqenman qosqa karqa.