Rut 2:14 - Qheshwa Biblia DC

¹⁴ Mikhunankupaj Booz wajyarqa Rutta, nerqataj: Jamuy kayman, jap'irikuy uj chhikan t'antata, chay k'allku vinowan chhapuspataj mikhurikuy. Rutqa tiyaykukorqa ruthojkunawan khuska, Booztaj jaywarerqa cebada jank'ata. Payrí mikhorqa sajsakunankama puchurerqarajtaj.

DIOSPA QHELQACHISQAN DEUTEROCANONICAL

¹⁴ Aswan qhepaman mikhuna samay kajtin, Boozqa Rutta wajyaspa, nerqa: Jamuy, wawáy, t'antata kay vinagrewan chhapuspa mikhurikunki, nispa. Jinapi Rutqa tiyaykukorqa ruthojkunawan khuska, Booztaj payman jank'ata jaywarqa. Rutqa sajsakunankama mikhorqa, puchurerqaraj chaypis.

DIOSPA QHELQACHISQ

¹⁴ Aswan qhepaman mikhuna samay kajtin, Boozqa Rutta wajyaspa, nerqa: Jamuy, wawáy, t'antata kay vinagrewan chhapuspa mikhurikunki, nispa. Jinapi Rutqa tiyaykukorqa ruthojkunawan khuska, Booztaj payman jank'ata jaywarqa. Rutqa sajsakunankama mikhorqa, puchurerqaraj chaypis.

Rut 2:14 Iomraidhean Croise

2 Samuel 17:28

Aparqankutaj camasta, jarrasta, t'uru mankasta, jinataj trigota, cebadata, jak'uta, cebada jank'ata, habasta, lentejasta, misk'ita, ñojñ'uta, waka quesota, oveja quesota ima, David jinataj paywan rejkuna runaspis mikhunankupaj; paykunaqa yuyarqanku ch'in pampamanta chayamuspaqa sayk'usqas, yarqhasqas, ch'akisqastaj chayamusqankuta.

Salmos 23:5

Qan mikhuyta wakichipuwanki enemigosniypa ñaupaqempi, sumaj q'apaywan umayta jawiwanki. Vasoytataj phullchirichinki.

Isaías 32:8

K'acha runaqa k'acha imastapuni ruwayta yuyan, jinamanta k'acha ruwanastapuni ruwan.

Isaías 58:7

Munani yarqhasqaswan khuskamanta mikhunaykichejta; wasiykichejman mana wasiyojkunata wajyarinaykichejta; mana p'achayojkunata p'achallichinaykichejta; runa masisniykichejmantapis ama pakakunaykichejta.

San Mateo 14:20

Tukuyninkutaj mikhorqanku sajsakunankukama. T'anta puchojtaqa chunka iskayniyoj canastas junt'astaraj oqharerqanku.

Deuteronomio 11:15

Uywasniykichejpaj camposniykichejpi pastosta wiñachisaj. Qankunapajpis mikhuna kanqa sajsakunaykichejkama.

Deuteronomio 8:10

Ajinata sumajta imatapis mikhuspaqa, sajsakuspatajqa Señor Diosniykichejta yupaychankichej, chay jina sumaj jallp'ata qosusqaykichejmanta.

Rut 2:13

Paytaj kuticherqa: Ancha khuyakuyniyoj noqapaj kanki, parlawasqaykitaj aswanta kallpachawan. Ima misk'ita parlawanki, noqaqa mana ujnin uywaqeyki jinallapischu kani.

Rut 2:15

Chantá watejmanta cebada umasta chajmaj rillarqataj, Booz kamacherqa uywasqasninta: Saqellaychej cebadata chajmakojta chay q'apis ukhumantapis ama jark'akunkichejchu.

Rut 2:18

Ajinaqa kutiporqa llajtanman cebada q'epirisqa chayaspataj suegranman rikucherqa. Qhepantataj orqhorqa q'epinmanta mikhuna puchusqanta, Noemimantaj qorqa.

1 Samuel 17:17

Uj p'unchaytaj Isaeqa David wawanman nerqa: Kunanqa oqhariykukuy kay iskay chunka libra trigo jank'ata, kay chunka t'antastawan, apaytaj usqhayllata maqanaku jarapi kashanku chay wauqesniykiman.

1 Samuel 25:18

Chaypacha usqhayllata Abigailqa iskay pachaj t'antasta oqharerqa, iskay qara botas vinota, phishqa ovejasmanta kankasqa aychasta, tawa chunka libras grano jank'asta, pachaj chhullchu uvas k'isasta, ch'aki higosmanta iskay pachaj tortillasta ima. Chay tukuytataj burrosman chajnaykorqa.