Proverbios 24:12 - Qheshwa Biblia DC

¹² Sichus qan niwaj mana yachasqaykita chayqa, pichus sonqoykita rikojqa yachanqapuni, chay qhawasojniykeqa allinta yachanqa. Chay qhawajqa sapa ujman ruwasqanman jina qoponqa.

DIOSPA QHELQACHISQAN DEUTEROCANONICAL

¹² Sichus qan niwaj: Manapuni yacharqaykuchu, nispa chayqa, pichus sonqoykita rikojqa yachanpuni, ruwasqaykita rikusojtaj qhawanqa. Payqa sapa ujman ruwasqanman jina qoponqa.

DIOSPA QHELQACHISQ

¹² Sichus qan niwaj: Manapuni yacharqaykuchu, nispa chayqa, pichus sonqoykita rikojqa yachanpuni, ruwasqaykita rikusojtaj qhawanqa. Payqa sapa ujman ruwasqanman jina qoponqa.

Proverbios 24:12 Iomraidhean Croise

Job 34:11

Payqa sapa uj runaman maychus ruwasqanman jina qopun; sapa ujmantaj purisqanman jina qopun.

Salmos 121:3

Payqa mana urmajta saqesonqachu, waqaychasojtaj mana jayk'aj puñonqachu.

Salmos 121:8

Llojsejtiyki, yaykojtiykipis Señor qhawasonqa, kunanmanta wiñayninkamapis.

Salmos 17:3

Sonqoypi imachus kasqanta qan yacharqanki, ch'isin watoj jamuwarqanki. Ninaman churawarqanki yachanawaykipaj, manataj ima sajratapis noqapi tarerqankichu. Simiyta ama pantananta nerqani.

Salmos 44:21

manachu chayta yachaspa phiñakuwaj karqa? Qanqa sonqoyku ukhupi pakasqa kajtapis yachankipuni.

Salmos 62:12

Señorníy, qampata ari khuyakoyqa, imaraykuchus tukuy ima ruwasqankuman jina, t'inkata qopunki.

Salmos 66:9

kausachiwasqanchejrayku, manataj urmajta saqewasqanchejrayku.

Salmos 7:9

Cheqan Dios, qan yachanki runaj sonqonta, yachallankitaj runaj yuyayninta. Chinkachiy sajra runaspa mana allin kayninkuta, astawanqa sinch'ita sayachiy cheqan sonqoyoj runata.

Salmos 94:9

Manachu uyarinman ningrista ruwajqa? Manachu ñawista ruwajqa rikunman?

Proverbios 12:14

Sapa uj jap'inku parlasqankuman jina; ruwasqankuman jinataj t'inkataqa jap'enqanku.

Proverbios 16:2

Runamanqa tukuy ima ruwasqasnin allinman rijch'an; chaywampis Señorlla qhawan ima laya yuyaywanchus qhawasqanta.

Proverbios 21:2

Runamanqa tukuy ima ruwasqampi allinman rijch'an; chaytarí Señorlla qhawan allinchus manachus unanchasqasnin chayta.

Proverbios 5:21

Runaj ñannintaqa Señor qhawamushan, may purisqantapis qhawashallampuni.

Proverbios 5:22

Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

Eclesiastés 5:8

Sichus may naciompi wajchasta ñak'arichejta rikunki, cheqan kajtapis mana kajman tukuchejta, jinallataj cheqanchaypis mana kajtenqa, ama chaykunamanta mancharikunkichu. Paytaqa uj kuraj kaj qhawamushan, paytataj uj aswan kuraj kajñataj qhawamushan, paytapis aswan kuraj kaj patamanta qhawamushallantaj.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

Daniel (hebreo) 5:23

Aswampis, janaj pachapi kaj Señorpa contrampi asiykukorqanki, kamacherqankitaj templomanta vasosta orqhomunankuta, chay vasospitaj vinota ujyarqankichej wajyarakorqanki chaykunawan khuska, yupaychankitaj waj dioskunata, qorimanta, qolqemanta, broncemanta, fierromanta, k'aspimanta, rumimanta ima ruwasqa dioskunata. Chay dioskunaqa mana rikunkuchu, mana uyarinkuchu, nitaj imatapis yachankuchu. Manataj jayk'ajpis Diostaqa yupaychankichu, paypa makimpi kausayniyki kashan, tukuy ima ruwanaykipis paymanta kashan.

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

Hechos 17:28

Diospi kausanchej, kuyurinchej, kanchejtaj. Wakin poetasniykichejpis kay jinata nerqanku: Noqanchejpis paypa mirayninmanta kanchej, nispa.

Romanos 2:16

Juicio p'unchaypi, Dios juzganqa Jesucristonejta, runaspa pakaypi ruwasqasninkuta, evangelioman jina.

Romanos 2:6

Paytaj sapa ujman qoponqa ruwasqanman jina.

1 Corintios 4:5

Chaywampis, amaraj imatapis juzgaychejchu, Señor jamunankama. Paytaj sut'inchanqa laqhapi pakasqa kajta, rikuchenqataj imatachus sonqosninkupi yuyasqankuta; chaypachataj sapa ujta Dios alabanqa.

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Apocalipsis 1:18

Noqa kani kausaj, wañusqataj karqani, kunantaj wiñay wiñaypaj kausashani. Wañuypa llavesnintapis, infiernoj llavesnintawan noqa jap'ini.

Apocalipsis 2:18

Tiatira iglesiaj angelninman escribiy: Kayta nin Diospa Churin, pejpatachus ñawisnin nina larwaj jina, pejpatachus chakisnimpis llusk'achasqa lliphipej bronceman rijch'akun, chay:

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

Apocalipsis 22:12

Kayqa usqhayta jamushani, t'inka aparisqa sapa ujman maychus ruwasqanman jina qopunaypaj.

1 Samuel 16:7

Señortaj nerqa: Ama allin rijch'ayninta qhawaychu, nitaj jatun kaynintapis, paytaqa noqa qhesachani. Runaqa k'acha kaynillanta qhawan, noqaqa mana runa jinachu qhawani, manachayqa sonqonta qhawani, nispa.

1 Samuel 2:3

Ama ni pi runaykachaspa parlachunchu, amataj pipis chhikata alabakuchunchu, imaraykuchus Señorllamin tukuy imata yachaj Diosqa. Paymin juicioman churan tukuy runaspa ruwasqasninkutaqa.

1 Samuel 2:6

Señormin kausaytaqa qhechun, payllataj qon; Pay wañusqastawan khuska churawanchej, payllataj chaymanta orqhomuwanchej.

1 Samuel 25:29

Pillapis qanta mask'asojtin, chayri wañuchiyta munasojtenqa, kausayniyki Señor Diosniykej makimpi jallch'asqa kanqa. Enemigosniykitari Señor wijch'onqa, imaynatachus warak'awan rumita warak'anku ajinata.