Proverbios 21:8 - Qheshwa Biblia DC

⁸ Sajra runaj ñannenqa mana cheqanchu, nitaj cheqachu; llimphu runaj ruwasqasninrí cheqampuni.

DIOSPA QHELQACHISQAN DEUTEROCANONICAL

⁸ Mana allinta purejqa uma nanayta tarikuspalla kawsan. Cheqan sonqoyoj runaj ruwasqankunarí llimphu kanku.

DIOSPA QHELQACHISQ

⁸ Mana allinta purejqa uma nanayta tarikuspalla kawsan. Cheqan sonqoyoj runaj ruwasqankunarí llimphu kanku.

Proverbios 21:8 Iomraidhean Croise

Génesis 6:12

Runasqa juchapi pejtusqas karqanku. Chayrayku Dios chay jina millay juchararasta rikuspa, nerqa Noeman: Noqa tukuchisaj kay runasta. Paykunaj juchallikusqankurayku imaymana jucha mundoman junt'an. Chayrayku tukuchisaj paykunata tukuy jallp'antinta.

Proverbios 15:26

Señorqa sajra runaspa imatachus ruwasqankuta millachikun; llimphu runaspa parlasqasninkuwan kusikun.

Proverbios 2:15

Wist'u ñankunata purinku, ñanninkoqa pantasqa.

Proverbios 21:9

Aswan allin wasi patapi uj k'uchupi tiyakunaqa, uj jatun wasipi maqanakoj warmiwan tiyakunamantaqa.

Proverbios 30:12

Wakin runasqa llimphus kasqankuta yuyakunku, manataj millay ch'ichi kasqankumanta llimphuchakuspapis.

Eclesiastés 7:29

Kayllata tarini: Diosqa runata cheqanta, allin kajta ruwanampaj ruwasqa; chaywampis runasqa ashkha mana allin imasta mask'anqanku.

Eclesiastés 9:3

Kay pachapi tukuy ima ruwakojkunamantaqa, kaylla mana allinchu uj ima kajpis tukuypaj uj rejlla. Kikillantaj tukuy runaj sonqompi, kay pachapi kausanankamaqa, tukuy sajra kajwan, wampuyaywantaj junt'a kashan. Chay qhepamantaj wañuranku.

Isaías 26:7

Cheqan runaj ñannenqa cheqampuni; allinta ruwaj kaj runaj ñannintaqa qanlla allinyachinki.

Isaías 59:8

Paykunaqa sonqo tiyakuy ñanta mana rejsinkuchu, puriyninkupeqa mana cheqan ruway kanchu; chay ñanninkoqa wist'ulla; chay sajra ñanta rejqa mana sonqo tiyakuyta rejsinchu.

Daniel (hebreo) 12:10

Ashkhastaj kanqanku llimphuchasqas, rit'iyachisqas, allinchasqastaj. Mana allin runastaj sajra imasta ruwallanqankupuni, mana unanchakuspa imachus kasqanta. Yachayniyoj runastaj tukuy imata allinta unanchakonqanku.

San Mateo 12:33

Allin sach'aqa, allin poqoyta qon. Mana allin sach'arí, mana allin poqoytaqa qon. Chayrayku, sach'ataqa poqoyninnejta rejsinchej.

San Mateo 5:8

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

Hechos 15:9

Diosqa gentilesta munakun, noqanchejta jinallataj. Paykunaj sonqosninkutapis juchamanta llimphuchan creesqankurayku.

Tito 1:15

Llimphuspajqa tukuy ima llimphu; juchasapaspajqa, Diospi mana creejkunapaj, mana imapis llimphuchu, imaraykuchus yuyayninku, sonqonkupis juchawan ch'ichichasqas kanku.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Tito 3:3

Noqanchejpis ñaupajtaqa mana yuyayniyoj karqanchej, Diosta mana kasuspa, chinkasqas aychaj munaynimpi, imaymana sajra munaykunaman qokuspa, mana allin yuyaypi, qhawanakuspa, chejnisiris, chejninakuspataj ujkuna ujkunawan.

1 Juan 2:29

Jesucristo cheqan kasqanta yachankichej chayqa, yachallaychejtaj ari, pillapis cheqan kajta ruwajqa, Diospa wawan kasqanta.

1 Juan 3:3

Pillapis Jesucristopi suyayninta churajqa, pay kikin llimphuchakun, imaynatachus Jesucristopis llimphu kashan, ajinata.