Proverbios 20:3 - Qheshwa Biblia DC

³ Allinmin runapajqa ch'ajwaykunata saqenanqa, ch'ajwaytaqa mayqen wampupis qallarillan.

DIOSPA QHELQACHISQAN DEUTEROCANONICAL

³ Ch'ajwata mana munaj runaqa jatunchasqa kanqa. Wampu runarí ch'ajwapi pejtukun.

DIOSPA QHELQACHISQ

³ Ch'ajwata mana munaj runaqa jatunchasqa kanqa. Wampu runarí ch'ajwapi pejtukun.

Proverbios 20:3 Iomraidhean Croise

Génesis 13:7

Abrampa uywasninta michejkunasninwan, Lotpa uywasninta michejkunasninwan mayta maqanakorqanku churanakuspa. Chaypacha chay jallp'api tiyakullarqankutaj cananeos, ferezeos ima.

Génesis 13:8

Uj p'unchay Abramqa Lotman nerqa: Qanwan noqawanqa aylluntin kanchej, mana atisunmanchu phiñanakuyta noqanchejpura, nitaj michejkunasninchejpis phiñanakuyta atinkuchu.

2 Reyes 14:9

Israelmanta rey Joastaj Amasiasman willajta kamachisninta kacharqa kay jina kutichiywan: Juch'uy khiskarara sach'a, Libanopi kashan chayqa, kacharqa Libanopi kashan chay jatun Cedro sach'aman, kay jinata nejta: Warmi wawaykita qhari wawaypa warmin kanampaj qopuy. Libanopi kajkuna, monte animalestaj pasashaspa juch'uy qhewaylluta sarurparerqanku.

Proverbios 14:17

Rato phiñakuyniyojqa imatapis ruwallan mana unanchaspa. pichus unanchajqa mana imamampis yaykullanchu.

Proverbios 14:29

Pichus mana usqhayta phiñakojqa yachayniyoj. Pichus usqhayta phiñakojqa ancha wampu.

Proverbios 16:32

Wapu kanamantaqa aswan allin llamp'u sonqo kanaqa; ashkha llajtasta jap'inamanta nisqaqa, aswan allinraj pay kikinta atipakunan.

Proverbios 17:14

Pichus phiñakuyta qallarejqa, jark'asqa yakutapis kachaykushanman jina; chay phiñakuytaqa saqey manaraj chaypi maniakushaspa.

Proverbios 18:6

Wampusqa siminejta imamampis chhapukunku, palabrasnenqa jasut'ita mask'akunku.

Proverbios 19:11

Runaj sumaj yuyaywan ruwasqanqa phiñakuyta thasnun, k'acha runaqa chejnikuyta mana kasuta ruwanchu.

Proverbios 21:24

Pichus alqochakoj runaykachajtaqa, machu machu ninku, ajinata ruwasqanrayku.

Proverbios 26:17

Waj runaspa quejasninman churakoyqa, alqoj ningrinmantapis jap'iykukusunman jina.

Efesios 4:32

Ujkuna ujkunawantaj k'achas kaychej, khuyakuyniyojtaj. Sapa uj juchasniykichejta perdonanakuspa, imaynatachus Diospis juchasniykichejta pampacharqa Cristopi, ajinata.

Santiago 3:14

Chayrí, jaqay qhawanakupichus, churanakupichus sonqoykichej kashan chayqa, ama jatunchakuychejchu, nitaj cheqa kajpa contranta llullakuychejchu.

Santiago 4:1

Maymantataj jamun ch'ajwas maqanakus ima qankuna ukhupi? Manachu sajrata munasqaykichejrayku? Chay sajra qankuna ukhupi maqanakushan.