Números 9:5 - Qheshwa Biblia DC

⁵ Paykunataj kikinta ruwarqanku ñaupaj kaj killapi, chunka tawayoj p'unchaypi ch'isiyaykuyta Sinaí ch'in pampapi, imaynatachus Señorqa Moisesman kamachisqanman jina.

DIOSPA QHELQACHISQAN DEUTEROCANONICAL

⁵ Paykunataj Sinaí ch'innejpi, wata qallariy killapi, chunka tawayoj p'unchay ch'isiyaykuyta Pascua raymita ruwarqanku Tata Dios Moisesman kamachisqanman jina.

DIOSPA QHELQACHISQ

⁵ Paykunataj Sinaí ch'innejpi, wata qallariy killapi, chunka tawayoj p'unchay ch'isiyaykuyta Pascua raymita ruwarqanku Tata Dios Moisesman kamachisqanman jina.

Números 9:5 Iomraidhean Croise

Génesis 6:22

Ajinata Noeqa ruwarqa, Dios imaynatachus payman nisqanman jina.

Génesis 7:5

Noetaj Señorpa tukuy kamachisqanta ruwarqa.

Éxodo 12:50

Ajinata ruwarqanku tukuynin israelitas; imaynatachus Señorqa kamacherqa Moisesman Aaronmanwan chayman jina.

Éxodo 39:32

Dioswan tinkukuna toldo tukukun. Chaytaqa israelitas ruwarqanku imaynatachus Moisesman Señor kamachisqanman jina. Moisesman israelitas Dioswan tinkukuna tukuy imasnin tukusqata; ganchosnintinta, tablasnintinta, sayachina maderasta, maderaspa sayanasnin chukusta; tapanapaj pukaman teñisqa oveja qarasta, tapanapaj qowi qarasta, ñaupajninta jark'achinapaj velosta; Diospa leyninwan kasharqa chay cajonta, k'aspisnintawan, kirpanasnintawan; mesata, vasosnintawan, qayllapi nisqa t'antatawan; qorimanta ruwasqa k'anchachinata, k'anchachinasnintawan, chay k'anchachina imaynachus ruwasqa kanan karqa chaykunasninta, tukuy imasninta, k'anchanapaj aceitetawan; qori altarta, jawina aceiteta, sumajta q'apashaj inciensota, Dioswan tinkukuna punkuman yaykuyta jark'achinapaj awasqastawan; bronce altarta, bronce rejillasnintinta, k'aspisninta, imasninchus chay patasnimpi karqa chaykunastawan, ch'illamita, maypichus sayanantawan; patiota jark'achinapaj awasqasta, plantasta jina sayachinapaj maderasninta, chay maderaspa sayanasnin chukusta, patio punkuta jark'achinapaj awasqasta, waskasninta, estacasta, imasninchus kanan karqa chaykunasnintinta Diospa tiyakunampi ruwanapaj Dioswan tinkukuna wasipi; chaypi kaspa imastapis ruwaspa churakuna p'achasta, sacerdote Aarompaj sumaj ruwasqa p'achasta, Aarompa wawasnimpaj p'achasta sacerdoteman p'achallikuspa Diospa tiyakunan wasipi ruwanankupaj.

Éxodo 39:42

Chay tukuy imasta israelitasqa ruwarqanku, imaynatachus Moisesman Señor kamachisqanman jina.

Números 1:54

Israelitas chayta ruwarqanku imaynatachus Señorqa Moisesman kamachisqanman jina.

Números 29:40

Chanta Moisesqa israelitasman willarqa, Señorqa payman imaynatachus nisqanman jina.

Números 8:20

Ajinamanta Moiseswan, Aaronwan, tukuy israelitaswan ima junt'arqanku Moisesman Diospa nisqanta.

Números 9:4

Chaymanta Moisesqa israelitasta kamacherqa Pascua raymita ruwanankuta.

San Juan 15:14

Qankunaqa kausaqesniy kankichej, kamachisqasniytachus ruwankichej chayqa.

Hechos 26:19

Kayrayku, reyníy Agripa, janaj pachamanta Jesús rikhurimuwaspa kamachiwasqanta kasushani.

Deuteronomio 1:3

Chay karqa tawa chunka wata kashajtin, iskay chunka iskayniyoj killapi ñaupaj kaj diapi. Chaypacha Moisesqa israelitasman parlarqa imaynatachus Dios payman kamachisqanman jina israelitaswan ruwanasninmanta, Amorreospa reynin Sehonta atipasqankumantaña. Chay reyqa Hesbompi tiyakorqa. Chantá Basánmanta rey Ogta atipasqankumantapis. Chay reyqa Edrei Astarotpi tiyakorqa.

Deuteronomio 4:5

Noqa yachacherqaykichej Señorpa kamachisqasninta, imatachus nisqasninta. Chaykunata Señor Diosniy kamachiwarqa qankunaman yachachinayta, qankuna chaykunata ruwanaykichejpaj, mayqen jallp'atachus jap'ikapunkichej chaypi.

Hebreos 11:8

Creesqanrayku Abrahampis wajyasqa kaspa, chayaqepaj jap'inan jallp'aman llojserqa, mana yachaspa maymanchus rishasqanta.

Hebreos 3:5

Moisesqa, cheqamanta junt'aj karqa Diospa wasimpi kamachi jina, willanampaj imachus nisqa kanan karqa chaymanta.

Josué 5:10

Israelitasqa Gilgalpi jarakorqanku; chay killapi chunka tawayoj p'unchay ch'isiyaytataj, Pascua mikhuyta mikhorqanku Jericó pampaspi.