Números 6:27 - Qheshwa Biblia DC

²⁷ Ajinata paykunata noqaj sutiypi israelitasman nichunku, noqataj paykunata bendicisaj.

DIOSPA QHELQACHISQAN DEUTEROCANONICAL

²⁷ Ajinata sacerdotekunaqa israelitakuna saminchasqa kanankuta noqa Diosmanta mañaponqanku. Noqataj paykunata saminchasaj, nispa.

DIOSPA QHELQACHISQ

²⁷ Ajinata sacerdotekunaqa israelitakuna saminchasqa kanankuta noqa Diosmanta mañaponqanku. Noqataj paykunata saminchasaj, nispa.

Números 6:27 Iomraidhean Croise

Génesis 32:26

Chay qharitaj nerqa: Kachariway, ñapis sut'iyamushanña. Jacobtaj nerqa: Bendiciway, manachayqa manapuni kacharisqaykichu, nispa.

Génesis 32:29

Chaymanta Jacobqa taporqa: Qampa sutiykiri imataj?, nispa. Chay qharitaj nerqa: Imapajtaj qan sutiyta watuwankiri?, nispa. Jinata nispataj chay kikimpi Jacobta bendicerqa.

2 Samuel 7:23

Israel aylluyki jinaqa, mana waj llajta pay jina kanchu tukuy kay pachapeqa? Qan Diosníy, aylluyki kanampaj kacharicherqanki, may uyarisqa kanantataj ruwarqanki, payrayku may t'ukuna k'acha imasta ruwaspa. Egiptomanta kacharicherqanki, chay aylluykej ñaupaqenmantataj qan wijch'orqanki chay waj nacionesta dioskunasnintawan.

1 Crónicas 4:10

Jabestaj mañakorqa Israelpa Diosninmanta kay jinata: Mañakuyki bendicionniykita qonawaykita, uj jatun jallp'atawan, yanaparinawaykita, tukuy sajra kajmantataj waqaychanawaykitataj, ama ima llakiypi kanaypaj. Diostaj qorqa chay imatachus mañakusqanta.

Salmos 5:12

Señor, qan bendicinki cheqan ruwajta. Munakuyniykeqa jark'akuna jina payta waqaychan.

Salmos 67:7

Dios bendiciwasun. Diosninchejta tukuy kay pachapi kajkuna yupaychachunku.

Éxodo 6:3

Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

Isaías 43:7

Sutiyta apaykachajkunata, pikunatachus noqa kusikunaypaj ruwarqani chaykunata, sayaricherqanitaj.

Jeremías 14:9

Imaraykutaj t'ukusiri runa jina, uj maqanakoj runa manaña yanapayta atinñachu ajinari? Jinapis, Señor, qan chaupiykupi kashanki, tukuy yachanku qampa aylluyki kasqaykuta. Ama saqerakuwaykuchu ari!

Números 23:20

Diosqa noqata kamachiwan bendicinayta. Sichus Dios bendicin chayqa, noqaqa mana imanaytapis atinichu.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Deuteronomio 28:10

Kay pachapi kaj tukuy naciones rikonqanku cheqamanta Señorpa ayllun kasqaykichejta, qankunamantataj manchachikonqanku.