Números 6:24 - Qheshwa Biblia DC

²⁴ Señorqa bendicisuchun, waqaychasuchuntaj.

DIOSPA QHELQACHISQAN DEUTEROCANONICAL

²⁴ Tata Dios saminchasuchun, waqaychasuchuntaj.

DIOSPA QHELQACHISQ

²⁴ Tata Dios saminchasuchun, waqaychasuchuntaj.

Números 6:24 Iomraidhean Croise

Génesis 28:15

Noqa qanwan kashani, noqa waqaychasqayki maymampis rejtiyki, kutichimusqaykitaj kay jallp'allamantaj. Mana saqerparisqaykichu, imatachus qosunay kajta qosunaykama.

2 Samuel 7:29

Yuyarikuy ari bendiciyta kay kamachiykej mirayninta, qampa makisnillaykipipuni kanankupaj. Qan, Señor Diosníy niwarqanki, chay bendicionesniykiwantaj kamachiykej miraynenqa wiñaypaj bendicisqa kanqa.

Salmos 134:3

Diosninchej janaj pachata kay pachatawan ruwajqa, Sión orqomantapacha bendicisuchun.

Salmos 17:8

Ñawiykipis kayman jina waqaychaway. Lijraykej urampi pakaykuwan.

Salmos 28:9

Señor, aylluykita salvay, qampata kajkunatataj yanapay. Pusaykachay, waqaychay, ovejata michej jina waqaychay, wiñaypajtaj ichurikuspa pusaykachay.

Salmos 91:11

Pay angelesninta kamachenqa, maymampis rejtiyki qhawasunankupaj.

Isaías 27:3

Noqa Señor waqaychani, noqa sapa kuti qarpani. Tuta p'unchay waqaychani, ama pipis imananampaj.

Isaías 42:6

Noqa Señorqa qanta wajyayki. Makiykimanta mana kacharisqaykichu. Noqa qantaqa waqaychasqayki. Qanqa runaswan trato ruwanay kanki, tukuy nacionespa k'anchaynintaj.

Daniel (hebreo) 9:17

Diosniyku, uyariy kay kamachiykej majakuspa mañakususqanta. Sutiykirayku, Señor, munakuywan qhawariy temployki kay jina llakiypi rikhurisqanta.

San Juan 17:11

Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

1 Corintios 14:16

Qanchus Diosta espiritullawan yupaychawaj chayqa, mana creejqa, imaynatataj “Amén” ninman, graciasta qoshajtiyki, mana yachaspa imatachus nisqaykita?

Efesios 6:24

Diospa khuyakuynin kachun, Señorninchej Jesucristota tukuy wiñaypaj munakojkunaman.

Filipenses 4:23

Señorninchej Jesucristoj khuyakuynin tukuy qankunawan kachun.

Filipenses 4:7

Diospa sonqo tiyakuynintaj, tukuy runaspa yuyayninta atipan, waqaychanqataj sonqoykichejta, yuyayniykichejta ima Cristo Jesuspi.

1 Tesalonicenses 5:23

Sonqo tiyachej Diosqa allintapuni qankunata llimphuchachun. Tukuy kayniykichej, espirituykichej, almaykichej, ukhuykichejpis mana k'aminayoj waqaychasqas kachunku Señorninchej Jesucristo jamunankama.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

Judas 1:24

Kunanqa yupaychay kachun atiyniyojman, pichus pay k'atalla atin mana juchayojta qankunata waqaychayta; ajinallatataj atin qankunata janaj pacha k'anchayninman mana juchayojta, may kusiywan pusayta.

Rut 2:4

Jinallamanta Boozqa Belenmanta chayaykamusqa, napaykorqataj ruthojkunasninta: Señor qankunawan kachun!, nispa. Señor qanta bendicisuchun, nispataj kuticherqanku.

1 Samuel 2:9

Paylla pay sonqo kaj wawasnimpa thaskinasninta waqaychan, sajra runastajri laqhayaypi wañupunku, imaraykuchus mana pipis kallpanraykullaqa atipanqachu.