Números 6:20 - Qheshwa Biblia DC

²⁰ Kay tukuy imasta sacerdoteqa Señorman jaywanqa uj sumaj kaj ofrendata jina. Chay ovejata Señorman jaywasqanmanta chay puchusnin, maki palasnin imaqa Señorpaj t'aqasqa, qhepamantaj sacerdote chaykunata mikhukaponqa. Chaymantaraj nazareoqa vinota ujyayta atenqa.

DIOSPA QHELQACHISQAN DEUTEROCANONICAL

²⁰ Chantá sacerdoteqa chay tukuy imata, watej nazareoj makinmanta jap'ispa, ikhaspa Tata Diosman jaywanqa. Jinallataj uywaj qhasqonta, chantá wasantapis jaywallawanqataj. Tukuy Diospaj t'aqasqa jaywanaqa sacerdotepaj kanqa. Chaymantaraj Diospaj t'aqasqa karqa, chay runa vinota ujyayta atenqa.

DIOSPA QHELQACHISQ

²⁰ Chantá sacerdoteqa chay tukuy imata, watej nazareoj makinmanta jap'ispa, ikhaspa Tata Diosman jaywanqa. Jinallataj uywaj qhasqonta, chantá wasantapis jaywallawanqataj. Tukuy Diospaj t'aqasqa jaywanaqa sacerdotepaj kanqa. Chaymantaraj Diospaj t'aqasqa karqa, chay runa vinota ujyayta atenqa.

Números 6:20 Iomraidhean Croise

Eclesiastés 9:7

Chayrayku qanqa riy, kusiywan t'antaykita mikhuy, vinoykitapis tukuy sonqo ujyarikuy; imaraykuchus ruwasqasniykiwanqa Dios mayta kusikun.

Isaías 25:6

Tukuy Atiyniyoj Señorqa Sión orqopi tukuy llajtaspa uj jatun mikhunata ruwanqa, misk'i mikhuykunawan sumaj kaj vinosta ujyachenqa. Chantá sumaj kaj aycha kankasta mikhuchenqa, sumaj allin kaj ch'uwachasqa kaj vinostawan ujyachenqa.

Isaías 35:10

Ajinata Señorpa salvasqasnenqa kutimponqanku, Sionmanqa may kusisqas yaykuponqanku. Umankupeqa kusiy yuyayllapuni kanqa. Chaypacha may kusiyniyoj kanqanku. Paykunamanta llakiywan, ayqoywan ayqenqa.

Levítico 10:15

Pierna aycha qankunaman qosqa kajqa, pecho aychantawan sumajnin kaj rikuchiku kashan, chayqa apasqa kachun Señorpa ñaupaqenman. Chayta jaywaychej uj sumaj richuchikuta jina, ruphachisqa kanampaj apamunku chay wirastawan khuska. Chayqa qampaj, wawasniykipajwan kanqa Señorpa kamachisqanman jina.

Levítico 23:11

Samarikuna p'unchaypa q'ayantin sacerdote chay rikuchikuta Señorman rikuchenqa, ajinamanta qankuna bendicisqas kanaykichejpaj.

Levítico 7:30

Chaytataj kikin makisninwan apanqa Señorman ruphachisqa kanampaj, pecho wirasninta, pechontinta Señorpa ñaupaqempi chayta rikuchinampaj.

Levítico 7:31

Chay wirastataj sacerdoteqa altar patapi ruphachenqa. Chay uywaj pechontaj sacerdote Aarompaj, miraynimpajwan kanqa.

Levítico 7:32

Chay allinyakuy uywa jaywasqa paña aychaqa piernan sacerdotemampuni qosqa kanqa.

Levítico 7:34

Allinyakuy rikuchiku ofrendasta israelitas qowasqankumantaqa, noqa t'aqani uj sumajnin kaj ofrendata pecho aychanta, pierna aychantawan, sacerdote Aaronman, mirayninmanwan qonaypaj. Chaykunaqa paykunapajpuni wiñaypaj kanan tiyan.

Levítico 9:21

Chaymantataj Aaronqa pecho aychasta, iskaynin paña pierna aychastawan oqharikuspa Señorman rikucherqa Moisespa kamachisqanman jina.

Zacarías 10:7

Efraenqa uj soldado jina kanqa. Sonqonqa vinowampis kashanman jinata kusikonqa. Chayta rikuspari wawasnimpis kusirikullanqankutaj. Sonqonqa kusikonqa Señorrayku!

Zacarías 9:15

Tukuy Atiyniyoj Señor waqaychanqa tukuy paypata kajkunata, wawasninrí warak'ajkunaspa rumisninkuta saruraspa phiriranqanku chay enemigosninkutataj oqoykonqanku.

Zacarías 9:17

May walej, may k'achitupunitaj kanqa chay jallp'ankoqa! May chhika trigo poqojtin, vinopis ch'irwakojtenqa; wayna wawasninchej sipaskunasninchejpis k'achitus wiñarenqanku.

Números 18:18

Aychasnintaj qampaj qhepakaponqa, jinallataj sumajnin kaj apamusqa ofrendasmanta pecho aychasnin, paña pierna aychan ima.

Números 5:25

Sacerdotej warminmanta tumpanakuy ofrendata jap'enqa, chayta Señorman jaywamunampaj; chaymantataj altar pataman churanqa.

Números 6:21

Kaymin chay kamacheyqa, pikunachus Señorpaj t'aqasqas kanku nazareo jina chujchankutapis wiñachikunku chaykunapaj. Jinallataj ofrendastapis Señorman qoyta atinku maychus kapusqanman jina imaschus kapusqanta. Chaytaqa junt'anantaj tiyan imatachus Señorman qosaj nisqanta nazareo nisqasman kamachisqasman jina.

San Mateo 26:29

Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.

Marcos 14:25

Cheqamanta niykichej, manaña jayk'ajpis uvas sach'aj poqoyninmanta ujyasajchu; Diospa reinompi watejmanta ujyanaykama.

San Juan 19:30

Jesustaj vinagreta llamiytawan nerqa: Tukuy ima tukusqaña. Umanta k'umuykuspataj, espiritunta Dios Tataman qoporqa.