Números 5:3 - Qheshwa Biblia DC

³ Chaykunata jawaman orqhochunku qharispis warmispis kachunku. Ajinamanta jaraqa llimphupaj qhawasqa kanqa imaraykuchus noqa paykunaj chaupinkupi kashani.

DIOSPA QHELQACHISQAN DEUTEROCANONICAL

³ Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.

DIOSPA QHELQACHISQ

³ Qharipis warmipis kachun, jaramanta jawaman orqhochunku. Ajinamanta jaraqa llimphupaj qhawasqa kanqa, imaraykuchus noqa paykunaj chawpinkupi kashani, nispa.

Números 5:3 Iomraidhean Croise

1 Reyes 7:3

Chay kurkusqa tawa chunka phishqayoj karqa, kinsa t'aqasman rak'isqa, sapa t'aqapitaj chunka phishqayoj kurkus karqa, sayantas patapi churasqas. Chay kurkus patataj cedro tablaswan mast'asqa karqa.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

Éxodo 25:8

Runasqa ruwapuwachunku uj toldota, noqataj paykuna ukhupi tiyakusaj.

Éxodo 29:45

Israelitas ukhupi noqa kausasaj, Diosninkutaj kasaj.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Levítico 14:8

Pichus llimphuchakojqa p'achasninta t'ajsakonqa, jinallataj pelosninta ruthukonqa, ajinamanta llimphuchasqa kanqa. Chaymantaraj yaykonqa jaraman, chaywampis qanchis diastaraj paypa toldonmanta jawapi tiyakonqa.

Levítico 15:31

Ajinata qankunaqa israelitasta chay ch'ichi kay ninkumanta karunchachinkichej, chay jinamanta ama wañunankupaj, maynejpichus noqa paykuna ukhupi kashani chayta ch'ichichasqankurayku.

Números 16:3

Tukuyninku tantaykukuytawan Moisesman Aaronmanwan nerqanku: Kaykamalla qankunaqa kamachiwasqayku. Tukuynin israelitas Diosman k'umuykukunku, llimphuchasqastaj kanku; Señorpis tukuyninkuwan kashan. Imaraykutaj qankuna Señorpa llajtanta kamachiyta munankichejri?, nispa.

Números 19:22

Ch'ichipaj qhawasqa runaj llankhasqasnenqa ch'ichipaj qhawasqa kanqa. Pichus chay llankhasqasta llankhajpis ch'isiyaykuykama ch'ichipaj qhawasqallataj kanqa.

Números 35:34

Ama ch'ichichankichejchu maypichus tiyakunkichej chay jallp'ataqa; noqapis tiyakuni chayllapitaj. Noqa Señor, israelitaswan khuska tiyakusqayrayku.

Números 5:4

Israelitasqa kasorqanku imatachus Señorqa Moisesman kamachisqanta, jaramanta chay jina onqoyniyoj runasta orqhospa.

Deuteronomio 23:14

Señor Diosniykichejqa qankunaj chaupiykichejpi kashan, chay jaraykichejpi ima kajtimpis yanapanasuykichejpaj, enemigosniykichejtapis atipachinasuykichejpaj. Chay jaraykichejqa llimphupuni kanan tiyan, Dios ama chaynejpi ima ch'ichitapis rikunampaj. Mana jina kanqa chayqa Dios qankunamanta karunchakonqa.

Deuteronomio 23:15

Pi kamachipis patronninmanta qankunaman ayqekamusojtiykichej, ama payta ñaupa patronninman kutichinkichejchu.

2 Tesalonicenses 3:6

Kunanqa, hermanos, qankunata kamachiyku Señorninchej Jesucristoj sutimpi, mayqen hermanopis mana allinta purejmanta, kamachisqaykutapis mana jap'ejmanta ima, t'aqakunaykichejta.

Tito 3:10

Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.