Números 3:8 - Qheshwa Biblia DC

⁸ Paykuna allinta jallch'anqanku Dioswan tinkukuna toldoj imasninta, chantapis israelitasta yanapanqanku, toldopi imachus ruwana kashan chaykunatawan ruwanqanku.

DIOSPA QHELQACHISQAN DEUTEROCANONICAL

⁸ Jinallataj Dioswan Tinkukuna Toldopi imachus kajta qhawanqanku. Chantá Dioswan Tinkukuna Toldopi imachus ruwanapi israelitakunata yanapanqanku.

DIOSPA QHELQACHISQ

⁸ Jinallataj Dioswan Tinkukuna Toldopi imachus kajta qhawanqanku. Chantá Dioswan Tinkukuna Toldopi imachus ruwanapi israelitakunata yanapanqanku.

Números 3:8 Iomraidhean Croise

1 Crónicas 23:27

Ajinaqa, Davidpa qhepa kaj nisqasninman jina, Leví ayllumanta kajkunata yuparqanku iskay chunka watayojmanta pataman.

2 Crónicas 29:11

Kunanqa, wawasníy, ama qhellasqa kaychejchu, Señorqa ajllasorqachej paypa ñaupaqempi kanaykichejpaj, Diospa wasimpi ruwanaykichejpaj, inciensota q'osñichinaykichejpajtaj.

Isaías 52:11

T'aqakuychej, llojsimuychej Babiloniamanta, ama ch'ichi imastaqa llankhaychejchu. Paykunaj chaupinkumanta llojsimuychej; llimphuchakuychej Diospa imasninta apajkuna.

Números 10:17

Chaymantataj Gersompa mirayninmanta kajkuna. Merarej mirayninmanta kajkunapiwan, Dioswan tinkukuna toldota phaskarqanku. Chay imasta oqharikuspa paykunaqa purirerqanku, paykuna apanankupaj cuentayoj kasqankurayku.

Números 10:21

Chaykunaj qhepantapacha purirerqanku Coatpa wawasnin, Diospa tiyakunanmanta llimphupaj qhawasqa imasta oqharikuspa. Paykuna chayanankupajqa ñapis Dioswan parlana toldoqa sayachisqaña karqa.

Números 3:7

Dioswan tinkukuna toldopi israelitaspaj, Aarompajwan ruwapuchunku, toldopi imaschus ruwana kashan chaykunatawan.

Números 3:9

Tukuynin levitasta israelitasmanta Aarompaj, miraynimpajwan t'aqay, paykuna imastachus kamachenqanku chayllataña levitasqa ruwananku tiyan.

Números 31:30

Khuskan runasman chayaj kajmanta kikillantataj t'aqankichej sapa phishqa chunkamanta ujta: Runasmanta, wakasmanta, burrosmanta, ovejasmanta, ima uywaschá tiyan chaykunamantawan. Chaykunatataj Dioswan tinkukuna toldopi imastachus ruwashanku chay levitasman qonki, nispa.

Números 4:15

Aaronwan wawasninwan tukuy chay imasta q'epichayta tukojtinkutaj, ñanta puririnapaj wakichisqaña kajtin, Coatpa wawasnenqa jamuchunku tukuy chaykunata apanankupaj. Chaywampis paykunaqa amapuni llankharenqankuchu Diospaj ajllasqa imasta, manachayqa wañonqanku. Ajinata, Dioswan parlana toldoj imasninta Coatpa wawasnin apanqanku.

Números 4:28

Kay imasta Gersompa familiasnin ruwanqanku Dioswan tinkukuna toldopi. Chaytataj kamachenqa sacerdote Aarompa wawan Itamar.

Números 4:33

Kay imasta ruwanan tiyan Merarej familiasnin Dioswan tinkukuna toldopi. Paykunatataj kamachenqa sacerdote Aarompa wawan Itamar.