Números 29:12 - Qheshwa Biblia DC

¹² Qanchis kaj killapi chunka phishqayoj p'unchaypi llimphupaj qhawasqa tantakuyta ruwankichej; chay p'unchaypeqa amapuni imatapis ruwankichejchu. Chaypi qanchis p'unchayta Señorpaj fiestata ruwankichej.

DIOSPA QHELQACHISQAN DEUTEROCANONICAL

¹² Qanchis kaj killapi, chunka phishqayoj p'unchaypi Diosta yupaychanaykichejpaj tantakunkichej. Chay p'unchayqa ruwanaykichejmanta amapuni ni imata ruwankichejchu. Qanchis p'unchaynintinta Tata Diospaj jatun raymita ruwapunkichej.

DIOSPA QHELQACHISQ

¹² Qanchis kaj killapi, chunka phishqayoj p'unchaypi Diosta yupaychanaykichejpaj tantakunkichej. Chay p'unchayqa ruwanaykichejmanta amapuni ni imata ruwankichejchu. Qanchis p'unchaynintinta Tata Diospaj jatun raymita ruwapunkichej.

Números 29:12 Iomraidhean Croise

1 Reyes 12:32

Chanta Jeroboamqa uj fiestata wakicherqa pusaj kaj killapi, chunka phishqayoj p'unchaypi, imaynatachus uj jatun fiestata Judapi ruwaj kanku ajinata; uj altar patapitaj uywa ñak'asqasta jaywarqa. Ajinata ruwarqa Betelpi uywa ñak'asqasta jaywaspa chay waka uñasta ruwasqanman. Kamachillarqataj sacerdotes kanankupaj chay lomas patapi wasista ruwachisqasnimpaj.

Esdras 3:4

Ramada jatun fiestatapis ruwarqanku qelqasqaman jina. Sapa p'unchaytaj uywasta wañuchispa ruphacherqanku yachasqa kasqanman jina, sapa imata p'unchaynimpi.

Nehemías 8:14

Chaypitaj tarerqanku Señorpa kamachisqan Moisesnejta qelqasqa kasqanta, chay qanchis killa kaj yuyarikuy fiestata ruwashaspaña ramadas ukhupi israelitasqa tiyakunankuta.

Nehemías 8:18

Qanchis diatapuni Diosta yuyarikunanku fiestata ruwarqanku. Ñaupaj kaj diamantapacha tukukunan p'unchaykama Esdrasqa sapa día leellarqapuni Diospa leynin libromanta. Pusaj kaj p'unchaypitaj yachasqaña kasqanman jina jatun tantakuyta ruwarqanku.

Éxodo 23:16

Cosechasniykimantapis fiestata ruwallaytaj, tarpusqasniykimanta ñaupajta poqojkunamanta; jinallataj wata tukukuyta poqochisqasniykimanta, tukuy campopi watantinta poqochisqaykimanta.

Éxodo 34:22

Ruwallankichejtaj uj samakuna fiestata, ñaupaj cosecha trigo oqhariyta, cosecha takukuyta ima.

Ezequiel 45:25

Ramadas nisqa fiestapis qanchis kaj killamanta chunka phishqayoj p'unchaynimpi ruwakun, chaypacha jatun kamachejqa jaywanasta qanchis p'unchay junt'ata qonqa jucharayku kikin jaywanasllatataj, ñaupajta mashkhatachus chay chhikallatataj qonqa. Uywasta ñak'aspa ninapi ruphachispa jaywana uywastapis, imaynatachus Pascuapi qorqa ajinallatataj, chantá poqoymanta, aceitemantapis kikillantataj.

Levítico 23:7

Ñaupaj kaj p'unchaypi tantakunkichej Señorta yupaychanaykichejpaj, amataj chay p'unchaypi ruwaychejchu ni ima ruwanata.

Números 29:1

Qanchis kaj killa qallarikuyta, ñaupaj kaj diapi uj sumaj tantakuyta tantakunkichej. Chay p'unchaypeqa amapuni imatapis ruwankichejchu, chaypeqa cornetasllata tocankichej.

Números 29:13

Ñaupaj kaj p'unchaypi sumaj q'apashaj q'olachinata Señorman jaywankichej chunka kinsayoj waka uñasta, iskay carnerosta, chunka tawayoj uj watayojtakama corderosta mana iman imanasqasta.

Números 29:35

Pusaj kaj p'unchaypi ruwankichej sumaj tantakuyta; ama ni imata ruwankichejchu chay p'unchaypi.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.