Números 28:11 - Qheshwa Biblia DC

¹¹ Killaj qallarikuynin p'unchaypi sumaj q'apashajta q'olachispa Señorman jaywankichej iskay waka uñasta, uj carnerota, uj watayoj qanchis corderostawan sumachajnin kajta mana iman imanasqasta.

DIOSPA QHELQACHISQAN DEUTEROCANONICAL

¹¹ Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

DIOSPA QHELQACHISQ

¹¹ Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

Números 28:11 Iomraidhean Croise

2 Reyes 4:23

Qosantaj payman nerqa: Imapaj kunan riwajri? Mana killa rikhuriychu, nitaj samakuna p'unchaychu, nispa. Paytaj nerqa: Qanqa sonqo tiyasqalla kakuy.

1 Crónicas 23:31

Jinallataj uywasta ñak'aspa Señorpa q'olachinankupaj samakuna p'unchaykunapi sapa killa qallarikuypi, jatuchaj fiestaspipis, Señorpaj ruwapuspapuni sapa kuti, mashkhachus kasqankuman jina, imatachus ruwanankuman jinataj.

2 Crónicas 2:3

Chaymantataj Salomonqa Tiroj reynin Hiramman willacherqa: Imaynatachus tatay Davidta yanaparqanki, ajinata noqatapis yanapariway. Paymanqa cedro k'aspista apachimorqanki, palacionta ruwachikuspa chaypi tiyakunampaj.

2 Crónicas 2:4

Noqataj Señor Diosniypaj uj yupaychana wasita ruwapusaj, chayta Señorpaj t'aqapunaypaj, chaypitaj paypa ñaupaqempi, k'acha q'apashaj inciensota q'osñichinaypaj, chaypi paypaj t'aqasqa t'antasta sinrullata jaywanaypajpuni, sapa día uywasta ñak'aspa q'olachipunaypaj tutamanta, jinataj tardempipis, jinallataj samakuna p'unchaykunapi, killa rikhuriy p'unchaykunapi, jinataj Señor Diosniykoj fiestasnimpipis, imaynatachus Israelpi ruwakumpuni jinata.

2 Crónicas 8:13

Moisespa leyninman jina ima diaspichus jaywananku karqa chay diaspi, samakuna p'unchaykunaspi, sapa killa qallarikuypi, watantimpi kinsantin fiestaspipis, mana levadurayoj t'antata mikhuna fiestapi, semanas fiesta nisqapi, ramadas fiestapi ima.

Esdras 3:5

Chaymanta aswanqa qollarqankupuni sapa p'unchay ruphachina kajta, jinataj mosoj killapi ruphachina kajta, ajinallataj Señorpaj t'aqasqa p'unchaypi ruphachina kajtapis. Chanta munayninman jina ofrendasninkuta qoj kanku chaykunatawan.

Nehemías 10:33

Qollarqaykutaj Diospa ñaupaqempi nisqa t'antapaj, sapa día poqojkunamanta jaywanata, sapa día ch'aki mikhuy jaywanata jaywanapaj, sapa día q'olachinaspaj sapa killa ñaupaj diapi samakuna p'unchaypi jaywanaspaj, waj fiestaspi jaywanaspaj, tukuy laya jaywanaspaj, Israelpa juchasninmanta perdonta tarinapaj nisqa jaywanaspaj, jinallataj Diosniykoj yupaychana wasimpi ruwanapajpis.

Salmos 40:6

Qanqa mana munankichu uywa ñak'asqasta, nitaj trigo jaywanastapis. Mana mañankichu uywa q'olachisqasta, nitaj juchas pampachakunampaj jaywasqastapis. Astawanqa ningrisniyta kicharerqanki.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Salmos 81:4

Kay kamachiytaqa Jacobpa Diosnin Israelman qorqa.

Isaías 66:23

Sapa killamanta killa, sapa samakuna p'unchaypi, paykunaqa tukuyninku noqaqa yupaychaj jamuwanqanku, nispa nin Señorqa.

Ezequiel 46:1

Señorqa kay jinata nin: Ukhu patioj inti llojsimuynejpi kaj punkonqa, sojtantin llank'ana p'unchaykunapi wisq'asqa kanqa. Samakuna p'unchaypitaj kichakonqa. Mosoj killa rikhuriy p'unchaypipis kichakullanqataj.

Ezequiel 46:6

Mosoj killa rikhuriy punchaypitaj, tropa wakamantaqa uj uña wakata qonqa, chaytaj mana iman imanasqa kanan tiyan. Chantapis sojta corderosta, uj carnerotawan, chaykunapis mana iman imanasqas kananku tiyan.

Ezequiel 46:7

Sapa uña wakaman churanqanku, iskay chunka kilo jak'utawan, kikillantataj sapa carneromampis. Corderospajtaj atisqankuman jina. Sapa iskay chunka kilo jak'upajtaj, kinsa litros khuskanniyoj aceiteta qonqanku.

Oseas 2:11

Kusikunasnin manaña kanqachu: Chay fiestasnin killa rikhurimuykunasnin samakuna p'unchaykunasnin tukuy kaj kusikuna p'unchaykunasnimpis.

Levítico 1:13

Chanta chay runa mayllanqa, uywaj ch'unchulasninta, chakisnintapis. Chaymantataj sacerdoteqa, tukuy chaykunata ruphachenqa altar patapi. Chay ruphachispa jaywasqampa q'apaynenqa Señorpaj allin kanqa.

Levítico 1:3

Sichus wakasmanta uj rikuchikuta ruphachipunawampaj mayqempis apamuwanqa chayqa, apamuwachun sumajnin kaj torota mana iman imanasqata. Ajinamanta Diospaj allin kanampaj, chaytaqa Señorpa ñaupaqempi jaywanqa, Dioswan tinkukuna toldo punku yaykuypi, makinta chay uywaj umanman churaykuspa. Ajinamanta juchasnimpa cuentanmanta chay uywa ruphachisqa kanqa.

Levítico 1:9

Chanta chay runaqa uywaj ch'unchulasninta, chakisnintawan mayllanqa. Chaymantataj sacerdoteqa tukuy chaykunata altar patapi ruphachenqa. Chay ruphachispa jaywasqampa q'apaynenqa Señorpaj allin kanqa.

Amós 3:5

Sichus uj p'isqo pampaman urman chayqa, p'isqo jap'inachá karqa chaynejpi. Sichus p'isqo jap'ina pampamanta oqharikun chayqa, imatachá jap'iykun.

Amós 8:5

Qankuna ninkichej: Mayk'ajllañataj mosoj killa fiesta chayamonqa chay qhepata trigota vendenanchejpajri? Mayk'ajllañataj samakuna p'unchay chayamonqa chay qhepata trigota ashkhapi, pisitataj, chanta mana allin pesaspitaj vendenanchejpajri?

Números 10:10

Maypachachus kusikunaykichej kajtimpis cornetasta kusiywan waqachinkichej, mosoj killapi fiestata ruwaspa, Señorman ruphachisqa rikuchikusta jaywashaspa, allinyakuy rikuchikusta ima jaywashaspa. Ajinata qankunamanta yuyarikusqaykichej. Noqamin Señor Diosniykichejqa kani.

Números 28:19

Señorman q'olachispa jaywankichej iskay waka uñasta, uj carnerota, qanchis corderosta uj watayojtakama mana iman imanasqasta sumachajnin kajta.

Gálatas 4:10

Qankunaqa waqaychankichej wakin p'unchaykunata, killasta, watasta ima.

Colosenses 2:16

Chayrayku ama pipis qankunata juchachasuchunchu mikhunamanta, ujyanamanta, chayri wata fiestamanta, killa fiestamanta, samarina p'unchaymanta ima.

Colosenses 2:6

Chayrayku imaynatachus Señor Jesucristota sonqoykichejpi jap'erqankichej, chayman jina paywan puriychej.

1 Samuel 20:5

Davidtaj kuticherqa: Q'aya p'unchayqa mosoj killa fiesta kanqa, chaypitaj reywan khuska tiyaykuspa mikhunay kashan. Qanqa saqeway campoman rispa, minchha tardekama pakakamunayta.

1 Samuel 9:12

Paykunataj kuticherqanku: Arí, payqa aswan jaqaypiraj kashan, usqhayllata riychej, kunallan llajtaman jamun, imaraykuchus paykunaqa kunan p'unchay loma patapi Señorman rikuchikuta jaywanqanku.