Números 26:55 - Qheshwa Biblia DC

⁵⁵ Jallp'ataqa rak'inki suerteta choqaspa. Sapa ayllu jap'enqa tatankoj sutinman jina.

DIOSPA QHELQACHISQAN DEUTEROCANONICAL

⁵⁵ Jallp'ataqa suerteta choqaspa, rak'inki. Sapa jatun ayllu tatanpa sutinman jina jallp'ata jap'enqa.

DIOSPA QHELQACHISQ

⁵⁵ Jallp'ataqa suerteta choqaspa, rak'inki. Sapa jatun ayllu tatanpa sutinman jina jallp'ata jap'enqa.

Números 26:55 Iomraidhean Croise

Proverbios 16:33

Suertetaqa runa choqan, Señortaj nin imaynachus kanantaqa.

Proverbios 18:18

Suertella pleitosta tukukuyman apan, suertellaqa nin pichus ganan atiyniyojkunamantaqa.

Ezequiel 47:22

Chayaqesta jap'ikunaykichejpaj chay jallp'a pataman suertesta choqankichej, jinallataj qankunawan khuska tiyakunku chay waj llajtasniyojkunapajpis. Qankuna ukhupi wawasniyoj kanku chaykunapaj ima. Paykunata Israelpa wawasninkupis kankuman jinata rejsikapunkichej. Qankunawan khuska suerteta choqanqanku Israelpa ayllusninwan khuska paykunapis chayaqenkuta jap'inankupaj.

Números 26:56

Jallp'aqa rak'ikonqa suerteta choqaspa, jatun ayllupis kachun chayri juch'uy ayllupis kachun.

Números 33:54

Chay jallp'atataj rak'inakunkichej suerteta choqaspa, sapa ayllupi mashkhachus kasqaykichejman jina. Jatun ayllumanqa jatullantataj qonkichej, pisi ayllumantaj pisillatataj qonkichej. Chaykunataj jap'enqanku maynejpichus suerte urmasqanman jina.

Números 34:13

Moisesqa israelitasman kamacherqa: Kay jallp'asta qankuna jap'ikunkichej suerteta choqaspa. Chayta Señorqa nerqa isq'on ayllu khuskanniyoj qhepakojkunaman qonawanchejta.

Hechos 1:26

Chaymantataj suerteta choqarqanku. Suertetaj Matiaspaj llojserqa. Paytaj chaymantapacha chunka ujniyoj apostolesman yapakorqa.

Colosenses 1:12

Jatun kusiywantaj Dios Tataman graciasta qonkichej. Payqa wakichisorqachej chayaqeta jap'inaykichejpaj, Diospa ajllasqasninwan janaj pacha k'anchaypi.

Josué 11:23

Ajinata Josueqa chay tukuy jallp'asta jap'ikaporqa, imaynatachus Moisesman Señor kamachisqanman jina. Chaymantataj israelitasman, mashkha aylluschus kasqankuman jina chayaqenku kanampaj rak'irarqa. Chay jallp'apitaj manaña ima ch'ajwapis karqachu.

Josué 14:2

Chay jallp'astaqa rak'inakorqanku sorteopi isq'on ayllus, chanta Manasespa khuskan ayllun ima, imaynatachus Señorqa Moisesman kamachisqanman jina.

Josué 17:14

Joséj ayllunmanta kajkuna Josueman parlarqanku: Imajtintaj chayaqeykuta suerteta choqaspa uj cheqallapi jallp'ata qowaykurí, noqayku chay chhikan ayllu kashajtiykuri? Imaraykuchus Señorqa kunankama ashkha imasta qowanchej.

Josué 18:6

Chanta chay jallp'asta qanchisman t'aqaspaña, jamuspa imaynachus kasqanta willawajtinku, noqa suerteta choqasaj Señor Diosninchejpa ñaupaqempi.

Josué 19:1

Iskay kaj sorteopeqa Simeón ayllumanñataj chayarqa mashkhachus kasqankuman jina. Chay jallp'aqa tarikorqa Judá aylloj chaupimpi. Chay jallp'api tarikorqa: Beerseba, Seba, Molada, Hazar-sual, Bala, Ezem, Eltolad, Betul, Horma, Siclag, Bet-marcabot, Hazar-susa, Bet-lebaot, Saruhén ima. Chay tukuynin llajtas ranchosnin ima chunka kinsayoj karqa.

Josué 19:10

Kinsa kaj sorteopeqa chayarqa jallp'aqa Zabulompa ayllunmanñataj mashkhachus kasqankuman jina. Chay jallp'aj mojonnenqa karqa Saridkama. Chaymanta mojonnenqa rillarqapuni inti yaykuynejman Maralakama, chaymantataj Debesetkama, chaytaj tukukorqa Jocneampa chimpampi wayq'opi. Saridmanta chay mojonnenqa inti llojsimuynejman rerqa Quislot-taborkama, chaymanta rerqa Daberatman, chaymantataj wicharerqa Jafiaman. Chaymanta inti llojsimuynejman rerqa Gat-heferman, chaymanta Ita-casinman. Chaymantaqa llojserqa Rimonman Neaj muyuyninta. Patanejta mojonqa muyuykamorqa Hanatonkama, chaymantataj Jefte-el valleman llojserqa. Chay jallp'apeqa chunka iskayniyoj llajtas ranchosnintin karqa, chaypitaj karqa Catat, Naalal, Simrón, Idala, Belén ima. Kaymin karqa Zabulón aylloj chayaqe jallp'anqa llajtasnintin ranchosnintin mashkhachus kasqankuman jina.

Josué 19:17

Tawa kaj suerteqa chayarqa Isacar aylluman mashkhachus kasqankuman jina. Chay jallp'antaj karqa Jezreel, Quesulot, Sunén, Hafaraim, Sihón, Anaharat, Rabit, Quisión, Abez, Remet, En-ganim, En-hada, Bet-pases ima. Chay jallp'aj mojonnenqa chayarqa Taborman, Sahaziman, Bet-semesman ima, tukukorqataj Jordán mayupi. Tukuynimpi chunka sojtayoj llajtas ranchosnintin karqa. Kaymin chay jallp'aqa karqa Isacarpa ayllunman chayasqanqa, llajtasnintin ranchosnintin.

Josué 19:24

Phishqa kaj suerteqa chayarqa Aser ayllumanñataj mashkhachus kasqankuman jina. Chaypa jallp'antaj karqa Helcat, Halí, Betén, Acsaf, Alamelec, Amad, Miseal; ajinaqa inti yaykuynejman chayarqa Carmelo orqokama, Sihor-libnatanwan. Chaymantaqa inti llojsimuynejta muyuykamorqa Bet-dagonman, chayarqataj Zabulompaman, patanejpi Jeft-el valleman, chantá Bet-emecman, Neielman, patanejmantaj Cabulman llojserqa. Chaymantaqa Hebronmanta kallarqataj, Rehobman, Hamonman, Canaman ima, Sidón jatun llajtaman chayanankama. Chaymanta mojonnenqa Ramaman muyuykamorqa, Tiropi sumaj jark'achisqa llajtakama, chaymantataj Josaman rerqa, chaymantataj mar Merditerraneoman llojserqa. Chaymantaqa karqa Mahaleb, Aczib Umamanta, Afecmanta, Rehobmanta. Tukuynimpi karqanku iskay chunka iskayniyoj llajtas, muyuynimpi kaj ranchosnintin. Kay jallp'amin karqa Aser aylloj jallp'anqa.

Josué 19:32

Sojta kaj suerteqa chayarqa Neftalí ayllumanñata mashkhachus kasqankuman jina. Chaykunaj jallp'ankoqa karqa Helefmantapacha, Alon-saananimanta, Adami-necebmanta, Jabneelmanta Lacumkama, Jordanman chayanankama. Inti chinkaykuynejmantataj muyuykamorqa Aznot-tabornejta, Hucocnejta; uranejtataj muyuykamorqa Zabulompa jallp'anwan tinkuynejta. Inti chinkaykuymantaj chay mojonqa karqa Aser aylloj mojonninkama. Inti llojsimuymantaj Neftalíj mojonnenqa Jordán mayukama chayarqa. Sumaj jark'achisqa llajtastaj chayarqa: Sidón, Ser, Hamat, Racat, Cineret, Adama, Rama, Hazor, Cedes, Edrei, En-hazor, Irón, Migdal-el Horem, Bet-anat, Bet-semes ima. Tukuynimpi chay llajtasqa muyuynimpi ranchosnintin chunka isq'onniyoj llajtas karqa. Kaymin karqa Neftalí aylloj jallp'anqa mashkhachus kasqankuman jina llajtasnintin ranchosnintin.

Josué 19:40

Qanchis kaj suerteqa Dan ayllumanñataj chayarqa mashkhachus kasqankuman jina. Chay jallp'api tarikorqa Zora, Estaol, Ir-semes, Saalabín, Alajón, Jetla, Elón Timnat, Ecrón, Elteque, Gibetón, Baalat, Jehud, Bene-berac, Gat-rimón, Mejarcón, Racón ima, Jope chimpapi. Chay jallp'a mana tukuyninkupaj jinachu kajtintaj, Dan aylloqa Lesem nisqa llajtawan maqanakamorqa, atipaspataj chay llajtata jap'ikaporqanku, chay llajtapi kajkunata wañurachispa. Ajinamanta paykunaqa chay jallp'api tiyakorqanku, jinaspataj chay llajtaj sutinta wajta suticharqanku ñaupa achachinku Dampa sutinwan. Kaymin karqa Dan aylloj jallp'anqa mashkhachus kasqankuman jina llajtasnintin ranchosnintin.