Números 25:4 - Qheshwa Biblia DC

⁴ Chaymanta Moisesman nerqa: Israelitaspa tukuy kurajkunasninta tantachiy; paykunatataj noqaj ñaupaqeypi wañurachiy p'unchaypi sumajta inti k'ancharimushajtin. Ajinamanta k'ajaj phiñakuypis israelitasmanta qhechukonqa.

DIOSPA QHELQACHISQAN DEUTEROCANONICAL

⁴ Chantá Tata Dios Moisesta nerqa: Israelitakunaj tukuy kurajninkuta jap'ispa, noqaj ñawpaqeypi sut'i p'unchaypi sipiy. Ajinallamanta israelitakunaj contrankupi k'araj phiñakuyniy tiyaykonqa, nispa.

DIOSPA QHELQACHISQ

⁴ Chantá Tata Dios Moisesta nerqa: Israelitakunaj tukuy kurajninkuta jap'ispa, noqaj ñawpaqeypi sut'i p'unchaypi sipiy. Ajinallamanta israelitakunaj contrankupi k'araj phiñakuyniy tiyaykonqa, nispa.

Números 25:4 Iomraidhean Croise

2 Samuel 21:6

Chay runaj ayllunmanta munayku qanchis qharista qonawaykuta, noqaykutaj chaykunata Señorpa ñaupaqempi warkhusqayku, Señorpa ajllasqan rey Saulpa Gabaa llajtampi. Reytaj nerqa: Qosqaykichej, nispa.

2 Samuel 21:9

Chaykunatataj Gabaompi tiyakojkunaman jaywaykorqa, chaykunarí Señorpa ñaupaqempi chay orqo patapi sipirarqanku. Ajinamanta wañorqanku ujllapi qhanchisnintin runas, chay cebada oqhariykuna qallarikushajtin jina.

Salmos 106:29

Sajra ruwasqasninkuwan Diosta phiñacherqanku. Ajinapi paykunapi wañuy jatarerqa.

Éxodo 18:25

Moisesqa israelitas ukhumanta sumaj yuyayniyojkunata ajllarqa, jinaspataj paykunata churararqa kurajkuna jina kamachinankupaj; wakenqa waranqa runasta, wakenqa pachajta, wakintaj phishqa chunkata, wakintaj chunka runaspaj.

Jonás 3:9

Ichapis Diosninchej jinamanta juchasninchejta pampachanman, k'ajaj phiñakuynintaj tiyaykunaman, jinamanta mana wañusunchu, nispa.

Deuteronomio 13:11

Chayta uyarispa tukuy israelitas manchachikuywan manaña ujtawan jina sajra kajta ruwanqankuchu.

Deuteronomio 13:13

Diosta mana kasoj runas rikhurimusqanku, chay llajtapi tiyakojkunatataj pantachisqanku, kay jinata: Jaku, waj dioskunata yupaychamuna, qankuna mana rejsinkichejchu chaykunata, nispa.

Deuteronomio 13:17

Qankunaqa chay tukuy imas chinkachisqa kananmanta ama imatapis jap'ikapunkichejchu. Chayta ruwankichej chayqa, Señorpa sinch'i phiñakuynenqa tiyaykonqa, qankunatataj khuyasonqachej. Qankunata perdonaspataj ashkhata mirachisonqachej, tatasniykichejman juraspa nisqanman jina.

Deuteronomio 21:22

Sichus pipis wañuywan jasut'isqa kanampaj jina juchata ruwanman, wañuchiwajchejtaj sach'aman warkhuspa chayqa, chay ayantaqa ama tutantinta warkhurayasqata saqenkichejchu. Manachayqa chay diapacha p'ampankichej, imaraykuchus warkhusqa runaqa Diosmanta maldicisqa karqa, amataj Señor Diosniykichej qosusqaykichej jallp'aykichejta ch'ichichankichejchu.

Deuteronomio 4:3

Qankuna kikiykichej rikunkichej Señor ruwasqanta Baal-peorpi, tukuchisqantataj tukuy qankuna ukhupi chay dioskunata yupaychajkunata.

Josué 22:17

Manachu Peorpa juchanta rikuspapis wanankichej, pinejtachus kunankama mana allimpaj qhawasqa kasqanchejta, chaynejtataj ashkha Señorpa llajtan wañusqanta?