Números 25:3 - Qheshwa Biblia DC

³ Ajinata paykunaqa pusachikorqanku Baal-peorta yupaychanaman. Chaymanta Señorqa maytapuni israelitaspaj phiñakorqa.

DIOSPA QHELQACHISQAN DEUTEROCANONICAL

³ Ajinata israelitakunaqa Baal Pegor sutiyoj lantita yupaychanaman apachikorqanku. Chayrayku Tata Diosqa israelitakunapaj maytapuni phiñakorqa.

DIOSPA QHELQACHISQ

³ Ajinata israelitakunaqa Baal Pegor sutiyoj lantita yupaychanaman apachikorqanku. Chayrayku Tata Diosqa israelitakunapaj maytapuni phiñakorqa.

Números 25:3 Iomraidhean Croise

Salmos 90:11

Pitaj yachan phiñakuyniykej atiyninta? Pitaj yachan phiñakuyniyki mayk'ajkamachus kasqantari?

Jeremías 17:4

Chayaqeykipaj qorqayki chay jallp'ata saqenayki tiyan, jinamantataj enemigosniykej kamachin kanankipaj; mana rejsisqa jallp'api kanaykipaj. Phiñakuyneyqa nina jina ruphaykunampaj jap'ikunña.

Oseas 4:14

Chaywampis mana jasut'isajchu warmi wawasniykichejta qhenchachakusqankumanta nitaj ñojch'asniykichejtapis, waj qhariswan qhenchachakusqankumantapis. Qankuna kikiykichejpis qhenchachakuyman qokaporqankichej; rikuchikusta jaywanaykichejpaj khuskachakunkichej chay qhencha warmiswan, chaykunawan dioskunasninkuta yupaychaj jina. Ajinamanta llajtaqa urmaykun chinkayman mana yuyayniyoj kasqanrayku!

Oseas 9:10

Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.

Números 25:5

Moisesqa israelitaspa kurajkunasninta tantacherqa, nerqataj: Sapa ujniykichej ayllusniykichej ukhupi, pikunachus Baal-peorta yupaychaysinku, chaykunata wañurachiychej.

Números 31:16

Paykunaqa Baal-peorta yupaychachispa israelitasta Diospa contranta juchallicherqanku. Chayrayku Señorqa israelitasman wañuyta apachimorqa.

Josué 22:17

Manachu Peorpa juchanta rikuspapis wanankichej, pinejtachus kunankama mana allimpaj qhawasqa kasqanchejta, chaynejtataj ashkha Señorpa llajtan wañusqanta?

Jueces 2:11

Israelitasqa ruwarqanku imaschari mana allinchu Señorman rijch'arqa chaykunata, Baalman rijch'akojkuna tukuy laya lantistataj yupaychayta qallarerqanku.

Jueces 2:13

Señorta saqerparerqanku Baalta yupaychanankupaj, Astartej tukuy laya lantisninta ima.

Jueces 2:14

Chayrayku Señorqa israelpa contrampi sinch'ita phiñakorqa, tukuy kapuyninkuta suwaswan qhechurparicherqa, chay qayllasninmanta kaj enemigosnintaj maqanakupi atipaykorqanku, paykunataj mana kutichikuyta aterqankuchu.

Jueces 2:20

Chayraykumin Señorqa Israelpa contrampi sinch'ita phiñakorqa, nerqataj: Kay runasqa, ñaupa tatasninkuwan tratota ruwasqayta p'akinku, manataj kasuwayta munankuchu.