Números 24:7 - Qheshwa Biblia DC

⁷ Israel, ashkha yakus tiyapusonqa, mirayniykeqa ashkha yakusniyojpi tiyakonqanku, reynenqa munayninman Agagta churanqa, atiynenqa may jina uyarisqa kanqa.

DIOSPA QHELQACHISQAN DEUTEROCANONICAL

⁷ Israelqa ashkha yakuyoj kanqa. Ujyanankupaj, tarpusqankutapis qarpanankupaj jina kanqa. Israelpa kuraj kamachejnenqa kamachej Agagmantapis astawan atiyniyoj kanqa, atiynintaj may jina uyarisqa.

DIOSPA QHELQACHISQ

⁷ Israelqa ashkha yakuyoj kanqa. Ujyanankupaj, tarpusqankutapis qarpanankupaj jina kanqa. Israelpa kuraj kamachejnenqa kamachej Agagmantapis astawan atiyniyoj kanqa, atiynintaj may jina uyarisqa.

Números 24:7 Iomraidhean Croise

2 Samuel 5:12

Chaypacha Davidqa cheqamanta yacharqa Señor payta Israelpa reynin kanampaj churasqantapuni, tukuy imapitaj yanapashasqanta astawan jatunyachinampaj reinonta, Israel ayllunta khuyasqanrayku.

1 Reyes 4:21

Salomontaj chay tukuynin waj nacionesta kamacherqa, Eufrates mayumantapacha Filisteospa jallp'ankukama, mojonesnimpis Egipto chaykamataj karqa; paymantaj apamoj kanku tukuy allin imasta, rey Salomón kausanankama atiynin urapi karqanku.

1 Reyes 5:1

Tiromanta rey Hiramqa kamachisninta Salomompaman kacharqa yachaytawankama payta jawiykusqankuta, tatan Davidpa cuentanmanta kamachinampaj, imaraykuchus Hiramqa Davidta munakojpuni.

1 Crónicas 14:2

Chaypacha Davidqa yacharqa Dios sut'inchasqanta Israelpa reynimpaj churasqanta, Israel ayllunta kamachishajtin allin risqanrayku.

Esdras 4:20

Jerusalempi atiyniyoj reykuna kasqanku. Chaykunataj Eufrates mayoj inti yaykuynejpi kaj llajtasta kamachisqanku. Paykunamantaj pagaj kasqanku impuestosta, tasasta, ñan pichaypaj ima.

Ester (hebreo) 3:1

Chaymanta qhepata rey Asueroqa Agagpa mirayninmanta Hamedataj wawan Amanta churarqa jatun Kamachej kanampaj, chay palaciopi tukuy kamachejkunatapis pay kamachinampaj.

Salmos 18:43

Qan librawarqanki oqharikoj llajtamanta. Nacionesta kamachinaypaj churawarqanki. Mana rejsisqay runastaj sirviwanku.

Salmos 68:26

Tukuyniykichej, Señor Diosta yupaychaychej, tukuy Israelmanta tantakojkuna yupaychaychej.

Salmos 72:11

Tukuy reyes ñaupaqempi qonqorikuchunku. Tukuy nacionestaj kamachisqanta ruwanku.

Salmos 89:27

Noqataj ruwasaj pay kuraj wawa kananta, tukuy reyespa patampa kanqa.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Isaías 30:25

Maypachachus manchay wañuchinakuy p'unchay chayamonqa, torrespis urmaranqanku chaypacha, jatuchaj orqospi, juch'uy lomaspi ima, yakusqa mayus jina phajcharimonqanku.

Isaías 48:1

Jacobpa ayllun, kayta uyariy. Israelpa sutinwan sutichasqa runas, Judá ayllumanta mirasqas kajkuna, Señorpa sutinta oqharispa parlajkuna, Israelpa Diosninmanta yuyarikojkuna. Chaywampis, chayta ruwankichej mana cheqa kaywanchu, nitaj cheqan sonqowanchu.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Jeremías 51:13

Qan Babilonia, jatuchaj mayus cantopi tiyakoj, may chhika qhapaj kapuykunasniyki tiyapusunki, ña chayamusunkiña tukukapunayki p'unchay, mayta munapayanayki ima.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Números 24:20

Chaymanta Balaamqa Amalecta qhawarispa kay jinata nerqa: Amalecqa nacionespa uman jina kashan. Chay tukuywampis tukuyninku chinkachisqas kanqanku.

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 17:1

Chaypacha, qanchis angelesmanta pikunachus qanchis vasosta jap'isharqanku, chaykunamanta ujnin kaj jamorqa, parlapayawaspataj niwarqa: Kayman jamuy, qhencha warmej juchachasqa kasqanta rikuchisqayki. Payqa ashkha yaku patapi tiyasqa kashan.

Apocalipsis 17:15

Paytaj niwarqa: Chay ashkha yaku rikusqaykeqa, maypichus chay qhenchachakoj warmi tiyasqa kashan chayqa, llajtas kanku, ashkha runakuna, jatuchaj naciones, tukuy laya parlayniyojkuna ima.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.