Números 24:24 - Qheshwa Biblia DC

²⁴ Chipremanta barcos jamonqanku, Asiriata, Hebertawan raqayasta saqenqanku. Jinamanta Heberpis wiñaypaj chinkaponqa.

DIOSPA QHELQACHISQAN DEUTEROCANONICAL

²⁴ Chipremanta barcokuna jamonqanku. Asiriata, Ebertawan raqayllata saqenqanku. Chaywanpis paykuna wiñaypaj chinkachisqallataj kanqanku.

DIOSPA QHELQACHISQ

²⁴ Chipremanta barcokuna jamonqanku. Asiriata, Ebertawan raqayllata saqenqanku. Chaywanpis paykuna wiñaypaj chinkachisqallataj kanqanku.

Números 24:24 Iomraidhean Croise

Génesis 10:4

Jawampa wawasnintaj karqanku: Elisa, Tarsis, Quitim, Rodanimwan.

Génesis 14:13

Uj runataj ch'ajwamanta ayqemuspa hebreo Abramman willarqa imaynachus kasqanta. Pay tiyakorqa amorreo Mamrej encinas sach'arara jallp'ampi. Mamreqa Escolpata, Anerpatawan wauqenku karqa; paykunaqa karqanku Abramman sayasqas.

Isaías 10:12

Señorqa Sión orqopi, Jerusalempiwan ruwaspaña, Asiria reytañataj jasut'enqa, anchata wapuykachasqanta, may kasqanta yuyakusqanmantataj.

Isaías 10:5

Asiria, qanqa phiñakuyniypi wajtanay k'aspi kanki, phiñakuspa oqharinay k'aspi kanki.

Isaías 23:1

Tiroj contrampi willay. Tarsispi kajkuna barcos, waqaychej, imaraykuchus Tiroqa thuñisqa mana uj wasiyoj. Chayrayku ni mayman yaykunapaj kanchu. Quitim jallp'amantapacha chay imastaqa yachachimunku.

Ezequiel 27:6

Basán nisqa jallp'amanta encina k'aspita apamuspa buque purichina palata ruwapusorqanku. Buquej techonta ruwapusorqanku, Chipre churusmanta pino k'aspita apamuspa, marfilwan k'askaykuchisqatataj ruwapusorqanku.

Daniel (hebreo) 10:20

Chaymanta nillawarqataj: Yachankichu imaraykuchus watukusoj jamusqaytaqa? Kunanqa watejmanta maqanakunay tiyan Persiata waqaychaj angelwan. Maypachachus paywan maqanakuyta tukusaj, chaypacha Greciata waqaychaj angelqa jamonqa.

Daniel (hebreo) 11:30

Inti yaykuynejmanta tropas barcospi jamuspa, paypa contrampi yaykuykamonqanku. Wichaymanta kaj reypa soldadosnintaj, manchachiywan ayqenqanku. Wichaymanta kaj reyqa, llimphu tratoj contrampi phiñakonqa, kutirimonqataj llimphu tratomanta karunchakonqanku chaykunaman atienekuspa.

Daniel (hebreo) 11:45

Reyqa toldosninta sayachenqa mar qochawan, k'acha nisqa jallp'awan chay chaupipi. Chay pachampitj wañuynin chayamonqa, manataj pipis payta yanaparej kanqachu.

Daniel (hebreo) 2:35

Chay rato ujllata chay fierropis, t'urupis, broncepis, qolqepis, qoripis ñut'usqas karqanku, imaynatachus chajra oqharina tiempopi trigo trillakojtin q'oshñilla jatarin ajinata. Chanta wayrataj oqharerqa mana imata puchuchispa. Lantita t'unaykorqa chay rumitajrí, uj jatun orqoman tukorqa, tukuynin jallp'amantaj junt'aykorqa.

Daniel (hebreo) 2:45

Chaytamin niyta munan reypa rikusqan rumi mana pejpa tanqarimusqallan orqomanta choqakamojqa. Chay rumitaj fierrota, bronceta, t'uruta, qolqeta, qoritapis ñut'u polvoman tukucherqa chayqa. Jatun Diosqa rikuchin reyman, imachus kananmanta qhepa p'unchaykunapi. Mosqokusqaykeqa cheqamin, sut'inchaynimpis cheqapunitaj.

Daniel (hebreo) 8:21

Chivoqa Greciaj reynin. Ñawisnin chaupipi kaj jatun wajrantaj ñaupaj kaj rey.

Números 24:20

Chaymanta Balaamqa Amalecta qhawarispa kay jinata nerqa: Amalecqa nacionespa uman jina kashan. Chay tukuywampis tukuyninku chinkachisqas kanqanku.

Números 24:23

Chaymanta kaytañataj parlarqa: Ay! Pitaj kausanmanri kay imasta Dios ruwashajtinri?

San Mateo 24:15

Maypachachus rikojtiykichej millay ch'inyachejta Diospa templompi, chay millay ch'inyachejmanta profeta Daniel parlasqanman jina. Pillapis kayta leejqa, entiendechun.

San Juan 11:48

Jinata ruwajta saqellasun chayqa, tukuy runas paypi creenqanku. Romanostaj jamuspa, kay templonchejta, llajtanchejta ima chinkachenqanku.