Números 23:3 - Qheshwa Biblia DC

³ Chaymantataj Balaamqa Balacman nerqa: Qanqa kayllapi qhepakuy chay jaywanapaj wañuchisqa uywaswan khuska. Noqataj chaykama Señorta tapurimusaj, ichapis imatata niwanqa. Jamuspataj willasqayki imatachus niwanqa chayta. Chaymanta Balaamqa uj ch'in lomaman wicharerqa.

DIOSPA QHELQACHISQAN DEUTEROCANONICAL

³ Chaymantataj Balaamqa Balacta nerqa: Qanqa jaywanaykipaj ñak'asqaykej qayllanpi kashay. Noqataj Tata Dioswan tinkumoj risaj. Ichapis rikhuriwaspa, imata niwanman. Kutimuspataj, imatachus niwasqanta willasqayki, nispa. Chantá Balaamqa uj ch'in orqoman wicharerqa.

DIOSPA QHELQACHISQ

³ Chaymantataj Balaamqa Balacta nerqa: Qanqa jaywanaykipaj ñak'asqaykej qayllanpi kashay. Noqataj Tata Dioswan tinkumoj risaj. Ichapis rikhuriwaspa, imata niwanman. Kutimuspataj, imatachus niwasqanta willasqayki, nispa. Chantá Balaamqa uj ch'in orqoman wicharerqa.

Números 23:3 Iomraidhean Croise

Génesis 22:13

Jinamanta Abrahamqa qhawarerqa, rikorqataj uj carnero wajrasninmanta sach'as ukhupi jarap'asqata. Rispataj carnerosta aysarimuytawan altar patapi wañuchispa wawampa cuentanmanta Señorpaj q'olacherqa.

Génesis 22:2

Diosqa nerqa: K'ata churiyki munasqayki Isaacta pusarikuspa riy Moríah jallp'aman. Chayman chayaspataj payta q'olachipuwanki ima orqomanchus noqa riy nisqayki chaypi.

Génesis 8:20

Noetaj uj altarta Señorpaj ruwarqa, chaypitaj Diospaj uj rikuchikuta ruphacherqa, mikhuna uywasta, phawajkunata ima sapa ujmanta ujtakama ajllaspa.

Éxodo 18:12

Chaymantaqa Moisespa suegron Jetro uj uywata rikuchikuta Señorman qorqa ruphachisqa kanampaj, chantaqa waj ofrendastawan. Chaymantataj Aaronwan tukuy kurajkuna israelitaswan jamorqanku Jetrowan khuska Diospa ñaupaqempi mikhoj.

Levítico 1:1

Señorqa Moisesta wajyarqa Dioswan tinkukuna toldomanta, ajinata nispa: Israelitasman niy: Uywasmanta jaywanawankupaj ofrendasta apamuwanqanku chayqa, apamuwachunku wakasmanta, chayrí ovejasmanta.

Números 23:12

Balaamtaj kuticherqa: Noqaqa nerqaykipuni, imatachus Señorqa simiyman churawan chayllata noqaqa parlasaj, nispa.

Números 23:15

Chaypi Balaamqa Balacman nerqa: Kay rikuchikuswan khuska, kayllapi qhepakuy, chaykamataj noqaqa Dioswan parlamusaj, nispa.

Números 23:2

Balacqa kikinta ruwarqa imatachus Balaam kamacherqa chayta. Chay sapa uj altarmantaj uj waka uñatawan, uj carnerotawan churarqa.

Números 23:26

Chaymanta Balaamqa kuticherqa: Manachu nerqaykiña, noqa ruwasaj imatachus Señor niwasqallanta?, nispa.

Números 23:4

Chaypitaj Señorqa payman rikhurerqa. Balaamtaj nerqa: Kunanqa qanchis altarkunata ruwachini, sapa uj altarmantaj uj waka uñatawan uj carnerotawan churachipuyki.

Números 24:1

Balaammanqa allin rijch'arqa Señorlla Israelta bendicinan, chayrayku manaña Señormanta imachus kananmanta imatachus ninanta jap'erqachu, imaynatachus sapa kutipis jap'ej jinataqa, manachayqa ch'in pampata qhawarerqa;

San Mateo 4:8

Ujtawan supay pusarqa Jesusta jatun orqo pataman. Chaymantataj tukuy mundontimpi kaj llajtasta rikucherqa, paykunaj qhapaj kapuyninkutawan.

Josué 24:10

Noqataj Balaamwanqa mana maldicicherqaykichejchu, manachayqa bendicisorqachej. Ajinata noqaqa qankunata waqaycharqaykichej.