Números 22:6 - Qheshwa Biblia DC

⁶ Kunampacha usqhayta jamuy ari, kay runasta maldicinaykipaj, imaraykuchus noqamanta aswan atiyniyoj runas kanku. Ichapis qan maldicejtiyki atipayman, qharqoymantaj kaymanta. Noqa yachani qampa maldicisqayki, chayri bendicisqaykeqa ruwakumpuni, nispa.

DIOSPA QHELQACHISQAN DEUTEROCANONICAL

⁶ Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.

DIOSPA QHELQACHISQ

⁶ Ama jina kaspa, usqhayta jamuy ari, kay runakunata maldicinaykipaj, imaraykuchus noqamanta aswan atiyniyoj kanku. Ichapis qan maldicisqaykirayku, paykunata atipayman, qharqoymantaj kaymanta. Noqa yachani qanpa maldicisqayki, chayrí saminchasqaykeqa junt'akusqantapuni, nispa.

Números 22:6 Iomraidhean Croise

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

Génesis 27:29

Ashkha runas kamachisniyki kachunku, naciones ñaupaqeykipi qonqorikuchunku. Wauqesniykita kamachiy; mamaykej wawasnin qonqorikusuchunku. Maldicisojkunaqa maldicisqas kachunku, bendicisojkunataj bendicisqas kanqanku.

1 Reyes 22:13

Pitachus kacharqanku Micaiasta wajyamunampaj chayqa, payman kay jinata nerqa: Chay tukuynin profetas uj similla reyman sut'inchanku allin imasllatapuni, qampis paykuna jinallataj allinta sut'inchay sumaj imasta.

1 Reyes 22:6

Chanta Israelpa kamachejnin tukuynin profetasta tantaykorqa, tawa pachajta jina, chaykunamantaj nerqa: Galaadmanta Ramotpa contrampi risajchu maqanakoj manachu? Paykunataj nerqanku: Rillay, imaraykuchus Señorqa reypa makinman jaywanqa.

1 Reyes 22:8

Josafatmantaj Israelpa reynenqa kuticherqa: Arí, uj kanraj, paynejta Señorta tapurinapaj, Imlaj wawan Micaías sutiyoj; payta noqaqa chejnini manapuni jayk'ajpis cheqanta sut'inchawasqanrayku, manachayqa sajrallatapuni. Josafattaj nerqa: Ama jinata parlaychu.

Salmos 109:28

Paykunaqa maldiciwachunkupis, qanqa bendicillawankipuni. Contraypi oqharikojtinkupis p'enqachisqas kachunku, kausaqeykitaj kusisqallapuni kachun.

Proverbios 26:2

Uj chinkasqa phichitanka phawaykachallan, chayri para p'isqopis mana thapayoj phawaykachallan; ajinallataj mana jasut'ichikunapis mana jucha kajtenqa, ni jayk'aj chayamonqachu.

Ezequiel 13:6

Mosqoypi jina rikuyninkoqa qhasi manakajlla. Sut'inchasqankutaj llullalla. Noqamanta sut'inchasqankuta ninku, noqataj paykunataqa mana kachamorqanichu. Parlasqasninku junt'akunanta suyanku.

Miqueas 6:5

Munasqa ayllúy, yuyarikuy kunan Moabmanta rey Balacpa wakichikusqanta, Beorpa wawan Balaampajman kutichisqantataj. Yuyarikuy, Sitinmanta Gilgalman pasasqaykita. jinataj rejsiy Señorpa atipachisqasninta.

Números 22:12

Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

Números 22:17

Noqaqa imatapis munasqaykita qollasqayki, imatachá mañawasqaykita ruwasaj; chayrayku allinta ruwaspa jamurillaway ari kay runasta maldicepuway, nimusunki, nispa.

Números 23:13

Balactaj nillarqapuni: Kunanqa jaku wajnejmanñataj; chaymanta rikunki jaraspa cantollanta, mana tukuynin jarastachu. Chaymanta maldicepuwanki chay runasta.

Números 23:27

Balacqa nillarqataj: Jina kajtenqa, jaku wajmanñataj risunchej. Ichapis Diospajqa allillan kanman chayllamantapis israelitasta maldicipunawayki.

Números 24:9

Winkuspaqa león jina winkutatanqa. Ni pipis rijch'arichinampaj qayllaykuyta atenqachu. Bendicisqa kachun pichus Israelta bendicejqa. Maldicejtaj maldicisqa kachun.

Hechos 16:16

Uj p'unchaytaj Diosmanta mañakoj rishajtiyku, uj kamachi sipas taripamuwarqayku. Payqa sajra layqa espirituyoj kaspa adivinaj. Ashkha qolqeta qoj patronesninman, runaspa suertenta qhawaspa.

Deuteronomio 23:4

Paykunaqa mana yakullatapis qorisorqachejchu, nitaj t'antallatapis, maypachachus qankuna paykunaj jallp'ankuta Egiptomanta llojsimuspa pasarqankichej chaypacha. Chantapis paykunaqa Mesopotamiapi Petormanta Beorpa wawan Balaamman pagarqanku, qankunata maldicichiyta munaspa.

Josué 24:9

Chaymantaqa moabitaspa reynin Ziporpa wawan Balacñataj qankunawan maqanakoj llojsimorqa. Paytaj Beorpa wawan Balaamta wajyachimorqa, qankunata maldicichinampaj.

1 Samuel 17:43

Chaymantataj filisteoqa Davidman nerqa: Noqaqa alqochu kani k'aspiwan jamunawaykipaj, nispa. Chanta filisteoqa diosnimpa sutimpi Davidta maldicerqa.