Números 22:12 - Qheshwa Biblia DC

¹² Diostaj Balaamman nerqa: Ama riychu chay runaswan israelitasta maldicej, imaraykuchus paykunata noqa bendicini, nispa.

DIOSPA QHELQACHISQAN DEUTEROCANONICAL

¹² Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.

DIOSPA QHELQACHISQ

¹² Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.

Números 22:12 Iomraidhean Croise

Génesis 12:2

Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

2 Crónicas 31:10

Sadocpa ayllunmanta kuraj kaj sacerdote Azariastaj kuticherqa: Señorta yupaychana wasinman chay qonankuta apamusqankumantapacha mikhuyku sajsakuykutaj, may ashkharajtaj puchuwayku. Kay chhikaraj puchun, ayllunta Señorqa bendicisqanrayku.

Salmos 144:15

Kusikuyniyojmin ajina kaj aylloqa, kusikuyniyojmin chay jina Señor Diosniyoj aylloqa.

Salmos 146:5

Kusikuyniyojmin Jacobpa Diosnimpa yanapasqanqa, pichus Señor Diosnimpi suyakojqa.

Isaías 61:9

Israelitaspa mirayninkoqa tukuy nacionespa chaupimpi rejsisqas kanqanku, llajtas chaupipitaj paykunaj mirayninku. Tukuy chayta rikojkunaqa nenqanku: Kaykunaqa Señorpa allimpi qhawasqasnin kanku.

Miqueas 6:5

Munasqa ayllúy, yuyarikuy kunan Moabmanta rey Balacpa wakichikusqanta, Beorpa wawan Balaampajman kutichisqantataj. Yuyarikuy, Sitinmanta Gilgalman pasasqaykita. jinataj rejsiy Señorpa atipachisqasninta.

Números 22:13

Q'ayantintaj Balaamqa tutamanta jatarispa, Balacpa kacha runasninman nerqa: Kunanqa kutipuychej llajtaykichejman. Señorqa mana munanchu qankunawan khuska rinayta, nispa.

Números 22:6

Kunampacha usqhayta jamuy ari, kay runasta maldicinaykipaj, imaraykuchus noqamanta aswan atiyniyoj runas kanku. Ichapis qan maldicejtiyki atipayman, qharqoymantaj kaymanta. Noqa yachani qampa maldicisqayki, chayri bendicisqaykeqa ruwakumpuni, nispa.

Números 23:23

Jacobpa contranta Israelitaspa contranta ima sajrata ruwaypis mana kanchu; layqeriosqa mana imananchu israelitastaqa. Israelitasmanqa kunan nina allin kashan: Mashkha imastataj Señorqa qampaj ruwarqa!

Números 23:3

Chaymantataj Balaamqa Balacman nerqa: Qanqa kayllapi qhepakuy chay jaywanapaj wañuchisqa uywaswan khuska. Noqataj chaykama Señorta tapurimusaj, ichapis imatata niwanqa. Jamuspataj willasqayki imatachus niwanqa chayta. Chaymanta Balaamqa uj ch'in lomaman wicharerqa.

Números 23:8

Ima nispataj maldicisaj pitachus Señor mana maldicinchu, chaytari? Ima nispataj chay runaspa mana allinninta ruwasajri; mayqenkunapajchus Señorqa ima sajratapis mana ruwanchu chaytari?

Números 24:9

Winkuspaqa león jina winkutatanqa. Ni pipis rijch'arichinampaj qayllaykuyta atenqachu. Bendicisqa kachun pichus Israelta bendicejqa. Maldicejtaj maldicisqa kachun.

San Mateo 27:19

Pilato juzganampaj kashajtintaj, warmin nichimorqa: Ama imatapis ruwaychu chay cheqan kaj runawanqa. Payrayku kunan ch'isi millay mosqoyta mosqorqani, nispa.

Romanos 11:29

Diospa qosqasnenqa, wajyaynimpis mana qhechukuyniyojchu.

Efesios 1:3

Señorninchej Jesucristoj Diosnin Tatantaj yupaychasqa kachun. Pay, espiritunman jina tukuy bendicioneswan Cristowan bendiciwarqanchej janaj pachapi.

Deuteronomio 2:7

Qankunataqa Señor Diosniykichej bendicisunkichej tukuy ima ruwasqasniykichejpi. Kay tawa chunka watas junt'ata qankunawan karqa Señorqa. Kay chhika karu ch'inkunasta pay pusaykachasorqachej sumajta waqaychaspa, nitaj imatapis pisichisorqachejchu.

Deuteronomio 23:5

Señor Diosniykichejtaj Balaamta mana uyarerqachu, manachayqa chay maldicionninta bendicionman tukucherqa qankunapaj, Pay munakususqaykichejrayku.

Deuteronomio 28:6

Jinallataj bendicisqas kankichej tukuy ruwasqasniykichejpi.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Deuteronomio 7:14

Qankunaqa bendicisqas kankichej tukuy nacionesmanta astawan. Qankuna ukhupeqa mana ima warmipis ni qharipis kanqachu mana wawasniyojqa, nillataj uywasniykichej ukhupipis kanqachu mana uñasniyojqa.