Números 21:5 - Qheshwa Biblia DC

⁵ Chayrayku Diospa contranta, Moisespa contrantawan rimayta qallarerqanku: Imapajtaj Egiptomanta orqhomuwarqayku, kay ch'impi wañurachinawaykupajchu pusamuwarqayku? Kaypi mana mikhuna, nitaj yaku ujyanapaj kanchu. Kay Maná nisqa t'antapis amisqataña amiwayku.

DIOSPA QHELQACHISQAN DEUTEROCANONICAL

⁵ Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

DIOSPA QHELQACHISQ

⁵ Chayrayku Diospa contranta, chantá Moisespa contrantawan ima rimayta qallarerqanku: Imapajtaj Egiptomanta orqhomuwarqaykuri? Kay ch'innejpi wañuchinawaykupajchu pusamuwarqayku? Kaypi mana mikhuna nitaj yaku ujyanapaj kanchu. Kay manakaj mikhunawan amisqaña kashayku, nispa.

Números 21:5 Iomraidhean Croise

Salmos 68:6

Diosqa wajcha runasman, wasita qon tiyakunampaj. Presos kajkunata orqhospa qhapajyachin. K'ullukojkunari mana poqoj qhasi pampapi tiyakonqanku.

Salmos 78:19

Paypaj parlarqanku, nispa: Atinmanchu Diosqa ch'in pampapi mikhunata qoyta?

Éxodo 14:11

Moisesmantaj nerqanku: Manachu Egiptopi p'ampakunaykupaj karqa aya p'ampanas, kay ch'in pampapi wañurachichinawaykupajchu orqhomuwarqayku? Imatataj kayta ruwawaykuri? Chaypajchu Egiptomanta orqhomuwarqayku?

Éxodo 15:24

Israelitastaj Moisespa contranta rimayta qallarerqanku: Imatataj kunanqa ujyasunri?, nispa.

Éxodo 16:15

Chayta rikuspa israelitasqa ninakorqanku ujkuna ujkunawan: Imataj kaykunari?, nispa, imaraykuchus mana yacharqankuchu imaschus kasqanta. Chaymanta Moisesqa paykunaman nerqa: Kayqa t'anta; chayta Señorqa qosunkichej mikhunaykichejpaj.

Éxodo 16:31

Israelitasqa chay t'antata suticharqanku Maná nispa. Chay t'antaqa yurajsitus karqa culandro muju jina, misk'itaj misk'iyoj t'antapis kanman jina.

Proverbios 27:7

Pichus sajsasqa kajqa misk'itapis qhesachan; yarqhasqa runarí, k'arkutapis misk'ejta mikhuykun.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Números 11:20

Manachayqa qosqay aychata uj killa junt'ata mikhonqanku amichikunankukama, senqasninkumanta phullchichimunankukama. Paykunaqa noqata qhesachawanku, noqa Señor paykunaj chaupinkupi kashajtiy. Paykunaqa ñaupaqeypi waqanku, ninkutaj: Imapajtaj Egiptomanta llojsimorqanchejri?, nispa.

Números 16:41

Q'ayantintaj tukuynin israelitas Moisespaj Aarompajwan rimayta qallarerqanku. Qankunaqa Señorpa ayllunta wañurachishankichej, nispa.

Números 17:12

Israelitastaj Moisesman nerqanku: Noqaykupajqa manaña imapis allinchu, tukuyniyku wañupusqayku.

1 Corintios 10:9

Amataj Señorta phiñachinachu, imaynatachus paykunamanta wakinkuna phiñacherqanku ajinata. Chayrayku wañorqanku katarispa wach'isqawan.