Números 21:24 - Qheshwa Biblia DC

²⁴ Israelitaspis tinkuytawan maqanakorqankupacha, atiparqankutaj. Jinamanta israelitasqa jallp'asninkuta jap'ikaporqanku Arnón mayumantapacha Jaboc mayukama. Chay niyta munan, amonitaspa jallp'ankuwan tinkuykama, sinch'i perqayoj kashan chaykama.

DIOSPA QHELQACHISQAN DEUTEROCANONICAL

²⁴ Israelitakunatajrí Sijonta atipaykuspa, tukuy jap'iyninta jap'erqanku. Arnón mayumantapacha Jaboc mayukama, jinataj Amón suyoj jap'iyninkama jap'erqanku. Amón suyoj jap'iyninrí soldadokunawan allin jark'asqa karqa.

DIOSPA QHELQACHISQ

²⁴ Israelitakunatajrí Sijonta atipaykuspa, tukuy jap'iyninta jap'erqanku. Arnón mayumantapacha Jaboc mayukama, jinataj Amón suyoj jap'iyninkama jap'erqanku. Amón suyoj jap'iyninrí soldadokunawan allin jark'asqa karqa.

Números 21:24 Iomraidhean Croise

Génesis 32:22

Chay ch'isitaj Jacobqa rijch'ariytawan riporqa pusariykukuspa iskaynin warmisninta, iskaynin kamachisninta, chunka ujniyoj wawasnintawan. Jinata rispa Jacobqa Jaboc wayq'ota chimparqa.

Nehemías 9:22

Paykunaman qorqanki reyespa kamachinan llajtasta, nacionesta; jallp'astataj sapa ujman rak'irarqanki. Paykunataj jap'ikaporqanku Hesbón jallp'ata. Chaytaj karqa rey Sehompa jallp'an; Basán rey Ogpa jallp'anta ima.

Salmos 136:19

amorreospa reyninku Sehonta, khuyakuynin wiñaypaj kasqanrayku;

Amós 2:9

Chaywampis noqaqa ñanta kicharerqani qankunapaj, amorreosta chinkachinaykama wañuchispa. Chaywampis paykunaqa jatuchaj runas karqanku cedro sach'as jina, sinch'istaj roble sach'as jina.

Números 21:13

Chaymanta rispataj Arnón chimpapi jarakorqanku. Kay mayoqa tarikun ch'in pampapi, chayqa jamushan amorreospa jallp'anmantapacha. Chay mayu t'aqashan Moab jallp'ata, amorreospatawan.

Deuteronomio 29:7

Kay jallp'aman chayamojtinchejkamataj, noqanchejwan maqanakoj llojsimorqanku Hesbonmanta Sehón rey, Basanmanta Og rey ima; paykunatataj atiparqanchej.

Deuteronomio 3:16

Wakin Galaad jallp'astataj qoporqani Rubén aylluman, Gadpa ayllunmanwan, Galaadwan Arnón mayuwan tinkuy jallp'asta. Chaypa mojonnenqa karqa khuskan vallemanta, Jaboc mayukama, chayqa karqa amonitaspa mojonninwan tinkuyña.

Deuteronomio 31:4

Imaynatachus Señorqa ruwarqa amorreospa reyesninkuwan, Sehonwan, Ogwan ima, ajinallatataj chay nacioneswan ruwanqa chinkachinankama.

Deuteronomio 4:46

Chay karqa Jordán mayoj inti llojsimuynin, Bet-peorpa chimpampi. Chay karqa amorreo rey Sehompa jallp'ampi. Chay Sehonqa Hesbón llajtapi tiyakorqa. Payta Moisesqa israelitaswan atiparqanku Egiptomanta llojsimuspa.

Josué 13:12

Chanta jap'ikullarqankutaj Basán rey Ogpa jallp'asninta, payqa Astarotpi, Edreipi ima kacherqa, payqa karqa refaitasmanta ch'uli; paykunatamin Moisesqa atipaspa chinkacherqa.

Josué 24:8

Chaymantataj noqaqa amorreospa jallp'anman pusamorqaykichej, pikunachus Jordán mayu chimpapi tiyakorqanku chayman. Paykunataj qankunawan maqanakorqanku, noqataj paykunata makisniykichejman churarqani, qankunataj paykunataqa atiparqankichej, jallp'asninkutataj jap'ikorqankichej. Ajinata qhawashajtiykichej noqaqa paykunata chinkacherqani.

Josué 9:10

Imaynatatajchus Jordán mayu chimpapi amorreospa iskay reyesninta ruwasqanta, Hesbón rey Sehonta, Basán rey Ogtawan, pischus Astarotpi tiyarqanku.

Jueces 10:11

Señortaj kuticherqa: Qankunaqa ñak'arichisqas karqankichej egipciosnejta, amorreosnejta, amonitasnejta, jinataj filisteosnejta, sidoneosnejta, amalecitasnejta, chantá madianitasnejta, maypachachus qankuna qhaparikamuwarqankichej chaypacha noqa paykunamanta salvarqaykichej.

Jueces 11:13

Amonitaspa reyninkutaj chay kachasman kuticherqa: Qankuna israelitas Egiptomanta llojsimushaspa jallp'asniykuta qhechuwarqayku, Arnón mayumantapacha Jaboc mayukama jinataj Jordán mayukama. Kunanqa ama phiñakuspalla kutichipuwayku.

Jueces 21:8

Kaypi kanchu mayqen israelitaspis Mizpapi Señorpa ñaupaqempi tantakuyman mana jamojri? Chaypacha tarerqanku Galaapi Jabesmanta kajkuna ni mayqen chay tantakuyman jamusqankuta.