Números 20:1 - Qheshwa Biblia DC

¹ Wata qallarikuy killapi israelitasqa tukuyninku Zin ch'in pampaman chayarqanku, jinata chayaspataj Cadespi jarakorqanku. Chaypitaj María wañuporqa, chay kikimpitaj p'amparqanku.

DIOSPA QHELQACHISQAN DEUTEROCANONICAL

¹ Wata qallariy killapi israelitakunaqa Zin ch'innejman chayarqanku Cadespitaj jarakorqanku. Chaypi María wañuporqa, chay kikinpitaj payta p'amparqanku.

DIOSPA QHELQACHISQ

¹ Wata qallariy killapi israelitakunaqa Zin ch'innejman chayarqanku Cadespitaj jarakorqanku. Chaypi María wañuporqa, chay kikinpitaj payta p'amparqanku.

Números 20:1 Iomraidhean Croise

Génesis 14:7

Quedorlaomerqa pischus paywan kasharqanku chaykunawan kutimushaspa chayarqanku En-mispatman, uj sutintaj Cades karqa. Chaypacha tukuyninta tukucherqanku risqankupi imawanchá tinkukorqanku chaykunata, amalecitaspa jallp'annejpi. Jinallataj amorreostapis wañuracherqanku, paykuna tiyakorqanku Hazezon-tamarpi.

Salmos 29:8

Señorpa parlasqan ch'in pampata kharkatichin. Señorqa Cades ch'in pampata kharkatichin.

Éxodo 15:20

Aarompa panan María profetiza tamborsitota oqharikuspa llojserqa, qhepantataj tukuy warmis panderas oqharisqas tususpa llojsillarqankutaj, tocarispa.

Éxodo 2:4

Wawaj kurajnin imillitamantaj nerqa qhepakuspa karullamanta qhawananta, chay sullk'an wawa imanakonqachus chayta.

Éxodo 2:7

Wawaj panantaj chay kikimpacha faraompa sipasninman qayllaykuspa nerqa: Qan munawajchu kunampacha uj wawa uywaj hebrea warmita wajyampusunayta kay wawata chuchuchispa uywapusunampaj?

Ezequiel 47:19

Uray lado mojonestaj qallarikonqa Tamar nisqamanta, Meriba Gades nisqa yakuskama. Cadesmantapachataj wayq'onnejta, jatun mar qochakama renqa, chaytaj Mediterráneo nisqa mar qocha.

Miqueas 6:4

Noqa Egiptomanta orqhorqayki, kamachi kashajtiyki librarqayki; Moisesta, Aaronta, Mariatapis kachamorqayki pusanasuypaj.

Números 12:1

Mariawan Aaronwan Moisespa contranta rimarqanku, uj etiope warmiwan casarasqanrayku.

Números 12:10

Phuyupis Dioswan tinkukuna toldomanta oqharikojtinkama Mariaqa yurajpacha lepra onqoyniyoj rikhurerqa. Mariata Aarón qhawarinanpajtaj, Mariaqa lepra onqoywan llijtipacha kasharqa.

Números 12:15

Ajinata Mariaqa qanchis p'unchayta jaramanta jawaman wijch'usqa karqa. Chaykamataj runasqa mana maywampis purirerqankuchu.

Números 13:21

Chay runasqa rerqanku chay jallp'asta qhawaj Zin nisqa ch'in pampanejta, ura jallp'asnejta, chanta patanejta Rehobkama Hamat nisqa qayllakama.

Números 20:16

Jina kajtintaj Señormanta yanapayninta mañakorqayku. Paytaj waqasqasniykuta, llakiyniykuta uyarispa uj angelninta kachamuwarqayku, ajinamanta Egiptomanta orqhomuwayku. Kunanqa Cades llajtapi kashayku, jallp'aykiwan tinkuypi.

Números 20:22

Chay Cadesmanta tukuynin israelitas Hor orqonejman jap'irerqanku.

Números 20:28

Chaypi Moisesqa Aaronmanta sacerdote p'achanta lluch'uspa, wawan Eleazarllamantaj churaykorqa. Chay Hor orqopi kikimpi Aaronqa wañuporqa. Moiseswan Aaronwantaj chay orqomanta uraykaporqanku.

Números 26:59

Amranqa Levej ususin Jocabedwan casararqa. Jocabed wawanqa Leví Egiptopi kashajtillanraj nacekorqa. Amramwan, Jocabedwan Aaronpata, Moisespatawan, Mariajpatawan tatasnin karqanku.

Números 27:14

Qankunaqa iskayniykichej sutiyta mana jatuncharqankichejchu kamachisqasniyta mana kasuwaspa israelitaspa ñaupaqempi, Zin ch'in pampapi yakuta mañakuspa contrayta rimashajtinku. Kay yakoqa Meriba nisqa cheqapi karqa Zin ch'in pampapi.

Números 33:36

Ezion-gebermanta rispa Zin ch'in pampa Cades nisqapi jarakorqanku.

Deuteronomio 1:46

Chayrayku, qankunaqa unayta tiyakunaykichej karqa Cades jallp'aspi.

Deuteronomio 2:14

Cades-barneamanta jamusqanchejmantapacha Zered mayuta chimpananchejkama kinsa chunka pusajniyoj watas karqa. Chaykama jarapi kajkunaqa, wañurarqankuña tukuy qharis maqanakuman riyta atejkuna, Señor paykunaman juraspa nisqanman jina.

Deuteronomio 32:51

Chayqa kanqa qankuna noqaj contrayta juchallikusqaykichejrayku israelitaspa ñaupaqempi, Sin nisqa ch'in pampapi yaku llojsimushajtin Cades Meribapi.

Jueces 11:16

Maypachachus Egiptomanta llojsimorqanku chaypacha, puka mar qochakama ch'in pampanta chimpamorqanku, Cadeskamataj chayamorqanku.