Números 19:13 - Qheshwa Biblia DC

¹³ Sichus ima runapis ima ayata llankhajqa, manataj llimphuchakunchu chayqa, Dioswan tinkukuna toldota ch'ichichan, chayrayku chay runa israelitas ukhumanta chinkachisqa kanqa. Paypa patanman mana llimphuchakuy yakuwan ch'ajchusqa kasqanrayku payqa ch'ichipaj qhawasqa kanqa.

DIOSPA QHELQACHISQAN DEUTEROCANONICAL

¹³ Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

DIOSPA QHELQACHISQ

¹³ Sichus pipis ima ayata llankhaspa, mana llimphuchakonqachu chayqa, Tata Dioswan Tinkukuna Toldota ch'ichichan. Chayrayku chay runaqa israelitakuna ukhumanta wijch'usqa kanqa, paypa patanman llimphuchakuna yaku mana ch'ajchusqa kasqanrayku. Payqa mana llimphupaj qhawasqa kanqa, ch'ichi kasqantaj patanpi kanqa.

Números 19:13 Iomraidhean Croise

Éxodo 30:33

Pillapis kay aceiteman rijch'akojta ruwajqa, chayri kay aceitewan pitapis jawejqa, israelita ayllun ukhumanta chinkachisqa kanqa.

Proverbios 14:32

Juchasapataqa sajra ruwasqallantaj urmachin; allin runatarí cheqan kaynin jark'an.

Ezequiel 44:26

Jinata ruwaspaqa llimphuchakunan tiyan, chaymantapis qanchis p'unchaytawanraj suyakonqanku.

Levítico 15:31

Ajinata qankunaqa israelitasta chay ch'ichi kay ninkumanta karunchachinkichej, chay jinamanta ama wañunankupaj, maynejpichus noqa paykuna ukhupi kashani chayta ch'ichichasqankurayku.

Levítico 20:3

Noqa chay runaj contran kasaj, chinkachisajtaj ayllusnin chaupimanta, tiyakunayta jinallataj santo sutiytapis ch'ichichasqanmanta wawanta, Molocman jaywaspa.

Levítico 22:3

Nillaytaj, kunanmanta qhepamanqa Aarompa mirayninmanta mayqellampis juchawan ch'ichichasqa kashaspa Señorman qayllachenqa jaywaspa chayqa, israelitaspa apamuwasqanku llimphuchasqa imasta, Señorpaj karqa chaykunatachus chayqa, pay ñaupaqenmanta chinkachisqa kanqa. Noqamin Señorqa kani.

Levítico 22:4

Mayqellampis Aarompa mirayninmanta lepra onqoywan kanman chayqa, chayri mujun llojsillajtimpuneqa, mana mikhuyta atinchu Diospaj nisqa kaj mikhunasmanta, chay imananchus kashan chaymanta llimphuchakunankama. Pichus imasllatapis llujchirinman wañusqarayku mana llimphuchu kashajtin, chayri llujchinman pichus mujunta llojsicherqa chayta, chayri pichus katari jina qhatatakoj animalta llankharerqa, jinamanta ch'ichipaj qhawasqa kanman, chayri uj mana llimphu runa ch'ichichanman, pichus payta llankharejta chayqa, chay sacerdote ch'ichipaj qhawasqa kanqa ch'isiyaykama. Chaykamataj mana mikhuyta atinchu llimphuchasqa mikhunasta manaraj yakuwan ñaupajta mayllakuspaqa.

Levítico 5:17

Sichus mayqempis mana reparakushaspalla Señorpa nisqasnimpa contranta juchallikunman mana ruwana kajta ruwaspa chayqa, chay runa juchayoj kanqa.

Levítico 5:3

Sichus mayqempis chayri imallapis payta ch'ichichajta jina ch'ichichasqa runaj imallantapis llankhanman, manataj chay kikimpacha reparakunchu, qhepatañapis reparakuchun juchachasqa kanqa.

Levítico 5:6

Chay juchampa cuentanmanta Señorman apamuchun china ovejata, chayri china cabrata. Sacerdoteqa chay rikuchikuta jaywanqa. Chaywantaj chay runaj juchasnin pampachasqa kanqa.

Levítico 7:20

Pillapis ch'ichi kashaspa, chay allinyakuy rikuchikuta Señorman jaywasqamanta mikhojqa, ayllun ukhumanta chinkachisqa kanqa.

Levítico 7:21

Pillapis runaj ch'ichisninta, chayri uywaj ch'ichisninta llankhaspa, chayri ima mana allimpaj qhawasqata llujchispa, allinyakuy rikuchiku jaywasqa aychata mikhunman Señorpata karqa chayta chayqa, chay runa ayllun ukhumanta chinkachisqa kanqa.

Números 15:30

Sichus uj runa juchachakun jucha kasqanta yachashaspa, israelitapis kachun, chayri karu llajtayojpis kachun chayqa, noqata qhesachawan. Chayrayku chay jina runaqa ayllusnin ukhumanta chinkachisqa kanqa.

Números 19:14

Uj toldo ukhupi wañojmantaqa kay jina kamachiy kanqa: Pillapis chay ukhupi tiyakojqa, chayman yaykoj imaqa, qanchis p'unchayta ch'ichipaj qhawasqa kanqa.

Números 19:18

Chaymantaqa llimphupaj qhawasqa kaj runa chay yakuwan, hisopo ramawan chhapuspa ch'ajchumuchun: Toldota, toldo ukhupi imaschus kajta, chaypi kaj runastawan. Jinallataj pichus aya tullusta, runa wañuchisqata, chayri runa wañusqata, chayri aya p'ampanata llankhajta.

Números 19:19

Chaytaqa ch'ajchumonqa pichus llimphupaj qhawasqa kajlla, ujta kinsa kaj diapi, ujtataj qanchis kaj diapiwan. Chay qanchis kaj diapi ch'ajchuchikoj runataj, kutimuspa p'achasninta t'ajsakonqa, jinallataj ukhuntapis pay kikin mayllakonqa; jinamanta ch'isimpaj llimphupaj qhawasqa kanqa.

Números 19:20

Pichus ajina mana ch'isimpaj llimphuchakonqachu chayqa, ayllusnin ukhumanta chinkachisqa kanqa, Dioswan tinkukuna toldota ch'ichichasqanmanta, chay llimphuchakuy yakuwan mana ch'ajchuchikusqanrayku, ch'ichipaj payqa qhawasqa kanqa.

Números 19:9

Llimphupaj qhawasqa runataj chay ruphasqa wakaj ushphanta oqharenqa, churanqataj uj llimphu cheqaman, jaramanta jawapi. Chay ushphamantataj israelitasqa ruwanqanku llimphuchakuy yakuta, chayqa juchaj cuentanmanta rikuchiku.

Números 8:7

Llimphuchakushajtenqa kay jinata llimphuchachinki. Llimphuchaj yakuwan paykunaman chhallunki. Chaymantataj paykuna tukuy ukhunkumanta pelosta k'utukonqanku, p'achasninkutataj t'ajsakuchunku; ajinamanta paykunaqa llimphupaj qhawasqas kanqanku.

Números 9:13

Chanta pichus, llimphu kashaspa, nitaj puriypipis kashaspa Pascuata mana ruwankuchu chayqa, ayllusnimpa chaupinmanta chinkachisqa kachun. Chay kikin diapi Señorpaj rikuchikuta mana jaywasqanrayku, chay runaqa juchachasqa kanqa.

San Juan 8:24

Chayrayku nerqaykichej juchaykichejpi wañunaykichejta. Noqapi mana creenkichejchu chayqa, juchaykichejpi wañunkichej.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Hebreos 9:10

Chaykunaqa mikhunasllapi, ujyanasllapi, mayllakunasllapi, aycha jawa churasqas karqanku, allinchay tiempo jamunankama.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Apocalipsis 22:11

Ch'aukiyajqa ch'aukiyachunraj; ch'ichi kajqa ch'ichiraj kachun; cheqan kajqa cheqanraj kachun; llimphu kajpis, aswan llimphu kachun.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.