Números 18:15 - Qheshwa Biblia DC

¹⁵ Ajinallataj qampaj kanqa israelitaspa kuraj wawasninkumanta uywasninkoj kuraj uñasninku ima. Chay kuraj wawasninkoj cuentanmanta mana mikhuna uywasmanta ima uywastachus qosqasninkuta qan jap'ikapunki.

DIOSPA QHELQACHISQAN DEUTEROCANONICAL

¹⁵ Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki.

DIOSPA QHELQACHISQ

¹⁵ Jinallataj israelitakuna kuraj kaj churinkuta, jinataj uywankoj phiwi uñanta t'aqaspa, noqapaj apamuwasqankoqa qanpaj kanqa. Chaywanpis kuraj kaj churinkuta, ch'ichipaj qhawasqa uywakunaj phiwi uñanta ima qolqeta pagaspa, kacharichinankuta ninki.

Números 18:15 Iomraidhean Croise

2 Reyes 12:5

Sacerdotesqa jap'iychej sapa uj wauqesniykichejmanta. Chaykunawantaj Diospa wasinta jallch'achiychej.

Nehemías 10:37

Jinallatataj parlanakorqayku Diosniykoj yupaychana wasimpi jallch'anasninman, sacerdotesman apanaykuta aswan allin kaj jak'usniykuta, poqoj sach'asniykoj poqoykunasninta, vinosniykumanta, jinataj aceiteykumanta aswan allin kajninta. Chanta nillarqaykutaj apanaykuta, levitasman tukuy chajra poqoykunasniykumanta chunkaman t'aqaspa ujnin kaj t'aqata. Paykunapuni tukuy llajtasniykupi chay chunkamanta ujnin t'aqa kajta, chay chajra poqoykunasniykumanta jap'inanku karqa.

Éxodo 13:15

Chaypacha Señorqa faraompa sonqonta rumiyacherqa, ama ñaupa tatasninchej israelitasta llojsimojta saqenampaj. Jina kashajtintaj Señorqa Egiptopi tukuy kuraj kaj wawasta wañuracherqa, jinallataj uywaspa phiwi uñasnintapis. Chayrayku Señorman kay rikuchikuta uywaspa kuraj kaj uñasninta jaywayku, kuraj kaj wawaj cuentanmanta ofrendata.

Éxodo 13:2

Noqaman qoway tukuy ñaupajta Israel ukhupi nacejkunata: Runaspa kuraj kaj wawasninta, jinallataj uywasninkoj phiwi uñasninta. Chaykunaqa noqajta kanku.

Éxodo 22:29

Ama qonqankichu cosechasniykimanta ofrendata apamuyta, manachayqa usqhayta apamunki, jinallataj uvasniykimantapis. Chantaqa kuraj kaj wawaykita qopuwanki.

Éxodo 34:20

Burrospa phiwi uñanmantari, uj corderota chayri uj cabritota qonkichej; mana jinata ruwanki chayqa chay burro uñata kunkanmanta q'ewispa wañuchipunki. Jinallataj kuraj kaj wawasniykichejmantapis uj ofrendata qonkichej. Jinamanta ni pipis noqaman jamuwanqachu makisnin ch'usajllaqa.

Números 18:16

Chay imasmantaqa uj killamanta nacesqanmanta qhepaman imatapis qonqanku. Chaytaj kanqa phishqa phata qolqe, imaynachus Diospa tiyakunampi precio churasqa kashan chayman jina.

Números 3:13

Noqajtamin tukuy kuraj wawasqa. Maypachachus egipciospa kuraj wawasninkuta wañurachishaspa, israelitaspa kuraj wawasninkuta, jinallataj uywaspa kuraj uñasninkutapis ajllakorqani. Chayrayku chaykunaqa noqajta kanku. Noqamin Señorqa kani.

Números 3:46

Chaywampis israelitaspa kuraj wawasnenqa aswan ashkha kanku levitaspa wawasninmanta nisqaqa. Ajinaqa chay iskay pachaj qanchis chunka kinsayoj kuraj kajmanta, mañay sapa ujmanta phishqa phisu qolqeta, mashkhachus chay qolqe pesasqanman jina. Chay qolqeqa chunka ujniyoj gramos.

Deuteronomio 15:19

Tukuy kuraj orqo uñasta, wakasmanta, ovejasmanta ima, Señor Diosniykichejman qopunkichej. Ama llank'achinkichejchu chay kuraj uña torillosta. Amallataj kuraj uña corderoj millmasninta ruthunkichejchu.