Números 15:39 - Qheshwa Biblia DC

³⁹ Ajinamanta chay flecosnejta yuyarikunkichej tukuy kamachiykunasniyta qosusqaymanta, junt'ankichejtaj. Ajinata munayniykichejwan mana atipachikunkichejchu, chay mana allinta ruwaspa qhatinawaykichejmanta.

DIOSPA QHELQACHISQAN DEUTEROCANONICAL

³⁹ Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

DIOSPA QHELQACHISQ

³⁹ Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Números 15:39 Iomraidhean Croise

1 Reyes 12:33

Pusaj kaj killapi chunka phishqayoj p'unchaypi, altarta ruwarqa chay patapi uywa ñak'asqasta jaywarqa Betelpi. Kikin sonqonmanta orqhokuspa chay killapi israelitaspaj fiestata ruwarqa, llojserqataj chay altarman inciensota ruphachej.

Job 31:7

Sichus cheqan kaj ñanmanta wist'uykuni, sichus ñawiypa rikusqanwan apachikuni, makiypitaj wajpa imasnin rikhurin chayqa,

Salmos 106:39

Ajinamanta paykunapis sapa ruwasqasninkuwan ch'ichichakorqanku, millay ruwasqankuwantaj qhenchachakorqanku.

Salmos 73:27

Pikunachus qanmanta karunchakojkuna, wañonqanku. Qanta mana qhatisojkunatataj pampachanki.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Proverbios 28:26

Pichus sonqompi sumaj kasqanta yuyakojqa, wampumin. Pichus yachaywan imatapis ruwajqa mana urmallanqachu.

Proverbios 3:1

Yachachisusqasniymanta ama qonqapuychu, wawáy; yuyayniykipi waqaychay kamachisqasniyta.

Eclesiastés 11:9

Wayna, mayta kusikuy tiempoykipi; wayna kashaspa imaschus allin kajwan kusikuy. Sonqoykej munasqampi puriy, imastachus rikusqaykipitaj. Chantaqa yachanayki tiyan, chay tukuymanta Dios cuentata mañasunanta.

Jeremías 9:14

Manachayqa kaywan, sonqonkupi munayninkuman jinalla ruwarqanku, mana kaj dioskunatataj yupaycharqanku, tatasninkoj yachachisqanman jina.

Ezequiel 6:9

Chay nacioneswan ayqekojkunaqa noqamanta yuyarikuwanqanku. Yuyarikullanqankutaj imaynatachus noqa paykunata ñak'arichisqayta noqawan mana allinta purisqankurayku, lantista yupaychanankupaj noqamanta karunchakuspa. Paykuna kikinku p'enqachikonqanku tukuy sajra ruwayninkumanta, tukuy ima khuchiriosta ruwasqankumanta ima.

Oseas 2:2

Señor nin: Juchachaychej mamaykichejta, juchachaychej, imaraykuchus payqa manaña warmiychu, nitaj noqapis qosanñachu kani! Amaña ujwantaj ujwantaj qhenchachakoj jinaqa qhawasqachu kachun. Chay ujllayninmanta wijch'uchun waj qharisninta!

Deuteronomio 29:19

Sichus mayqellampis kay juramentota uyarisqanmanta qhepata sumaj runa kasqanta yuyakuspa ninman: Allillampuni riwanqa tukuy imata munasqayman jina ruwajtiypis, nispa, chayqa, chay runanejta tukuyniykichej chinkachisqas kankichej.

Deuteronomio 4:23

Qankunataj amapuni qonqaychejchu Señor Diosniykichej qankunawan tratota ruwasqanta. Amapuni ima lantitapis ruwakuychejchu. Amataj ruwankichejchu, mayqenkunatachus Señor Diosniykichej mana munanchu ruwanaykichejta imaman rijch'akojllatapis chaykunatawan.

Deuteronomio 6:12

Chaypacha amapuni Señorta qonqapunkichejchu. Paymin Egiptomantaqa orqhomusorqachej kamachis kashajtiykichej.

Deuteronomio 8:11

Señor Diosniykichejta amapuni qonqankichejchu. Kamachiykunasninta junt'aychejpuni, chantá nisqasninta, leyesninta ima, mayqenkunatachus kunan kamachiykichej chayta.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.