Números 15:16 - Qheshwa Biblia DC

¹⁶ Qankunapaj jinallataj qankunawan tiyakoj karu llajtayojkunapajpis leyeswan, kamachiykunawan tukuypaj uj rejlla kanqa.

DIOSPA QHELQACHISQAN DEUTEROCANONICAL

¹⁶ Ajinaqa qankunapaj, jinallataj qankunawan tiyakoj karu llajtayojkunapajpis kamachisqakunaqa tukuypaj uj rejlla kanqa, nispa.

DIOSPA QHELQACHISQ

¹⁶ Ajinaqa qankunapaj, jinallataj qankunawan tiyakoj karu llajtayojkunapajpis kamachisqakunaqa tukuypaj uj rejlla kanqa, nispa.

Números 15:16 Iomraidhean Croise

1 Reyes 8:41

Ajinallatataj mana israelita kaj karu llajtayojpis jamusunkiman jatun sutiykitaj uyarispa, imaraykuchus uyarenqanku sutiyki manchay jatun kasqanta, jatun atiyniykimantapis, kay wasiman mañakusojtaj jamusunkuman chayqa, qanqa janaj pachamanta uyarimunki, maypichus tiyakunki chaymantapacha, qantaj ruwanki karu llajtayoj mañakususqanman jina, chay jinamanta tukuy naciones rejsisunankupaj, sutiykita manchachikunankupaj Israel llajtayki jina, yachanqankutaj sutiyki oqharisqa kasqanta kay ruwapususqay wasipi.

Éxodo 12:49

Chay kikin leyllapuni kanqa chay kikin llajtayojkunapaj, jinallataj waj llajtayojkunapajpis qankuna ukhupi tiyakojkunapaj.

Levítico 24:22

Chay kamachiyllapuni karu llajtayojkunapajpis kanqa, jinallataj chay kikin llajtayojkunapajpis. Noqamin kani Señor Diosniykichejqa.

Levítico 4:27

Sichus mayqen runallapis juchallikunman chayqa, Diospa mayqen nisqampa contranta ruwaspa, juchachasqa kanqa mana yachaspalla ruwashaspapis.

Números 15:17

Chanta Señorqa Moisesman parlallarqataj:

Números 35:15

Chay sojta llajtas pakakunapaj kanqanku, chayri chayman pakakonqanku israelitas jinallataj karu llajtayojkunapis, chaypi tiyakojkuna, chayri chayninta pasashajkunapis. Chaypi pakakonqanku pikunachus runa masinkuta mana wañuchiyta munaspa wañuchinku chaykunalla.

Números 9:14

Karu llajtayojkunapis qankuna ukhupi tiyakojkuna Pascuata noqaj sutiypi ruwanallankutaj tiyan, imaynatachus kamachisqayman jina. Imatachus nisqasniyta kikinta ruwananku tiyan karu llajtayojkuna, jinallataj qankuna chaupipi nacekojkunapis.

Josué 8:33

Chaymantaqa tukuy israelitas, Israelmanta mirajkuna, chantá karu llajtayojkuna, kurajkuna, soldadosta kamachejkuna, cheqanchajkuna ima, muyuykorqanku Señorpa trato ruwasqan cajompa ladosninman, sacerdote levitas chay cajonta lijrasninkupi wantusharqanku chaykunaj ñaupaqenkupi. Chay karqa Israel ayllu bendicisqa kanampaj, khuskanqa sayamorqanku Gerizim orqo ladomanta, khuskantaj qhawamusharqanku Ebal orqo ladomanta, unaymantapuni Señorpa kamachin Moisés ajinata kamachisqanman jina.