Números 14:22 - Qheshwa Biblia DC

²² Egiptopi, kay ch'in pampaspipis ashkha milagro ruwasqasniytapis rikullankutaj. Kay ch'in pampaspi chunka kutitaña noqaj contrayta oqharikunku, kamachisqasniyta mana kasuwayta munankuchu.

DIOSPA QHELQACHISQAN DEUTEROCANONICAL

²² Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

DIOSPA QHELQACHISQ

²² Paykuna Egiptopi, jinataj ch'innejpi t'ukuna imakunata ruwasqayta, chantá jatun kayniypa lliphipiyninta rikorqanku. Chaywanpis ashkha kutitaña iskayrayaspa kamachisqayta mana kasuwayta munarqankuchu.

Números 14:22 Iomraidhean Croise

Génesis 31:41

Iskay chunka watasta wasiykipi karqani, chaymanta kaykuna chayawan: Iskaynin ususisniykirayku chunka tawayoj watasta llank'aporqayki, uywasniykiraykutaj sojta watata. Sapa kutitaj pagoyta uj jinayachej kanki.

Génesis 31:7

Payri sapa kuti ch'aukiyawan, chunka kutikama pagoyta waj jinayachin. Chaywampis Señorneyqa mana saqenchu ni ima sajrata ruwawajta.

Job 19:3

Ñapis chunka kutitaña k'amiwankichej, manachu chay jinata k'amiwaytaqa p'enqakunkichej?

Salmos 106:14

Chay ch'in pampapitaj sajra yuyayninkuman qokorqanku, Diostataj tapurispa jina mañarqanku, Diostataj sapankupi tentarqanku.

Salmos 106:26

Chayrayku Señorqa, makinta oqharispa jurarqa, ch'in pampapi paykunata wañurachinampaj.

Salmos 78:41

Watejmanta Diosta pruebaman churallarqankutaj. Israelpa santonta llakicherqanku.

Éxodo 14:11

Moisesmantaj nerqanku: Manachu Egiptopi p'ampakunaykupaj karqa aya p'ampanas, kay ch'in pampapi wañurachichinawaykupajchu orqhomuwarqayku? Imatataj kayta ruwawaykuri? Chaypajchu Egiptomanta orqhomuwarqayku?

Éxodo 15:24

Israelitastaj Moisespa contranta rimayta qallarerqanku: Imatataj kunanqa ujyasunri?, nispa.

Éxodo 16:2

Chay ch'in pampapi ujtawan rimayta qallarerqanku Moisespaj, Aarompaj ima.

Éxodo 17:2

Israelitasqa phiñarikuspa Moisesman nerqanku: Yakuta qowayku ujyanaykupaj, nispa. Moisestaj paykunaman nerqa: Imaraykutaj phiñakuspa noqamanta yakuta mañakushawankichejri? Imaraykutaj Señorta pantachiyta munankichejri?

Éxodo 17:3

Israelitasqa maytapuni yaku ch'akiywan kasharqanku, chayrayku Moisespa contranta phiñarikuspa, nerqanku: Ima nispataj Egiptomanta orqhomuwarqayku yaku ch'akiymanta kaypi wañuchinawaykupajri, wawasniykuta, uywasniykuta imari?, nispa.

Éxodo 17:7

Chaymantaqa chay cheqata suticharqa Meribata, chaypi israelitas Moisespaj rimasqankurayku. Chantaqa sutichallarqataj Masahta imaraykuchus kaypi Diosta probanku, nispa: Noqanchejwanchu Señorqa kashan manachu?

Éxodo 32:1

Israelitastaj chaykama, Moisés Sinaí orqomanta mana usqhayta uraykamojtin, tantakuytawan Aaronman qayllaykuspa nerqanku: Kunanqa dioskunata ruwapuwayku ari ñaupaqeykuta rinankupaj. Imaraykuchus Egipto jallp'amanta orqhomuwarqayku chay Moisesqa imanakunchus mana rikhurimunchu.

Éxodo 5:21

Paykunamantaj nerqanku: Señorqa rikuchun qankunaj ruwasqaykichejta, cheqanchachuntaj. Qankuna juchayoj kankichej faraón tukuy kamachisnin ima astawan noqanchejta chejninakunawanchejpaj. Qankuna kikiykichej churankichej espadata makisninman, noqanchejta wañuchinawanchejpaj.

Isaías 42:20

Ashkha imasta rikun, manataj allinta qhawarinchu; ningrin tiyan manataj uyarinchu.

Daniel (hebreo) 1:20

Tukuy ima yachaymanta, rejsiymantawan rey paykunata tapojtin, chunka kutiwan jina yachayniyoj paykuna karqanku, reinompi kaj chay tukuynin yachaysapa, runasninmanta, yatirisninmantawan ima.

Malaquías 3:15

Chay machu machu runasta aswampis kusisqasta rikushanchej. Sajra imasta ruwajkunapajtaj tukuy ima allinnimpaj llojsin. Paykuna Diosta phiñachinapaj jina imatapis ruwanku, chanta nitaj jasut'itapis rikunkuchu.

Números 11:1

Uj pachataj israelitasqa Señorpa contranta thutuyta qallarerqanku. Señortaj chayta uyarispa k'ajaj phiñakuyninta rikucherqa, jaraj ujnin cantonta ninawan ruphaykucherqa.

Números 11:4

Israelitas ukhupi imaymana waj llajtayoj runas karqanku. Chaykuna yarqhaywan thutuyta qallarerqanku, jinallataj israelitaspis waqayta qallarerqanku: Pitaj kunan aychata mikhuchiwasunri!

Números 12:1

Mariawan Aaronwan Moisespa contranta rimarqanku, uj etiope warmiwan casarasqanrayku.

Números 14:11

Señortaj Moisesman nerqa: Mayk'ajkamataj kay runasqa noqata qhesachawanqankuri? Mayk'ajkamataj mana creewanqankuchu, paykunaj chaupinkupi rikushajtinku milagrosta ruwashajtiypisri?

Números 14:2

Jinamanta tukuyninku Moisespaj Aarompajwan rimayta qallarerqanku: Allin kanman karqa Egiptopi wañunanchej, chayri ch'impi wañunanchejpis.

Números 32:12

Ceneseo Jefonej wawan Calebwan, Numpa wawan Josuellawan Señorpa ñaupaqempi allinta purerqanku.

San Mateo 4:7

Jesús nillarqataj: Escribisqallataj kashan: Señor Diosniykita ama tentankichu.

1 Corintios 10:5

Chaywampis, paykunamanta ashkhas Diosta mana kasorqankuchu; chayrayku chay ch'impi wañurarqanku.

1 Corintios 10:9

Amataj Señorta phiñachinachu, imaynatachus paykunamanta wakinkuna phiñacherqanku ajinata. Chayrayku wañorqanku katarispa wach'isqawan.

Deuteronomio 9:7

Yuyarikuychejpuni Señor Diosniykichejta ch'in pampapi phiñachisqaykichejta, Egiptomanta llojsimuqaykichejmantapacha, kay jallp'aman chayamunaykichejkama, Señorpa contranta oqharikorqankichej.