Números 13:29 - Qheshwa Biblia DC

²⁹ Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

DIOSPA QHELQACHISQAN DEUTEROCANONICAL

²⁹ Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

DIOSPA QHELQACHISQ

²⁹ Néguev cheqanejpi amalecitakuna tiyashanku. Orqonejpitaj jititakuna, jebuseokuna, amorreokuna ima tiyakushanku. Mama qocha chaynejpi, Jordán mayu kantupitaj, cananeokuna tiyakushanku, nispa.

Números 13:29 Iomraidhean Croise

Génesis 14:7

Quedorlaomerqa pischus paywan kasharqanku chaykunawan kutimushaspa chayarqanku En-mispatman, uj sutintaj Cades karqa. Chaypacha tukuyninta tukucherqanku risqankupi imawanchá tinkukorqanku chaykunata, amalecitaspa jallp'annejpi. Jinallataj amorreostapis wañuracherqanku, paykuna tiyakorqanku Hazezon-tamarpi.

Nehemías 9:8

Rikorqanki qampi sumajta atienikoj runa kasqanta, uj tratotataj paywan ruwarqanki. Nerqankitaj wawasninman jallp'ankuta qonaykita, cananeospata, hititaspata, amorreospata, fereseospata, jebuseospata, gergeseospata ima. Qanqa nisqaykitaqa ruwankipuni, imaraykuchus qanqa nisqaykita junt'ajpuni kanki.

Salmos 83:7

Gebalmanta, Amonmanta, Amalecmanta, filisteosmanta, Tiropi tiyakojkuna ima.

Éxodo 3:17

Chantaqa nillawantaj, Egiptopi may llakiyta ñak'arinaykichejmanta kacharichinasuykichejta; pusasunaykichejtataj lechewan misk'iwan yaku jina corrishan chay jallp'aman, maypichus tiyakushanku, cananeos, hiteos, amorreos, ferezeos, heveos, jebuseos ima, chayman.

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

Números 13:17

Moisesqa chay runasta Canaán jallp'ata qhawamunankupaj kachashaspa nerqa: Neguevnejta rispa orqoman wicharinkichej.

Números 13:30

Calebtaj Moisespa contrampi oqharikojkunata ch'inyacherqa, nerqataj: Noqanchejqa kunampacha rispa chay jallp'ata jap'ikampunanchej tiyan! Noqanchej aswan atiyniyoj kanchej paykunamanta nisqaqa!

Números 14:25

Kunanqa valle jallp'aspi amalecitaswan cananeoswan tiyashanku. Qankunataj q'ayapacha kutiriychej ch'in pampanta, puka mar qocha cheqannejta, nispa.

Números 14:43

Amalecitaswan cananeoswan suyamushasunkichej qankunawan maqanakunankupaj, wañuchisonqachejtaj. Señorta qhatiyta qhesachasqaykichejrayku Señorqa manaña qankuwanchu kashan, nispa.

Números 14:45

Chay orqo kinraykunapi tiyakojkuna amalecitaswan cananeoswan ima israelitaswan maqanakoj llojsimorqanku. Israelitasta atipapataj Hormakama qhatiykorqanku.

Números 24:20

Chaymanta Balaamqa Amalecta qhawarispa kay jinata nerqa: Amalecqa nacionespa uman jina kashan. Chay tukuywampis tukuyninku chinkachisqas kanqanku.

Deuteronomio 20:17

Kaykunata mana ujniyojta tukuchinkichej: Hititasta, amorreosta, cananeosta, fereseosta, heveosta, jebuseosta ima, imaynatachus Señor Diosniykichej kamachisusqaykichejman jina.

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Josué 10:5

Ajinamanta phishqantin amorreo reyes tantaykukorqanku, Jerusalenmanta, Hebronmanta, Jarmutmanta, Laquismanta, Eglonmanta ima. Chaymanta paykunaqa tukuy soldadosninkuwan wicharerqanku;, Gabaompa chimpampitaj jaraykukorqanku, chaymantataj llajtawan maqanakorqankupacha.

Josué 10:6

Gabaón llajtayojkunataj Josueman willachimorqankupacha, Gilgalpi jarasqa kasharqanku chayman: Ama kamachisniykitaqa sapaykuta saqerpariwaykuchu; usqhayllata wicharimuychej jark'akunawaykupaj, yanapanawaykupajtaj, imaraykuchus tukuy amorreospa reyesnin ujllaman tantaykukuspa jamunku noqaykuta maqanawaykupaj, nispa.

Josué 3:10

Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.

Josué 9:1

Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

Jueces 3:5

Jinamanta israelitasqa tiyakorqanku kaykunawan: hititaswan, amorreoswan, fereseoswan, heveoswan, jebuseoswan ima.

Jueces 6:3

Israelitaspata ima tarpusqallankupis kajtin, madianitasqa amalecitaspis chantá inti llojsimuynejmanta runaspis chajrasninkuman suwaj yaykuykullajpuni kanku.

1 Samuel 14:48

Ashkha soldadosta tantaykuspa Amalecta atiparqa. Ajinamanta Israelta kacharicherqa suwa runaspa makinmanta.

1 Samuel 27:8

Chay runasninwantaj llojsej kanku chay qayllasman Telaimmantapacha Egiptokama Shur cheqanejpa. Qhechuramoj kanku Gesurpi tiyakojkunata, Gezerpi kajkunata amaleckunata ima. Paykunaqa unaymantaña chay cheqaspi tiyakorqanku.

1 Samuel 30:1

Chay minchhantin diaqa, David chay runasninwan Siclag llajtaman chayarqanku. Chaypitaj rikorqanku amalecitas yaykukamushasqankuta Neguev llajtaman, jinataj Siclag llajtamampis, tukuyta chinkachispa, ninawantaj jap'iykuchisqankuta.

1 Samuel 7:14

Filisteosqa ima llajtastachus israelitasmanta qhechorqanku chaykunata kutichiporqanku Ecron llajtamanta, Gat llajtakama. Jinamanta israelitasqa filisteospa kamachiyninmanta kacharicherqanku, manataj ima ch'ajwapis karqañachu israelitaswan amorreoswanqa.