Números 11:16 - Qheshwa Biblia DC

¹⁶ Señortaj payman kuticherqa: Qan tantapuway qanchis chunka kurajkuna israelitasta, mayqenkunachus israelitasta kamachishanku chaykunata. Paykunata pusamuway Dioswan tinkukuna toldo punkuman, chaypi qanwan khuska suyawaychej.

DIOSPA QHELQACHISQAN DEUTEROCANONICAL

¹⁶ Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta.

DIOSPA QHELQACHISQ

¹⁶ Chantá Tata Dios Moisesta nerqa: Israelitakunaj kurajninkumanta kasunapaj jina rejsisqaykimanta, qanchis chunka kamachejkunata Dioswan Tinkukuna Toldoman pusamuy. Chantá paykunata niy qanwan khuska suyanankuta.

Números 11:16 Iomraidhean Croise

Génesis 46:27

Josej wawasnenqa karqanku iskay, Egiptopi nacejkuna. Ajinata Jacobpa ayllun chayarqa Egiptoman qanchis chunka runas.

Éxodo 18:25

Moisesqa israelitas ukhumanta sumaj yuyayniyojkunata ajllarqa, jinaspataj paykunata churararqa kurajkuna jina kamachinankupaj; wakenqa waranqa runasta, wakenqa pachajta, wakintaj phishqa chunkata, wakintaj chunka runaspaj.

Éxodo 24:1

Moisesman Señorqa nerqa: Maypichus noqa kashani chayman wicharimuy Aaronwan, Nadabwan, Abiuwan, israelitasmanta qanchis chunka kurajkunapiwan, karumantapachataj qonqorikunkichej.

Éxodo 24:9

Chaymantataj Moisesqa orqoman wicharerqa Aaronwan, Nadabwan, Abiuwan, israelitasmanta qanchis chunka kurajkunawan khuska.

Éxodo 4:29

Chaymantaqa Moiseswan Aaronwan iskayninku rispa tantacherqanku israelitaspa tukuy kurajkunasninta.

Jeremías 19:1

Señor niwarqa: Riy rantimuy uj wich'ita, wajyaytaj kay llajtamanta wakin kurajkunata, jinataj wakin kuraj sacerdotestawan.

Ezequiel 8:11

Chay lantispa ñaupaqempitaj Israelpa ayllunmanta qanchis chunka kurajkuna kasharqanku. Safampa wawan Jaazanías ima paykunawan kasharqa. Chantá sapa ujninku incienso q'osñichinayoj karqanku, incienso q'osñitaj phuyu jina llojsisharqa.

Números 11:24

Moisesqa llojsiytawan runasman willamorqa, imastachus Señor payman nisqanta. Tantacherqataj qanchis chunka kurajkuna israelitasta. Paykunata Dioswan tinkukuna toldoj muyuyninman sayaykucherqa.

Números 16:25

Moisestaj sayariytawan, israelitaspa kurajkunasninwan Datanman, Abirammanwan qayllaykorqa.

San Lucas 10:1

Chaymanta qhepamantaj, Señorqa ajllallarqataj qanchis chunka [iskayniyoj] runasta. Paykunatataj iskaymanta iskay kacharqa, paypa ñaupaqenta rinankupaj tukuy llajtasman, ranchosman ima, maykunamanchus rinan karqa chaykunaman.

San Lucas 10:17

Qanchis chunka iskayniyoj kachasqa kusisqas kutimorqanku, nerqankutaj: Señor, supaykunapis kasuwayku sutiykipi.

Deuteronomio 1:15

Chayman jinataj, sapa ayllusniykichejmanta kurajkunata allin yachayniyojkunata, kamachiyta yachajkunata ajllarqani, churarqanitaj qankunata kamachinasuykichejpaj; wakinta nerqani waranqa runasta kamachinankuta, wakinta pachajta, wakinta phishqa chunkata, wakinta chunkata, wakintataj sapa ayllupi kamachinankupaj churarqani.

Deuteronomio 16:18

Sapa ayllupi juezkunata, kurajkunatawan ajllaychej, maykunapichus Señor Diosniykichej llajtasta qosonqachej chaypi. Ajinamanta paykunaqa runasta sumajta cheqanchanqanku.

Deuteronomio 31:28

Kayman pusamuwaychej sapa ayllumanta kuraj kamachejkunata, kurajkunasniykichejtawan kay imasmanta paykunaman parlanaypaj, paykunaj contrankutataj janaj ñaupaqempi, kay jallp'aj ñaupaqempipis ninaypaj.