Números 10:9 - Qheshwa Biblia DC

⁹ Maypachachus jallp'aykichejpi kashajtiykichej pipis qankunawan maqanakoj jamojtenqa, cornetasta sinch'ita waqachinkichej, jatunmantataj qhaparinkichej. Ajinamanta noqa Señor Diosniykichej qankunamanta yuyarikusqaykichej, enemigosniykichejmantataj jark'akusqaykichej.

DIOSPA QHELQACHISQAN DEUTEROCANONICAL

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

DIOSPA QHELQACHISQ

⁹ Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Números 10:9 Iomraidhean Croise

Génesis 8:1

Dios yuyarikorqa Noemanta, paywan khuska tukuy animales arcapi kajkunamantawan. Chaymanta wayrachimorqa, chaytaj yakuta ch'akiykucherqa.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

2 Crónicas 13:14

Judamanta kajkunataj qhepaman qhawarikuspaqa, reparakorqanku ñaupajmanta qhepamantataj paykunawan maqanakoj jamushasqankuta. Chaypacha Señorman qhaparikorqanku, sacerdotestaj trompetasta waqacherqanku.

Salmos 106:4

Señor, noqamanta yuyarikuway, aylluykita munakusqaykirayku, salvacioninykiwan watukuway.

Salmos 106:42

Enemigosninkoqa lastacherqanku. Atiyninkuwantaj paykunata ñak'aricherqanku.

Salmos 136:23

ñak'arisqa kashajtinchej khuyarikojman, khuyakuynin wiñaypaj kasqanrayku;

Isaías 18:3

Tukuy kay mundontimpi tiyakoj runas, kay jallp'a patapi kajkuna, orqopi puntaspi bandera sayajta qhawariychej, pututu waqamojtimpis uyariychej.

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Jeremías 4:21

Mashkha unaytawanrajtaj pataman banderata sayachisqata rikusajri, pututoj ch'ajwaynintapis uyarisajri?

Jeremías 4:5

Kayta willaraykichej Jerusalempi, jinallataj Judá ayllupi, putututa waqachispa qhapariychej kay tukuy jallp'api, sinch'itapuni qhapariychej: Tantakamuychej! Jamuychej, pakakunasniyoj llajtasman!

Jeremías 49:2

Kunanqa noqa Señor kayta nini: Uj p'unchay chayamonqa maypachachus Rabamanta amonita llajta uyarinan, maqanaku qhapariyta, chaytaj uj qollu raqaykunasllamanña tukuchisqas kanqanku, chay k'iski ranchosninkutaj ninapi larwaykunaspi k'ajarenqanku. Chaypacha Israelqa chay llajtasninta watejmanta jap'ikapullanqataj. Noqa Señor chayta nini.

Jeremías 6:1

Benjamimpa ayllunmanta kaj runas, pakakunata mask'aychej, Jerusalenmantataj ayqeychej! Tecoapi putututa waqachiychej, uj señalta oqhariychej Bet-haquerempi, imaraykuchus pata ladomanta uj llakiy, manchay ñak'ariytaj jamunayashan.

Jeremías 6:17

Señor churaykorqa qhawajkuna soldadosta, ayllunmantaj nerqa: Pututoj waqasqanta allinta uyariychej. Israel ayllutaj niwarqa: Mana kasuta ruwayta munaykuchu, nispa.

Ezequiel 7:14

Putututa waqachenqanku maqanakuyman wajyaspa, nitaj pipis maqanakamunampaj llojsej kanqachu. Israelpa jatunchakuynintaqa k'ajaj phiñakuyniywan jasut'isaj.

Oseas 5:8

Gabaapi tocaychej maqanakuyman wajyana putututa! Ramapitaj tocaychej trompetata! Bet-avempitaj mancharichiychej! Benjaminmanta kajkunata kharkatichiychej!

Amós 3:6

Llajta ukhupi pututu qhaparin chayqa, runas mancharinkupacha; ima sajrapis llajta ukhupi kan chaytaqa, Señormin kachamun.

Sofonías 1:16

Chay p'unchaypi pututu waqanqa. Qhaparisqataj kanqa kallpachasqa llajtaspa contrampi, jatuchaj qhawana torresnimpa contrampitaj.

Números 31:6

Moisesqa chay runasta pusacherqa sacerdote Eleazarpa wawan Fineeswan. Pay aparqa Diospa imasninta, pututustawan maqanakuyta qallarinankupaj tocanampaj.

1 Corintios 14:8

Pututuchus mana allinta waqanman chayqa, pitaj wakichikunman guerraman rinampajri?

Deuteronomio 20:1

Sichus maqanakoj llojsinkichej, enemigosniykichejtaj rikhurisonqachej ashkha caballosniyoj, carretasniyoj ima, qankunamanta aswan ashkha soldadosniyoj ima chayqa, ama paykunamanta manchachikunkichejchu. Egiptomanta orqhomusorqachej chay Señor Diosniykichejqa qankunawan kashan.

Josué 6:5

Carnero wajrasta waqajta uyariytawan, tukuy kallpawan qhapariychej, llajtaj perqasnintaj ujllata pampaman urmanqanku. Chaymantataj sapa ujniykichej llajtaman phinkikuychej, nispa.

Jueces 10:8

Chaymantapacha chunka pusajniyoj watasta filisteosqa jinataj amonitaspis maytapuni ñak'aricherqanku Galaadpi tukuy tiyakojkunata, Jordán mayoj chimpampi amorreokunaj jallp'ampi kajkuna israelitasta.

Jueces 2:18

Señorqa sapa kuti jatarichej uj kuraj runata chantá yanapajtaj. Chay kuraj runa kausashajtintaj israelitasta kacharichejpuni enemigosnimpa makisninmanta, sinch'i ñak'ariypi waqasqasninkuta uyarispataj paykunata khuyakoj.

Jueces 3:27

Israel jallp'aman chayaspañaqa, Efraín orqosnimpi putututa waqacherqa israelitasta wajyaspa. Tukuynin israelitastaj chay orqosmanta uraykamorqanku, Aodtaj ñaupaqenkuta rerqa.

Jueces 6:34

Señorpa Espirituntaj Gedeonman jamorqa, paytaj wajyarqa chivo wajramanta pututuwan, Abiezerpa tukuy ayllunmanta kajkuna tantakamorqanku.

1 Samuel 10:18

Chaypitaj nerqa: Señor, Israelpa Diosnenqa nin: Qankuna israelitasta noqa Egiptomanta orqhomorqaykichej, egipciospa atiyninmantataj kacharicherqaykichej, jinataj tukuy naciones ñak'arichisorqachej chaykunamantapis.