Números 10:33 - Qheshwa Biblia DC

³³ Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

DIOSPA QHELQACHISQAN DEUTEROCANONICAL

³³ Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

DIOSPA QHELQACHISQ

³³ Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

Números 10:33 Iomraidhean Croise

Salmos 95:11

Chayrayku sinch'i phiñakuyniypi jurarqani, samarinayman mana yaykonqankuchu, nispa.

Éxodo 19:3

Chaymanta Moisesqa orqoman wicharerqa Dioswan parlamoj, imaraykuchus Señor wajyamorqa chay orqomantapacha, kayta nispa: Ajinata niy Jacobpa miraynin israelitasman:

Éxodo 3:1

Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

Isaías 11:10

Chaypacha Isaejpa saphinmanta ch'illchejqa, tukuy nacionespaj uj señal kanqa. Chay runastaj payta mask'anqanku; tiyakunantaj lliphipirenqa.

Isaías 28:12

Paykunaman Diosqa nisqañaqa: Kaypi samarikoyqa kashan; sayk'usqa kajqa samarikuchun. Paykunataj mana kasorqankuchu.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

Jeremías 3:16

Qankuna jallp'aykichejpi astawan yapaykojtiykichej, ashkha wawasniyojñataj kajtiykichej, mana pipis parlanqañachu Señorwan trato ruwasqa kajmanta, manaña pipis chaypi yuyanqañachu, nitaj ujtawan yuyarikonqañachu, manataj pipis watukonqañachu, nitaj waj mosojta ruwanqankuchu. Noqa Señor chayta nini.

Jeremías 31:2

Señor nin: Ch'in pampapi wañojmanta ayqej ayllumanta khuyakorqani, maypachachus Israelqa samakuna cheqata mask'asharqa chaypacha.

Jeremías 6:16

Señorqa ayllunman nin: ñankunaspi sayaykuychej, qhawaychejtaj, tapurikuychej chay ñaupa runakuna ukhumanta, maypichus kashan chay aswan allin kaj ñan chayta, qhatiykuychej, samariytataj tarinkichej. Paykunataj ninku: Manapuni chay ñanta puriykumanchu, nispa.

Ezequiel 20:6

Chay p'unchaypi noqa juraspa nerqani Egiptomanta paykunata orqhonayta, pusanaytataj noqa mask'arqani chay jallp'aman. Chaypitaj lechewan misk'iwanqa yaku jina puririshan, chaytaj tukuy jallp'asmanta aswan sumajpuni.

Números 10:12

Israelitasqa Sinaí ch'in pampamanta purirerqanku. Phuyutaj Parán ch'in pampanejpi sayarqa. Imaynatachus Señorqa Moisesnejta kamachisqanman jina.

Deuteronomio 1:33

Payqa ñaupaqeykichejta rispa maymanchus jarakunaykichejta ajllarqa. Tutaqa ñanta rishajtiykichej ninawan k'anchamorqa maynintachus rinaykichejpaj, p'unchaytaj phuyuwan rikuchisorqachej maymanchus rinaykichej ñanta.

Deuteronomio 31:26

Kay librota jap'iychej, churaychejtaj Señor Diosniykichejpa tratompa cajonnimpa qayllanman, qankunaj juchasniykichejta yuyarichinampaj.

Deuteronomio 9:9

Chay orqoman wicharerqani Señormanta jap'imoj palqayoj p'alta rumipi qelqasqa kamachiykunata, qankunawan Señor tratota ruwarqa chaykunata. Chaypitaj chinkamorqani tawa chunka p'unchaykunata tawa chunka tutastawan mana t'antata mikhuspa, nitaj yakuta ujyaspa.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Josué 4:7

Chaypacha qankuna ninkichej: Mayk'ajchus Señorpa trato ruwasqan cajón Jordán mayuta chimpamorqa. Yakutaj chay cajompa ñaupaqempi iskayman p'itikorqa. Kay tauqasqa rumisqa kashan kaypi imachus kasqanta yuyarikunankupajpuni.

Jueces 20:27

Jaqay tiempospeqa Diospa Trato Cajonnenqa Betelpi kasharqa, sacerdotenkutaj Finees karqa, payqa Eleazarpa wawan karqa Aarompa allchhintaj. Israelitastaj Señorta tapurerqanku: Watejmanta maqanakoj atiykumanchu riyta Benjamín ayllumanta masisniykuwan, chayri atipasqas jinachu qhepakusqayku, nispa. Señortaj paykunaman nerqa: Maqanakoj rillaychej, q'aya noqa atipachisqaykichej.

1 Samuel 4:3

Maypachachus israelita soldados jarankuman kutiporqanku chaypacha paykunaj kurajkunasninku nerqanku: Imaraykutaj Señorqa filisteoswan atipaykuchiwanchejri? Silomanta apakamusunchej Señorpa trato cajonninta, pay noqanchejpa chaupinchejta rinampaj, enemigosninchejmantataj jark'anawanchejpaj, nispa.