Nahúm 1:3 - Qheshwa Biblia DC

³ Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.

DIOSPA QHELQACHISQAN DEUTEROCANONICAL

³ Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

DIOSPA QHELQACHISQ

³ Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Nahúm 1:3 Iomraidhean Croise

2 Samuel 22:10

Janaj pachakunata ladeyacherqa, uraykamorqataj. Chakisnin urapitaj manchay laqha phuyus karqa!

Nehemías 9:17

Mana munarqankuchu kasuyta, nitaj yuyarikuytapis chay jatuchaj t'ukuna imasta paykunata khuyaspa ruwasqasniykita. May rumi sonqos kasqaykurayku uj kamachejta churakorqanku watejmanta Egipto kamachiyman kutipunankupaj. Chaywampis qanqa perdonaj Diosmin kanki, llamp'u sonqo khuyakuyniyoj, pacienciayoj, munakuyniyoj Diostaj kanki. Chayrayku paykunataqa mana saqerparerqankichu.

Job 10:14

Qanqa allinta qhawashawarqanki, juchallikonqachus manachus nispa, ajinamanta juchallikusqayrayku juchachanawaykipaj.

Job 38:1

Chaymanta Señorqa Jobman parlamorqa manchay yanayarishaj para wayrapi, nerqataj:

Job 9:4

Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

Salmos 103:8

Diantinta simiypi junt'a, jatun kayniykimanta takiykuna.

Salmos 104:3

Yaku patapi, alto tiyakunaykikunata wasichanki. Phuyusqa carrosniyki jina kanku: wayraj lijrampi purinki.

Salmos 145:8

Señorqa llamp'u sonqoyoj, khuyakuyniyojtaj, mana phiñakullanchu, jatun munakuyniyoj,

Salmos 147:5

Señorninchejqa jatunmin, may atiyniyojtaj, yachaynimpis mana tukukuyniyoj.

Salmos 50:3

Diosninchejqa mana ch'inllamantachu jamushan. Ñaupaqenta sinch'i q'olaj nina jamushan. Muyuynintataj sinch'i para jamushan.

Salmos 62:11

Diospa parlasqanta, iskay kutita uyarini, Diospata atiytaj munakuytaj kasqanta.

Salmos 66:3

Diosman takiychej: Ruwasqasniykeqa may sumajpuni. Jatun atiyniykirayku, enemigosniykeqa ñaupaqeykipi mancharisqas urmanku.

Isaías 19:1

Uj willay jamun Egiptoj contrampi. Qhawariychej, Señorqa usqhayta rej phuyupi montasqa jamushan Egiptoman. Egiptopi kaj lantisqa payta rikuytawan kharkatitenqanku, egipciostaj maytapuni mancharikonqanku.

Isaías 29:6

Tukuy Atiyniyoj Señortaj paykunata jasut'enqa, qhon qhonkunawan, jallp'a kuyuykunawan, manchay ch'ajwawan, sinch'i wayrawan, llojlla parawan, manchayta q'olaj ninawan ima.

Isaías 66:15

Señorqa ninawan jamonqa, carretasnenqa maqanakunapaj llojlla para jina jamonqa, manchay k'ajaj phiñakuyninwan jasut'inampaj. Ajinata paypa k'amiynenqa nina larway jina kanqa.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Daniel (hebreo) 7:13

Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

Oseas 8:7

Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

Joel 2:13

Qankuna, Señor Diosniykichejman kutirikampuychej! P'achasta llik'inaykichejtaqa, sonqoykichejta llik'iychej! Imaraykuchus, Señorqa sonqonta wawayachikojmin, khuyakojtaj. May pacienciayoj, tukuy munakuyniyojtaj Payqa. Jasut'isuyta yuyasqanta saqepuytapuni munan.

Jonás 4:2

Señormantaj kay jinata nerqa: Qhawariy Señor, kaytamá nerqayki jallp'aypi kashaspallaraj. Chayrayku ayqesharqani Tarsisman. Yachani ari, khuyakoj sonqo nanachikoj Dios kasqaykita, mana chhika usqhayta phiñakoj kasqaykita, chhika jatun khuyakuyniyoj kasqaykita, jasut'ej rishaspa mana jasut'isqaykita chay jina millay sajrata ruwasqankumanta.

Zacarías 9:14

Señor ayllunman rikuchikonqa, flechasnintataj kacharenqa lliuj q'ajkunasta jina. Señor Dios putututa waqachispa, muyoj wayras chaupipi sur lado ñaupajman rirenqa.

Números 14:18

Imamantapis mana usqhayta phiñakusqaykita, munakuyniykeqa may jatun kasqanta, ima sajra juchamantapis perdonasqaykita, jinallataj qampa contraykipi oqharikojtapis. Nillarqankitaj juchayojtapis mana jasut'isqaykita, manachayqa tatasninkoj juchasninta jasut'isqaykita, wawasninkuta allchhisninkuta, allchhisninkoj wawasninkuta, allchhisninkoj allchhisninta ima.

San Mateo 26:64

Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.

Santiago 1:19

Chayrayku, munakusqa hermanosníy, sapa ujniykichej usqhayta uyariychej, pisita parlaychej, amataj usqhayta phiñakuychejchu.

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.