San Mateo 7:15 - Qheshwa Biblia DC

¹⁵ Llulla profetasmanta allinta qhawakuychej; paykunaqa jamusunkichej ovejas jina p'achallisqas; ukhunkupitaj suwa atojkuna kanku.

DIOSPA QHELQACHISQAN DEUTEROCANONICAL

¹⁵ Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

DIOSPA QHELQACHISQ

¹⁵ Qankunaqa allinta qhawakuychej pikunachus llullakuspa: Diosmanta sut'inchaj kani, nispa nejkunamanta. Paykunaqa oveja jina jamusunkichej, sonqonkupitajrí suwa atoj jina kanku.

Quechua South Bolivia: Dios Parlapawanchej

¹⁵ ‘Khawacuychej llulla yachachejcunamanta. Chaycunaka pantachisunayquichejpaj jamuncu. Paycunaka ovejaman rijch'acojjinalla cancu, sonkosnincupirí yarkhaska atojcunajina cancu.

San Mateo 7:15 Iomraidhean Croise

1 Reyes 13:18

Machu runa kajqa llullakuspa nerqa: Noqapis qan jina profetallataj kani, nispa, Señorpa uj angelnintaj kamachiwan: Rispa pusamuy qampa wasiykiman t'antata mikhunampaj, yakutapis ujyanampaj.

Jeremías 29:21

Tukuy Atiyniyoj Señor Israelpa Diosnin kay jinata nin: Colaiaspa wawan Acabmanta, jinataj Maasiaspa wawan Sedequiasmanta, piskunachus Señorpa sutimpi llullerasta qankunaman nisunkichej: Babiloniamanta rey Nabucodonosorpa makinmin urmachisaj, paytaj ñaupaqeykichejpi paykunata wañurachenqa.

Jeremías 29:32

Noqa Señor nini Semaiasta tukuy miraynintawan jap'inayta. Mana kay jallp'api paypa miraynin kanqachu. Mana kusikonqachu aylluyman qosaj chay kusikuywan, imaraykuchus chaykunawan aylluyta noqaj contraypi churakunankuta nerqa. Noqa Señor chayta niykichej.

Ezequiel 13:16

Israelpa profetasnin manallataj kanchu, pikunachus mosqoypi jina llulla rikusqankuta Jerusalenman willasharqanku, tukuy imapis allillan rishan nispa, manataj cheqamantaqa jinachu kasharqa. Noqa Señor chaytaqa nini.

Ezequiel 13:22

Qankunaqa llullirioswan cheqa kausaypi kaj runasta manchachinkichej. Noqaqa mana munarqanichu chay jinata ruwaytaqa. Astawanqa, sonqochankichej sajra sonqoyoj runasta, umachankichejtaj ama t'aqakunankuta sajra puriyninkumanta, ajinamanta noqa paykunata ama kausachinaypaj.

Ezequiel 22:25

Chay llajtapi kamachejkunataj, phiñakuywan qhaparej onzas jina kanku, jap'isqankuta llik'inoqanku, runasta jallp'ankupi mikhuranku. Qolqe waqaychasninkuta, kapuyninkutawan suwanku. Ashkha warmistataj viudasta saqeranku.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Daniel (hebreo) 11:34

Chejnejkunaj makimpi urmanqanku chaypachaqa, uj pisita yanaparisqas kanqanku, ashkhastaj paykunawan ujchakonqanku allinninkuta ruwaj jinalla.

Miqueas 3:11

Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

Zacarías 13:4

Jaqay tiempopeqa, profetas kajkunapis rikusqankuta sut'inchayta p'enqakonqanku. Ni pipis chay profetaspa chay qarasmanta ruwasqa qhatanata churakonqanku pitapis ch'aukiyanampajqa. Chayrayku sapa ujpis nenqanku: Noqaqa mana profetachu kani, manachayqa llank'aj runalla. Wawamantapacha campopi llank'aj kani, nispa.

San Mateo 10:17

Allinta qhawakuychej runakunamanta. Paykunaqa jatun juntaman pusaspa sinagogasninkupi jasut'ichisonqachej.

San Mateo 16:11

Imajtintaj mana entiendenkichejchu, mana t'antamantachu qankunaman parlasqayta? Astawanqa, allinta qhawakuychej fariseospa levaduranmanta, saduceospamantawan.

San Mateo 16:6

Jesustaj nerqa: Qhawakuychej, karunchakuychejtaj fariseospa levaduranmanta saduceospamantawan.

San Mateo 24:11

Ashkha llulla profetas rikhurimonqanku, ashkhastataj pantachenqanku.

San Mateo 7:14

Punkoqa k'ullkumin; k'ullkullataj kausayman pusaj ñampis. Pisistaj kanku chayta tarejkunaqa.

San Lucas 12:15

Chantá nillarqataj: Qhawakuychej, tukuy imasta munapayaymanta. Runaj kausaynenqa mana qhapaj kayllapichu kashan.

San Lucas 6:26

Ay, tukuy runas qankunamanta allinta parlajtinku! Jinallatataj ñaupa runas ruwaj kanku llulla profetaswan.

San Juan 10:12

Qolqeraykulla michejqa mana cheqa michejchu. Ovejas mana paypata kasqanrayku, atoj jamojtinkama ayqepun, atojtaj ovejasta jap'iraspa ch'eqerachin.

Hechos 13:40

Kunanqa, sumajta qhawarikuychej ari, ama qankunapi profetaspa nisqanku junt'akunampaj:

Hechos 13:6

Chay tukuynin churupi purispataj Pafoskama chayarqanku. Chaypitaj tinkukorqanku Barjesús sutiyoj layqawan. Payqa uj llulla profeta judío karqa.

Gálatas 2:4

Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Filipenses 3:2

Ithirikuychej alqos kajkunamanta. Ithirikuychej sajra imasta ruwajkunamanta. Ithirikuychej khuhurachiyta munajkunamanta.

Colosenses 2:8

Allinta qhawakuychej, pajtataj pipis pantachisunkichejman llulla yachachiykunawan, qhasi mana kaj parlaykunawan ima. Paykunaqa mana Cristoj nisqantachu yachachinku, manachayqa ñaupa runaj yachachiyninman jinalla, kay mundopi runas yuyaychasqankuman jina.

2 Timoteo 3:13

Sajra runas ch'aukiyajkunapis, sajra kasqankumanta, astawan sajrayanqanku, pantaspa, pantachispataj.

2 Timoteo 4:3

Uj p'unchay jamonqa maypachachus mana munanqankuchu uyariyta, cheqan kajtataj yachachiyta. Manachayqa paykunaj sajra munayninkuman jina yachachejkunata tantanqanku, imaynatachus uyariyta munasqankuta yachachinankupaj.

2 Pedro 3:17

Chayrayku munasqa, hermanosníy, chay imasta ñaupajmanta yachaspaña, allinta qhawakuychej. Pajtá ch'aukiyajkunawan pantayman apachikuwajchej, ajinamantataj sinch'i kayniykichejmanta urmawajchej.

1 Juan 4:1

Munakusqasníy, ama pillatapis Diospa yuyaychasqan kani nejkunataqa creeychejchu; allintaraj paykunata rejsiychej Diosmantachus kanku, manachus chayta, imaraykuchus ashkha llulla profetas tukuynejpi rikhurishanku.

Judas 1:4

Wakin runasqa pakayllamanta yaykumorqanku. Paykunamantaqa ñaupajmantapachaña Escrituras willarqanku juiciopaj juchachasqas kasqankuta. Paykunaqa mana manchachikuyniyoj kanku, Diosninchejpa khuyakuynintapis millay kausayninkuman tukuchinku. Kamachej sapan Diosta, Señorninchej Jesucristotapis qhesachanku.

Apocalipsis 16:13

Rikorqanitaj sierpej siminmanta, phiña animalpa siminmanta, llulla sut'inchajpa siminmantapis, kinsa millay supaykunata llojsejta jamp'atusta jina.

Apocalipsis 17:6

Rikorqanitaj chay warmita ajllasqaspa yawarninwan, Jesuspa testigosnimpa yawarninwan ima machasqata. Payta rikuspataj maytapuni t'ukorqani.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

Apocalipsis 20:10

Paykunata ch'aukiyaj supaytaj nina qochaman wijch'uykusqa karqa, maypichus chay phiña animal, llulla profetawan kasharqanku chayman; tuta p'unchaytaj, wiñaypa wiñayninkama ñak'arenqanku.