San Mateo 6:5 - Qheshwa Biblia DC

⁵ Diosmanta mañakuspaqa, ama puraj uyas jina kaychejchu. Paykunaqa sayaykukuspa Diosmanta mañakunku, sinagogaspi, plaza esquinaspi ima, runaswan rikuchikunankupaj. Cheqamanta niykichej, ñapis paykunaqa t'inkayojña kanku.

DIOSPA QHELQACHISQAN DEUTEROCANONICAL

⁵ Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

DIOSPA QHELQACHISQ

⁵ Dioswan parlarikuspaqa, ama puraj uya jina kaychejchu. Paykunaqa sayaykukuspa, Dioswan parlarikunku tantakuna wasikunapi, plazaj esquinankunapi ima, runakunawan rikuchikunankupaj. Noqarí kayta sut'ita niykichej: Ajinata ruwaspa, paykuna chayllata t'inkata jina jap'enqanku.

Quechua South Bolivia: Dios Parlapawanchej

⁵ ‘Diosmanta mañacuspa ama puraj uyajina caychejchu. Paycunaka tantacuna-wasispi jatun plazaspiwan sayaricuspa Diosmanta mañacuyta munancu runas ricunallancupaj. Niyquichej chekatapuni paycunaka ruwaskancumanta tucuyta jap'iskancutaña.

San Mateo 6:5 Iomraidhean Croise

Salmos 5:2

Qanmanta qhaparikamusqayta uyariway reyníy, Diosníy, imaraykuchus qanmanta mañakuyki.

Salmos 55:17

Willakusaj waqasajtaj, sut'iyayta, chaupi p'unchayta, ch'isiyayta ima. Payrí parlasqayta uyarenqa.

Proverbios 15:8

Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

Proverbios 16:5

Señorqa runaykachajkunata millachikun; jasut'isqapuni kanqanku.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

Jeremías 29:12

Chantaqa qankuna noqaman qhaparikuwankichej, mañakojtaj jamuwankichej, noqataj uyarisqaykichej.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

San Mateo 21:22

Creespatajchus tukuy imata mañakuwajchej chayqa, mañakusqaykichejta jap'inkichej.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

San Mateo 23:5

Paykunaqa tukuy imasta ruwanku, runaswan rikuchikunankupaj. Escriturasmanta pisi palabras escribisqata frentesninkuman, makisninkuman ima mayt'uykunku. Jatuchaj flecosniyoj p'achastataj churakunku.

San Mateo 23:6

Jatun mikhuykuna pipis ñaupajpipuni tiyayta munanku; jinallatataj sinagogaspipis.

San Mateo 6:1

Ama runaspa ñaupaqellampeqa cheqa kajta ruwaychejchu, paykunawan rikuchikunallaykichejpajqa; ajinata ruwajtiykichejqa, mana t'inkaykichej kanqachu, janaj pachapi kashaj Tataykichejpa ñaupaqempi.

San Mateo 6:16

Ayunaspaqa, ama llakisqas kaychejchu, puraj uyas jina; paykunaqa uyasninkuta uj jinayachinku, ayunasqankuta runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Mateo 6:2

Chayrayku qolqeykita qospaqa, ama putututa ñaupaqeykipi waqachiychu; imaynatachus puraj uya runas, sinagogaspi, callespi ima, ruwanku runakunawan allinta qhawachikunankurayku, jinataqa. Cheqamanta niykichej, ñapis paykunaqa t'inkayojña kanku.

San Mateo 9:38

Mañakuychej ari Señormanta, astawan llank'ajkunata cosechanman kachamunampaj.

Marcos 11:25

Diosmanta mañakushaspa, piwampis phiñanasqa kaspaqa, allinyakapuy; ajinamanta, janaj pachapi kaj Tataykichejpis juchasniykichejta pampachanqa. [

Marcos 12:38

Yachachishaspataj paykunaman Jesús nerqa: Allinta qhawakuychej leymanta yachachejkunamanta. Paykunaqa, puriykachayta munanku qhoysu p'achasniyoj, chanta qhatuna cheqaspi tukuy runaswan napaykuchikuyta munaspa.

San Lucas 11:43

Ay, qankunamanta fariseos! Qankunaqa sinagogaspi ñaupajpipuni tiyayta munankichej, ajinallatataj callepipis napaykuchikuyta munankichej.

San Lucas 18:1

Jesustaj uj rijch'anachinawan yachacherqa, Diosmantaqa mañakunapuni kasqanta mana sayk'uspa.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

San Lucas 20:47

Viudasmantapis kapuyninkuta suwanku, unay unayta Diosmanta mañakoj tukuspa; chaynejta aswan juchachasqas kanqanku.

San Lucas 6:24

Chayrayku: Ay, qankunamanta qhapajkuna!, imaraykuchus sonqochasqasña kankichej.

San Juan 16:24

Kunankama mana imatapis sutiypi mañakorqankichejchu; kunanqa mañakuychej, jap'inkichejtaj, kusikuyniykichej junt'asqa kanampaj.

Efesios 6:18

Kay tukuytaqa ruwaychej sapa p'unchay, Diosmanta mañakuspa Espiritupi tukuy mañakuywan. Ama puñuspa qhawaychej, mana sayk'uspa. Mañakuychej Diospata kajkunapaj.

1 Tesalonicenses 5:17

Mana samaspa Diosmanta mañakuychej.

Santiago 4:6

Payqa astawan khuyakuwanchej. Chayrayku escrituras nin: Diosqa jatunchakojkunata qhesachan, k'umuykukojkunatataj yanapan.