San Mateo 6:2 - Qheshwa Biblia DC

² Chayrayku qolqeykita qospaqa, ama putututa ñaupaqeykipi waqachiychu; imaynatachus puraj uya runas, sinagogaspi, callespi ima, ruwanku runakunawan allinta qhawachikunankurayku, jinataqa. Cheqamanta niykichej, ñapis paykunaqa t'inkayojña kanku.

DIOSPA QHELQACHISQAN DEUTEROCANONICAL

² Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

DIOSPA QHELQACHISQ

² Chayrayku qolqeta wajchakunaman qospaqa, ama tukuyman willaychejchu, imaynatachus puraj uya runakuna ruwanku tantakuna wasikunapi, callekunapi ima, ajinata. Paykunaqa runakunawan allinpaj qhawasqa kanallankupaj chayta ruwanku. Noqatajrí kayta sut'ita niykichej: Paykuna ajinata ruwaspa, chayllata t'inkata jina jap'enqanku.

Quechua South Bolivia: Dios Parlapawanchej

² Chayraycu pisichicojcunaman imallatapis kospaka ama runasman willaspalla koychej. Puraj uya runaspis ajinata ruwancu tantacuna-wasispi plazaspipis runas paycunata jatunchanancupaj. Niyquichej chekatapuni paycunaka ruwaskancumanta tucuyta jap'iskancutaña.

San Mateo 6:2 Iomraidhean Croise

Salmos 112:9

Wajchasman kapuyninmanta qorin, k'acha kaynenqa kallampuni. Mana p'enqakuspa umanta oqharin.

Salmos 37:21

Sajra runasqa manukuspapis mana qopunchu, allin runarí khuyakuspa tukuy sonqo qon.

Proverbios 19:17

Wajcha runaman manoyqa, Señorman manuywan ninakun; Señor kikintaj chay manuta junt'anqa.

Proverbios 20:6

Ashkha runas ninku sapa ujninku sumaj runas kasqankuta; chaywampis, uj cheqan runataqa, pitaj tarenqari?

Eclesiastés 11:2

Qanchisman chayri pusajman p'akiray; imaraykuchus mana yachankichu ima sajrachus chay jallp'a pataman jamunanta.

Isaías 10:6

Asiriosta juchasapa runasman kachasaj, k'ajajta phiñachiwaj llajtaman pusasaj, imankuchus kajta, kapuyninkutapis qhechumunampaj, callespi t'uruta jina sarunampaj.

Isaías 58:7

Munani yarqhasqaswan khuskamanta mikhunaykichejta; wasiykichejman mana wasiyojkunata wajyarinaykichejta; mana p'achayojkunata p'achallichinaykichejta; runa masisniykichejmantapis ama pakakunaykichejta.

Isaías 9:17

Chayrayku Señorqa mana khuyanchu waynasta, nitaj wajcha wawasta, nitaj viudastapis. Tukuyninku sajras kanku, juchasapastaj; tukuyninkutaj parlanku sajra palabrasllata. Chay tukuywampis, Señorpa k'ajaj phiñakuynenqa manarajpuni thasnukunchu, payqa jasut'inampaj makin oqharisqallarajpuni kashan.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

San Mateo 15:7

Puraj uyas! Allinta Isaías qankunamanta nerqa:

San Mateo 16:3

Tutamantataj ninkichej: Kunanqa llojlla para kanqa. Puka yanata phuyuykamushan. Puraj uyas! Qankunaqa phuyusta qhawarispa yachankichej imayna diachus kananta, manataj rejsiyta atinkichejchu tiempospa señalesninta.

San Mateo 22:18

Jesustaj, sajra yuyayninkuta yachaspa nerqa: Puraj uyas. Imaraykutaj pantachiwayta munankichej?

San Mateo 23:5

Paykunaqa tukuy imasta ruwanku, runaswan rikuchikunankupaj. Escriturasmanta pisi palabras escribisqata frentesninkuman, makisninkuman ima mayt'uykunku. Jatuchaj flecosniyoj p'achastataj churakunku.

San Mateo 23:6

Jatun mikhuykuna pipis ñaupajpipuni tiyayta munanku; jinallatataj sinagogaspipis.

San Mateo 24:51

Chaypacha, mana ñak'ariy atinata jasut'ispa, churanqa puraj uyastawan khuska. Chaypitaj waqay, kiru k'arukuytaj kanqa.

San Mateo 5:18

Chayrayku cheqamanta niykichej: Ñaupajtaraj cielopis mundopis tukukuyta atinku; leymantataj mana uj juch'uy letra, ni uj ch'iñi rayallapis chinkanqachu, kay tukuy junt'akunankama.

San Mateo 6:16

Ayunaspaqa, ama llakisqas kaychejchu, puraj uyas jina; paykunaqa uyasninkuta uj jinayachinku, ayunasqankuta runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Mateo 6:3

Chayrayku mana kapuyniyojkunaman imallatapis qoshajtiyki, ama yachachunchu lloq'e makiyki, imatachus paña makiyki ruwasqanta.

San Mateo 6:5

Diosmanta mañakuspaqa, ama puraj uyas jina kaychejchu. Paykunaqa sayaykukuspa Diosmanta mañakunku, sinagogaspi, plaza esquinaspi ima, runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Mateo 7:5

Puraj uya! Qampa ñawiykimantaraj kurkuta ñaupajta orqhokuy. Chaymantataj sut'ita rikuspa, wauqeykej ñawinmanta q'opitata orqhonki.

Marcos 12:39

Paykunaqa sinagogaspi, ñaupajpipuni tiyakuyta munanku, qhochuku wasispipis allin kaj tiyanasta mask'anku.

Marcos 7:6

Jesustaj paykunaman kuticherqa: Puraj uyas, allintapuni qankunamanta Isaiasqa sut'incharqa kay jinata escribispa: Kay runasqa simillankuwan yupaychawanku; sonqonkurí noqamanta karupi kashan.

San Lucas 11:41

Kapuyniykichejmanta wajchasman qoychej. Tukuy imaykichejtaj llimphu kanqa.

San Lucas 11:43

Ay, qankunamanta fariseos! Qankunaqa sinagogaspi ñaupajpipuni tiyayta munankichej, ajinallatataj callepipis napaykuchikuyta munankichej.

San Lucas 12:33

Kapuyniykichejta vendeychej, wajchasman rak'inaykichejpaj; chantá ruwakuychej mana thantakoj wayaqata, waqaychaychejtaj kapuyniykichejta janaj pachapi, chaypeqa mana tukukonqachu; maymanchus suwa mana yaykunchu, nitaj thutapis k'utunchu, chayman.

San Lucas 12:56

Puraj uyas! Sumajta rejsinkichej cieloj rijch'ayninta kay mundojtapis, icharí? Chantá imaraykutaj mana rejsinkichejchu kunan tiempoj señalnintari?

San Lucas 13:15

Señortaj payman kuticherqa: Puraj uyas! Manachu sapa ujniykichej samakuna p'unchaypi, uywa kanchamanta wakaykichejta, chayrí burroykichejtapis phaskaraspa yakuta ujyachimunkichej?

San Lucas 6:24

Chayrayku: Ay, qankunamanta qhapajkuna!, imaraykuchus sonqochasqasña kankichej.

San Lucas 6:42

Imaynatataj wauqeykita niwaj: Wauqéy, saqeway ñawiykimanta chay q'opitata orqhojta, qampa ñawiykipitaj kurkuta mana rikukuspari? Puraj uya! Ñawiykimantaraj ñaupajta kurkuta orqhokuy, chantá allinta qhawarispa orqhonki wauqeykej ñawinmanta q'opitata.

San Juan 13:29

Wakin yuyasharqanku Judas Iscariote qolqe wayaqata jap'isqanrayku payman Jesús nisqanta: Rantimuy imachus qhochukupaj mana kanchu chayta, chayrí wajchasman imallatapis qomuy, nispa.

San Juan 5:41

Runakuna jatumpi qhawanawankutaqa, mana munanichu.

San Juan 5:44

Imaynatataj creeyta atiwajchej, qankunapuralla jatumpi qhawanakushaspa, manachu mask'ankichej uj k'ata Diosmanta jatumpi qhawasqa kaytaqa?

San Juan 7:18

Pillapis pay kikinmanta parlajqa, mask'an paylla runaswan jatumpi qhawachikuyta. Kachamojninta jatumpi qhawachiyta munajta, cheqanta parlan, manataj paypi ima llullapis kanchu.

Hechos 10:2

Cornelioqa Diosta munakoj runa karqa, wasimpitaj tukuy familianwan khuska Diosta yupaychaj. Pay tukuy imapi yanapaj wajcha runasta, Diosmantataj mañakuspallapuni kaj.

Hechos 10:31

Paytaj niwarqa: Cornelio, Dios uyarimusunki mañakusqaykita, yuyarikullantaj wajchakunata yanapasqaykimantapis.

Hechos 10:4

Corneliotaj angelta qhawarispa mancharikorqa, nerqataj: Wirakochi, imataj kay? Angeltaj kuticherqa: Mañakusqasniyki wajchasta yanapasqasniyki ima, Diospa ñaupaqenman chayanku. Kunantaj qanmanta yuyarikusunki.

Hechos 11:29

Creejkuna taj nerqanku, sapa uj kapusqanman jina qolqeta tantaspa, apachinankuta Judeapi kaj hermanosman. Ajinata ruwaspa chay qolqeta apacherqanku Bernabewan, Saulowan ima iglesiapi ancianosman.

Hechos 24:17

Kunanqa ashkha watasmantaña Jerusalenman kutimuni, llajta masisniyman ofrendata apamuspa, Diosmantaj ofrendata qonaypaj.

Hechos 9:36

Chaypacha Jopepi tiyakorqa uj creej warmi, Tabita sutiyoj. Griegopi niyta munan Dorcas. Paytaj sumaj ruwanasta ruwaspapuni kaj, wajchastapis yanapaspa.

Romanos 12:8

Sonqochajpis k'amispa sonqochachun, imata qojpis allinta tukuy sonqowan rak'ichun. Kamachejpis allinllawan kamachichun, khuyakojpis kusiywan khuyachun.

1 Corintios 13:3

Tukuy kapuyniytachus wajchasman rak'iyman, cuerpoytapis ninaman kanaykuyman, manataj munakuyniy kanmanchu chayqa, mana imapaj valenichu.

Gálatas 2:10

Wajchasllamanta yuyarikunaykuta mañawarqayku; chaytaqa usqhayllata tukuy sonqo junt'arqani.

Efesios 4:28

Pichus suwajqa, amaña suwachunchu; manachayqa makinwan allin kajta llank'achun, mana kapuyniyojman imachus pisisqanta qonampaj.

1 Tesalonicenses 2:6

Noqaykoqa mana runakunapaj allin qhawasqa kaytachu mask'ayku, ni qankunapaj, nitaj wajkunapajpis. Atiykumampis karqa qankunawan imatapis yanapachikuyta, Cristoj apostolesnin jina.

1 Timoteo 6:18

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa.

Filemón 1:7

Chayrayku ancha kusisqa, sonqo junt'asqataj kani munakuyniykirayku. Qannejta, hermano, ajllasqaspa sonqosninku kallpachasqas karqanku.

Hebreos 13:16

Amataj qonqaychejchu allin kajta ruwayta, yanapanakuyta ima. Diosqa chay jina rikuchikusta munan.

1 Pedro 4:11

Pillapis parlajqa, Diospa palabranman jina parlachun. Pillapis wajkunata yanapan chaypis, Diospa kallpa qosqanman jina yanapachun; tukuy imapi Jesucristonejta Dios yupaychasqa kanampaj. Paypajtaj kachun janaj pacha k'anchay, kamachiytaj, wiñaypa wiñaynintinkama. Amén.

1 Samuel 15:30

Saul kutichillarqataj noqa juchallini, nispa. Chaywampis mañakuyki tukuy israelitaspa ñaupaqempi, jinataj kurajkunaspa ñaupaqempipis allillampajpuni qhawanawaykita. Kutimuytaj, Señor Diosniykita noqawan yupaychamuna.