San Mateo 6:10 - Qheshwa Biblia DC

¹⁰ Reinoyki jamuchun, munayniyki ruwasqa kachun; imaynatachus janaj pachapi, ajinallatataj kay pachapipis.

DIOSPA QHELQACHISQAN DEUTEROCANONICAL

¹⁰ Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

DIOSPA QHELQACHISQ

¹⁰ Jamuspa noqaykuta kamachiyta qallariy, munayniykitaj kay pachapi ruwasqa kachun, imaynachus janaj pachapi ruwakun, ajinallatataj.

Quechua South Bolivia: Dios Parlapawanchej

¹⁰ Mayta munaycu tucuyta camachinayquita. Janaj pachapi munayniyqui ruwacushan, ajinallataj cay pachapipis ruwacuchun.

San Mateo 6:10 Iomraidhean Croise

Nehemías 9:6

Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

Salmos 2:6

Sión santo orqoypi, ajllasqayta rey kanampaj jawiniña.

Salmos 40:8

Diosníy, tukuy sonqo munayniykita ruwayta munani. Yachachiwasqasniykita sonqoypi jap'ini.

Isaías 2:2

Qhepa p'unchaykunapi kay jina kanqa, Señorpa wasin lomaqa tukuy orqosmanta aswan patapi sayachisqa kanqa, oqharisqataj kanqa tukuy orqosmanta aswan pataman. Tukuy nacionestaj chaymampuni jamonqanku.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 7:13

Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Mateo 12:50

Pichus janaj pachapi kashaj Tataypa munayninta ruwajmari, wauqeytaj, panaytaj, mamaytaj.

San Mateo 16:28

Cheqamanta niykichej, wakin kaypi kajkunamanta mana wañonqankuchu, Runaj Churinta reinompi jamojta rikunankukama.

San Mateo 26:42

Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.

San Mateo 3:2

Nerqataj: Diosman kutirikuychej, imaraykuchus janaj pacha reinoqa qayllapiña kashan.

San Mateo 4:17

Chaymantapacha, Jesús qallarerqa predicayta: Diosman kutirikuychej, imaraykuchus janaj pacha reinoqa qayllaykamunña.

San Mateo 7:21

Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku.

Marcos 11:10

Yupaychasqa kachun tatanchej Davidpa jamoj reinon! Kausachun janaj pachapi!

Marcos 3:35

Pichus Diospa munayninta ruwan, chaymá wauqeyqa panaypis, mamaypis.

San Lucas 19:11

Kay imasta runas uyarishajtinkutaj, Jesusqa churarqa uj rijch'anachinata. Jerusalén llajta qayllapiña karqa. Paykunataj yuyasharqanku Diospa reinon chayamunan qayllaña kasqanta.

San Juan 4:34

Jesustaj paykunaman nerqa: Mikhuyneyqa kachamuwajniypa munayninta junt'anay, ruwanantataj tukuchanay.

San Juan 6:40

Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

Hechos 13:22

Rey Saulta orqhospataj, Davidta churarqa rey kanampaj. Paymantataj Dios nerqa: Isaejpa churin Davidta, sonqoypa munasqanman jina tarini, tukuy kamachisqaytataj pay ruwanqa.

Hechos 21:14

Manaña imaynapi Jerusalenman rinanmanta jark'ayta atispataj, saqellarqaykuña, Señorpa munaynin ruwakuchun, nispa.

Hechos 22:14

Ananiastaj niwarqa: Tatasninchejpa Diosnin, ñaupajmantapacha qanta ajllasorqa, paypa munayninta yachanaykipaj, cheqan kajta rikuspa simimpa nisqanta uyarinaykipaj.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Efesios 6:6

Ama paykunaj qhawaynillankupeqa sirviychejchu, imaynatachus wakenqa runaj rikunallanta ruwanku allin qhawasqa kayta munaspa ajinaqa. Manachayqa Cristoj kamachisnin jina, tukuy sonqowan Diospa munayninta ruwaychej.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

Colosenses 1:9

Chayrayku noqaykoqa qankunamanta uyarisqaykumantapacha, mana saqeykuchu Diosmanta mañakuyta, Diospa munayninta rejsispa junt'a kanaykichejpaj tukuy laya yachaywan, espiritupi unanchaywampis.

1 Tesalonicenses 4:3

Kaymin Diospa munaynenqa: Llimphu sonqos kanaykichej, qhenchachakuymanta t'aqasqas.

1 Tesalonicenses 5:18

Tukuy imamanta graciasta qoychej. Kaymin qankunapaj, Jesucristopi Diospa munaynenqa.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?

Hebreos 10:36

Llakiypi sinch'i sonqopuni kanaykichej tiyan, Diospa munayninta ruwaspataj, Diospa qosqayki nisqasninta jap'inaykichejpaj.

Hebreos 10:7

Chaypacha nerqani: Kaypi kashani. Imaynatachus noqamanta escribisqa kashan libropi, Diosníy, munayniykita ruwaj jamuni, nispa.

1 Pedro 2:15

Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 12:10

Janaj pachamanta uj sinch'ita parlamojta uyarerqani, nimojta: Kunanqa Diosninchejpa salvacionnin, atiynin, reinompis chayamunña, Cristompa atiynimpis. Hermanosninchejta ch'atajqa, wijch'usqa kashan, pichus tuta p'unchay Diosninchejpa ñaupaqempi paykunata ch'ataykoj, chay.

Apocalipsis 19:6

Ashkha runaj parlasqanta jina uyarerqani, ashkha yakoj p'ajchasqanta jina, ashkha qhon qhonkunaj manchay sinch'ita sonasqanta jina, nerqataj: Aleluya! Señor Tukuy Atiyniyoj Diosninchej kamachishan.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.