San Mateo 5:5 - Qheshwa Biblia DC

⁵ Kusikuyniyoj kanku llamp'u sonqoyojkunaqa, imaraykuchus paykuna jallp'ata chayaqenkupaj jap'enqanku.

DIOSPA QHELQACHISQAN DEUTEROCANONICAL

⁵ Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

DIOSPA QHELQACHISQ

⁵ Kusikuyniyojmin kanku llamp'u sonqoyojkunaqa, imaraykuchus Dios kay pachata chayaqeta jina paykunaman qonqa.

Quechua South Bolivia: Dios Parlapawanchej

⁵ ‘May cusiskas cancu llamp'u sonkowan Diosta casojcuna. Paycunaka cay pachapi Diospa niskanmanjina jap'enkancu.

San Mateo 5:5 Iomraidhean Croise

Salmos 147:6

Señorqa llamp'u sonqosta oqharin, sajra runastataj k'umuykachachin.

Salmos 149:4

Diosqa ayllumpi kusikuyta tarin, Wajchastataj atipaywan k'achanchan.

Salmos 22:26

Wajcha runas mikhonqanku sajsakunankukama, Señorta mask'ajkuna payta yupaychanqanku. Wiñaypajtaj kausaychej.

Salmos 25:13

Chay runaqa allin kaypi kusikonqa, wawasninkutaj jallp'ata chayaqenkupaj jap'enqanku.

Salmos 25:9

Llimphu sonqoyojkunata cheqan kayman jina pusan. Wajcha runasmantaj ñankunasninta rikuchin.

Salmos 37:11

Llamp'u sonqoyojkunaqa, jallp'asta chayaqepaj jap'enqanku, sonqo tiyasqastaj kakonqanku.

Salmos 37:22

Mayqenkunatachus Señor bendicin, chaykunaqa jallp'ata chayaqepaj jap'enqanku. Pikunachus maldicin chaykunaqa wijch'usqas kanqanku.

Salmos 37:29

Cheqan runastaj jallp'ata chayaqenkupaj jap'enqanku, chaypitaj wiñaypaj kausanqanku.

Salmos 37:34

Señorta kasukuy, paypi suyay; pay jatunyachisonqa, jallp'atataj chayaqeykipaj qosonqa. Ñawisniykiwan qhawanki sajra runasta wijch'usqankuta.

Salmos 37:9

Cheqamanta sajra runasqa jawaman wijch'usqas kanqanku. Señorpi suyajkunarí, kay jallp'ata chayaqepaj jap'enqanku.

Salmos 69:32

Kayta rikuspa llakisqa kajkuna kusikonqanku. Diosta mask'ajkunaj sonqontaj kusiywan qhallallarenqa.

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Isaías 29:19

Llamp'u sonqo kajkunaqa mayta kusikonqanku Señorpi, aswan wajcha kajkunapis Israelpa Santo nisqa Diosnimpi maytapuni kusikonqanku.

Isaías 60:21

Llajtaykipi runasqa tukuy imata cheqantapuni ruwanqanku; jallp'ata chayaqenkupaj wiñaypaj jap'ikonqanku, ajinamanta makisniywan ruwasqasniy ch'illchimojkuna noqata yupaychanawankupaj.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Sofonías 2:3

Qankuna kay pachapi pisi kapuyniyojkuna tukuyniykichej Señorta mask'aychej, jinallataj kamachisqasninta junt'ajkuna, cheqa kaj imasta ruwaychej k'umuykukuychejtaj. Ajinamanta ichapis waqaychasqas kankichej Señorpa phiñakuynin p'unchaynimpi.

Números 12:3

Moisesqa may llamp'u sonqoyoj karqa, kay mundopi tukuy runasmanta nisqaqa.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

Romanos 4:13

Diosqa mana leyraykuchu Abrahamman nerqa, mirayninmampis kay mundota chayaqepaj qonanta; astawanqa Diospi Abrahampa feninrayku.

Efesios 4:2

Tukuyman k'umuykuspa, llamp'u sonqo kaywan purajmanta paciencianakuspa munakuypi kausakuychej.

Colosenses 3:12

Diospa ajllasqasnin jina, llimphuchasqas munasqastaj p'achallikuychej ari. Jatun khuyakuywan, k'acha kaywan, llamp'u sonqo kaywan, pacienciawan ima.

1 Timoteo 6:11

Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Tito 3:2

Amataj pipajpis sajrata rimachunkuchu, nitaj phiñanakusta mask'achunkuchu; astawanqa llamp'u sonqos, munakuyniyoj kasqankuta rikuchichunku tukuy runasman.

Santiago 1:21

Ajinata ari, tukuy millay kajta, sajra kajkunatapis saqepuychej. Sonqoykichejpi tarpusqaña chay palabrata llamp'u sonqowan jap'ikuychej. Chaytaj almaykichejta salvayta atin.

Santiago 3:13

Qankunamanta mayqellampis yachayniyoj kanman chayqa, rikuchichun sumaj kausayninta, llamp'u sonqowan yachayninman jina.

1 Pedro 3:15

Astawanqa Cristo Señorta yupaychaychej sonqoykichejpi. Wakichisqapuni kaychej, suyayniykichejmanta yachayta munajkunaman, llamp'u sonqowan, mana phiñakuspa, maychus kajta kutichinaykichejpaj.