San Mateo 5:44 - Qheshwa Biblia DC

⁴⁴ Noqataj niykichej: Enemigosniykichejta munakuychej; [maldicisojkunaman allinta kutichiychej; chejnisojkunapaj allin kajta ruwapuychej; rimasojkunapaj,] qhatiykachasojkunapaj ima Diosmanta mañapuychej.

DIOSPA QHELQACHISQAN DEUTEROCANONICAL

⁴⁴ Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

DIOSPA QHELQACHISQ

⁴⁴ Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

Quechua South Bolivia: Dios Parlapawanchej

⁴⁴ Nokarí niyquichej munacunayquichej chejnisoj runasta. Sajrata kancunapaj parlajcunaman misq'i palabraswan parlapayariychej. Chejnisojcunaman allin cajta ruwapuychej. Misq'i parlaycunawan parlaychej sajra simiwan kancunapaj parlasojcunaman. Khasillamanta kancunata ñac'arichisojcunapaj sajrata ruwasojcunapajpis Diosmanta mañapuychej.

San Mateo 5:44 Iomraidhean Croise

2 Reyes 6:22

Eliseotaj kuticherqa: Ama wañuchiychu. Qanqa espadaykiwan, flechaykiwan ima presosta jap'iraspa wañuchiytachu yachanki? Chayrayku kunanqa paykunaman t'antata, yakutawan mikhunankupaj qoy; chantataj wiraqochisninkuman kachapuy.

Salmos 7:4

Allinta ruwawaj kausaqeyta sajra kajwan kutichinichu?

Proverbios 19:11

Runaj sumaj yuyaywan ruwasqanqa phiñakuyta thasnun, k'acha runaqa chejnikuyta mana kasuta ruwanchu.

San Lucas 23:34

Jesusqa nerqa: Tatáy, juchasninkuta pampachay; imaraykuchus mana yachankuchu imatachus ruwasqankuta, nispa.] Soldadostaj suertesta choqarqanku Jesuspa p'achasninta rak'inakunankupaj.

San Juan 13:34

Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

Hechos 16:28

Pablotaj sinch'ita qhaparerqa: Ama imanakuychu, tukuyniyku kaypi kakushayku, nispa.

Hechos 7:60

Qonqoriykukuspataj sinch'ita qhaparispa nerqa: Señor, ama paykunata juchachaychu kay ruwasqankumanta. Chayta niytawantaj puñukaporqa.

Romanos 12:14

Bendiciychej qhatiykachasojkunata. Diosmanta paykunapaj mañapuychej, amataj maldiciychejchu.

1 Tesalonicenses 5:15

Ama pipis sajrata ruwajman, sajrallatataj kutichichunchu; astawanqa, allin kajllatapuni qhatiychej, qankuna ukhupi, wajkuna ukhupipis.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

1 Samuel 24:17

Davidmantaj nerqa: Qanqa aswan cheqan runa kanki noqamanta nisqaqa, sajrata ruwasusqaymanta allin kajwan kutichishawanki.