San Mateo 5:3 - Qheshwa Biblia DC

³ Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

DIOSPA QHELQACHISQAN DEUTEROCANONICAL

³ Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

DIOSPA QHELQACHISQ

³ Kusikuyniyojmin kanku wajcha sonqoyoj kasqankuta reparakojkunaqa, imaraykuchus janaj pachamanta Diospa kamachiyninpi kanqanku.

Quechua South Bolivia: Dios Parlapawanchej

³ —May cusiskas cancu sonkoncupi Diosmanta pisiskas caskancuta khawacojcunaka. Imaraycuchus Dios paycunataka munacuywan camachin.

San Mateo 5:3 Iomraidhean Croise

2 Crónicas 33:12

Maypachachus llakiy ñak'ariypi kaspallaña Señor Diosninman qhaparikorqa, mayta k'umuykukuspa ñaupa tatasnimpa Diosninman.

2 Crónicas 33:19

Diosmanta mañakusqan, Dios payta uyarisqan, tukuy juchallisqasnin, Diosta qhesachasqan, lomas patapi lanti wasista jatarichisqasnin, jinataj maykunapichus churarqa Asera lantista, waj lantistawan, manaraj Diosman k'umuykushajtin, tukuy chaykunamantaqa profetaspa willaykunasninkupi qelqasqas kashanku.

2 Crónicas 33:23

Manataj Señorpa ñaupaqempeqa k'umuykukorqachu imaynatachus tatan Manasés k'umuykukorqa jinataqa, manachayqa aswan juchasta yapaykukorqa.

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Salmos 1:1

Kusikuyniyojmin runaqa sajra runaspa yuyaychasqankuta mana jap'ejqa, juchasapaspa ñanninkutapis mana qhatejqa, Diosmanta asikojkunawampis mana khuskachakojqa.

Salmos 112:1

Señorqa yupaychasqa kachun! Kusikuyniyojmin Señorta kasukoj runaqa, kamachisqasnintataj kasukojqa.

Salmos 128:1

Kusikuyniyojmin kanku tukuy runas Diosta kasojkunaqa, kamachisqasnintataj ruwajkunaqa.

Salmos 146:5

Kusikuyniyojmin Jacobpa Diosnimpa yanapasqanqa, pichus Señor Diosnimpi suyakojqa.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Salmos 34:18

Señorqa qayllallapi salvanampaj kashan, llakisqa sonqoyojkunata, umphuyasqa sonqoyojkunatawan.

Salmos 41:1

Kusikuyniyojmin mana kallpayoj wajchapi yuyajqa. Señor payta sajra tiempopi libranqa.

Salmos 51:17

Diosmanqa pesachikoj sonqota jaywana. Qanqa Diosníy, llakiymanta t'unasqa sonqota, mana qhesachankichu.

Salmos 84:12

Tukuy Atiyniyoj Señor, may kusisqas kanku qampi atienekojkunaqa.

Proverbios 16:19

Wajchaswan llamp'u sonqowan tukunaqa aswan allinmin, runaykachajkunawan qhapajyanamanta nisqaqa.

Proverbios 29:23

Machu machu kayqa runata mana allin kayman chayachin, llamp'u sonqoyojtaj allimpaj qhawasqa.

Proverbios 8:32

Kunanqa, wawasníy, uyariwaychej; noqa jina kaychej, chantaqa kusikunkichej.

Isaías 30:18

Chaywampis, Señorqa qankunaman khuyakuyninta rikuchinasuykichejpaj suyashasunkichej. Chayrayku, payqa mayta suyashasunkichej munakuyninta rikuchisunaykichejpaj. Señorqa cheqanta ruwajmin. Paypi atienekojqa kusikuyniyojmin.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Isaías 66:2

Makiy kay tukuy imastaqa ruwarqa. Chayrayku kay imasqa karqa, nispa Señorqa nin. Chanta nillantaj, pichus llamp'u sonqoyoj kanqa chayta noqaqa qhawasaj, mayqenchus k'acha sonqoyoj kaspa palabrasniytapis uyariwanqa chayta.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

San Mateo 11:6

Kusikuyniyojmin pichus noqapi mana misk'ajqa.

San Mateo 13:16

Qankunaqa kusiyniyoj kankichej, imaraykuchus ñawisniykichej rikun, ningrisniykichejpis uyarinku.

San Mateo 19:14

Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.

San Mateo 24:46

Kusisqa kanqa chay kamacheqa, mayqentachus patronnin chayamuspa ajinata ruwashajta taripajtenqa.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 3:2

Nerqataj: Diosman kutirikuychej, imaraykuchus janaj pacha reinoqa qayllapiña kashan.

San Mateo 8:11

Niykichej ari: Ashkha runakuna jamonqanku inti llojsimuynejmanta, inti yaykuynejmanta ima. Janaj pachapitaj Diospa reinompi mikhonqanku Abrahamwan, Isaacwan. Jacobwan ima.

Marcos 10:14

Chayta rikuspataj, Jesusqa phiñakorqa yachachisqasnimpaj, nerqataj: Saqeychej wawas noqaman jamojta, ama jark'aychejchu; imaraykuchus paykunajta Diospa reinonqa.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

San Lucas 18:14

Kunanqa niykichej, kay impuestero wasinman kutiporqa juchasninmanta pampachasqa, fariseotaj mana. Jatunchakojqa p'enqaypi rikhurenqa; k'umuykukojtajrí jatunchasqa kanqa.

San Lucas 22:29

Chaynejta qoykichej uj reinota, imaynatachus Tatay qowarqa ajinata; reinoypi mesapi mikhunaykichejpaj, ujyanaykichejpaj ima. Ajinallatataj tronospi tiyaykunkichej Israelpa chunka iskayniyoj ayllusninta juzganaykichejpaj.

San Lucas 4:18

Señorpa Espíritun noqapi kashan; jawiwaspa ajllawarqa sumaj willanasta wajchasman willanaypaj; kachamuwarqataj willajta presos kacharisqas kanankupaj, ciegos qhawarinankupaj, ñak'arejkunataj samachisqas kanankupaj; Señorpa allin watantapis willanaypaj.

San Juan 20:29

Jesús payman nerqa: Tomás, rikuwasqaykirayku creenki; kusikuyniyoj kanku mana rikuwaspa creejkunaqa.

Deuteronomio 8:2

Yuyarikuychej ima ñantachus Señor Diosniykichej pusamusorqachej ch'in pampanta chayta, tawa chunka watata chay purisqaykichejpi qankunata llakichispa, pruebaman churaspataj. Ajinamanta chay imanejta imatachus yuyasqaykichejta yachanampaj, kamachiykunasnintapis ruwankichej manachus chayta.

Santiago 1:10

Qhapajrí kusikuchin k'umuykukuynimpi; imaraykuchus qhapajqa qhora t'ika jina t'akakaponqa.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Apocalipsis 19:9

Angeltaj niwarqa: Escribiy: Kusikuyniyojmin kanku Corderoj casamiento mikhuyninman wajyasqa kajkunaqa. Nillarqataj: Kaykunaqa Diospa cheqa palabrasnin kanku.

Apocalipsis 22:14

Kusikuyniyojmin kanku p'achasninkuta t'ajsajkunaqa. Paykunaqa kausay sach'amanta jap'inankupuni tiyan kausayta, punkusnejtataj llajtaman yaykonqanku.

Apocalipsis 3:17

Qanqa nishanki: Qhapaj kani, allin riwarqa, manataj imapipis pisisqachu kani. Qanqa mana reparakunkichu, khuyana, mana imayoj, wajcha, mana rikoj, q'alallataj kasqaykita.