San Mateo 5:10 - Qheshwa Biblia DC

¹⁰ Kusikuyniyoj kanku cheqan kausayrayku ñak'arejkunaqa imaraykuchus janaj pacha reinoqa paykunajta kanqa.

DIOSPA QHELQACHISQAN DEUTEROCANONICAL

¹⁰ Kusikuyniyojmin kanku pikunachus cheqan kajta ruwasqankurayku, qhatiykachasqa kajkunaqa, imaraykuchus janaj pachamanta Diospa kamachiyninman yaykonqanku.

DIOSPA QHELQACHISQ

¹⁰ Kusikuyniyojmin kanku pikunachus cheqan kajta ruwasqankurayku, qhatiykachasqa kajkunaqa, imaraykuchus janaj pachamanta Diospa kamachiyninman yaykonqanku.

Quechua South Bolivia: Dios Parlapawanchej

¹⁰ ‘May cusiskas cancu Diospa ñaupakenpi chekanta causaskancuraycu muchojcunaka. Dios camachishajtin, paywan cusca cankancu.

San Mateo 5:10 Iomraidhean Croise

Salmos 37:12

Juchasapaqa cheqan runaj contranta, sajra imasta wakichin, chejnikuywantaj kiru k'arukuyta leqhopayan.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

San Mateo 10:23

Mayqen llajtallapipis chejnisunkichejman chayqa, waj llajtamanñataj ayqeychej. Cheqamanta niykichej ari, manaraj tukuy israelitaspa llajtasnimpi willayta tukushajtiykichej, ñapis Runaj Churenqa jamonqaña.

San Mateo 19:14

Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 5:3

Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

Marcos 10:14

Chayta rikuspataj, Jesusqa phiñakorqa yachachisqasnimpaj, nerqataj: Saqeychej wawas noqaman jamojta, ama jark'aychejchu; imaraykuchus paykunajta Diospa reinonqa.

San Lucas 21:12

Kay tukuy imaspa ñaupaqentataj, qankunata jap'isonqachej, qhatiykachasonqachejtaj. Chantá pusasonqachej sinagogasman; carcelmantaj wisq'asonqachej; chaymantataj reyesman, kamachejkunaman ima pusasqas kankichej noqaj sutiyrayku.

San Lucas 22:29

Chaynejta qoykichej uj reinota, imaynatachus Tatay qowarqa ajinata; reinoypi mesapi mikhunaykichejpaj, ujyanaykichejpaj ima. Ajinallatataj tronospi tiyaykunkichej Israelpa chunka iskayniyoj ayllusninta juzganaykichejpaj.

San Lucas 6:20

Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

San Juan 15:20

Yuyarikuychej palabrata qankunaman nisqayta: Kamacheqa patronninmanta mana aswan kurajchu. Noqatachus qhatiykachawarqanku chayqa, qankunatapis qhatiykachasonqachej. Palabraytachus waqaychanqanku chayrí, qankunajtapis waqaychallanqankutaj.

Hechos 5:40

Tukuyninkutaj Gamalielta kasorqanku. Apostolesta wajyaspataj jasut'icherqanku. Kamacherqankutaj ama Jesuspa sutimpi parlanankuta. Chaymantataj kachariporqanku.

Hechos 8:1

Saulotaj qhawallarqa Estebanta wañuchinankuta. Chay p'unchaykunapi Jerusalén iglesiaj contranta oqharikorqanku ñak'arichinankupaj. Tukuynin creejkunataj tukuynejman ch'eqerakorqanku Judeaman, Samariaman ima. Apostolesllaña qhepakorqanku Jerusalempi.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Filipenses 1:28

Sajra runas churanakojtinku ama manchariychejchu. Chayqa señal jina paykuna chinkayman rishasqankumanta. Qankunapajtaj uj señal jinallataj kanqa salvasqas kasqaykichejmanta. Chaytaj Diosmanta jamun.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Santiago 1:12

Kusikuyniyojmin tentacionta atipaj runaqa; imaraykuchus chay tentacionta atipasqanman jina jap'inan tiyan wiñay kausay pilluta, mayqentachus Dios nerqa qonanta payta munakojkunaman.

Santiago 5:11

Pacienciakuspa ñak'arejkunataqa, kusikuyniyoj kasqankuta ninchej. Qankuna uyarerqankichej Jobpa paciencianta llakiykunapi imaynatachus Señor paymanta khuyakusqanta.

1 Juan 3:12

Mana Caín jinachu kananchej; payqa supaypata kaspa, wauqenta wañucherqa. Imaraykutaj payta wañucherqari? Caimpa ruwasqasnin sajras karqanku, wauqempatataj allin karqanku.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.