San Mateo 4:8 - Qheshwa Biblia DC

⁸ Ujtawan supay pusarqa Jesusta jatun orqo pataman. Chaymantataj tukuy mundontimpi kaj llajtasta rikucherqa, paykunaj qhapaj kapuyninkutawan.

DIOSPA QHELQACHISQAN DEUTEROCANONICAL

⁸ Chantá Kuraj Supayqa jatun orqo patamanñataj Jesusta pusaspa, uj ñawi ch'irmiypi kay pachapi tukuy suyukunata, qhapaj kapuyninkutawan ima rikucherqa.

DIOSPA QHELQACHISQ

⁸ Chantá Kuraj Supayqa jatun orqo patamanñataj Jesusta pusaspa, uj ñawi ch'irmiypi kay pachapi tukuy suyukunata, qhapaj kapuyninkutawan ima rikucherqa.

Quechua South Bolivia: Dios Parlapawanchej

⁸ Uj cutitawan supayka Jesusta pusallarkataj. Cunanpeka may jatun orko patamanña chayacherka. Jesusmantaj tucuy cay pachapi caj camachiska jallp'asta, khapaj capuynincutawan ricucherka.

San Mateo 4:8 Iomraidhean Croise

Ester (hebreo) 1:4

Paykunataqa tantacherqa kamachiynimpa qhapaj kayninta, may jatun kayninta, atiynimpa lliphipiynintawan rikuchinampaj. Chay fiestaqa pachaj pusaj chunkayoj p'unchaykunata karqa.

Ester (hebreo) 5:11

Chaypitaj Amanqa parlarqa may qhapaj kasqanmanta, ashkha wawasniyoj kasqanmantawan, imawanchus reyqa payta jatunyachisqanmantawan. Imaynatachus payta sumajpaj qhawaspa, kamachejkunaj kurajkunasninmanta sayachisqanmanta, jinallataj reypa kamachisninmantapis aswan pataman churasqanmantapis.

Números 23:3

Chaymantataj Balaamqa Balacman nerqa: Qanqa kayllapi qhepakuy chay jaywanapaj wañuchisqa uywaswan khuska. Noqataj chaykama Señorta tapurimusaj, ichapis imatata niwanqa. Jamuspataj willasqayki imatachus niwanqa chayta. Chaymanta Balaamqa uj ch'in lomaman wicharerqa.

San Mateo 16:26

Ima allintaj runapaj kanman, sichus mundontinta gananman, kausaynintataj chinkachinman chayqa? Chayrí, imatataj runa qonman almanrayku?

San Mateo 4:5

Chaymanta, supayqa Jerusalén llajtamanñataj Jesusta pusarqa, temploj torrempitaj rikhuricherqa.

San Juan 5:20

Dios Tataqa Churita munakun, chayrayku imatachus ruwan chay tukuyta Churiman rikuchin. Aswan jatun ruwanastaraj rikuchenqa, qankunataj chayta rikuspa t'ukunkichej.

1 Pedro 1:24

Escrituraqa nin: Runaqa qhora jina; tukuy sumaj kausaynintaj qhora t'ika jina. Qhoraqa ch'akipun, t'ikataj t'akakun.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.