San Mateo 4:23 - Qheshwa Biblia DC

²³ Jesús muyumorqa tukuynin Galileata; yachachispa sinagogasninkupi, predicaspa reinoj evangelionta. Llajtapitaj runasta thañichej, tukuy laya onqoykunamanta, nanaykunamantawan.

DIOSPA QHELQACHISQAN DEUTEROCANONICAL

²³ Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

DIOSPA QHELQACHISQ

²³ Jesús tukuynin Galilea jap'iyta muyumorqa, sapa llajtapitaj tantakunanku wasikunapi Diosmanta sumaj willayta willararqa. Jinallataj chay llajtakunapi tiyakojkunata tukuy imaymana onqoykunamanta, nanaykunamantawan qhaliyacherqa.

Quechua South Bolivia: Dios Parlapawanchej

²³ Jesús tucuy Galilea jallp'ata purispa tantacuna-wasisnincupi yachachisharka. Sumaj willanastataj willarasharka Diospa ajllaskan chaypiña caskanta camachinanpaj. Astawanpis runas uqhupi tucuy laya onkoycunata thañichisharka.

San Mateo 4:23 Iomraidhean Croise

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

Salmos 74:8

Tukuchinawanchejkama pampachayta munawanchej, llajtantinmantataj ruphachinku, tantakunanchej wasista.

San Mateo 11:5

Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun.

San Mateo 12:9

Chaymanta llojsispataj Jesusqa sinagogankuman rerqa.

San Mateo 13:19

Pichus janaj pacha reinomanta palabrata uyarishaspa mana yuyaynimpi jap'inchu chayqa, supay jamuytawan sonqompi imachus tarpusqa kajta qhechun. Paykunaqa kanku ñan patapi muju t'akasqa jina.

San Mateo 13:54

Nazaret llajtaman chayaspataj, sinagogasninkupi yachachisharqa. Paykunataj t'ukuspa nerqanku: Maymantataj kay yachaynin tiyapunri? Imaynamantataj kay milagrostapis ruwanri?

San Mateo 14:14

Jesusqa botemanta llojsishaspa ashkha runata rikorqa. Paykunata khuyaspataj, onqosqasninkuta thañicherqa.

San Mateo 24:14

Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.

San Mateo 3:2

Nerqataj: Diosman kutirikuychej, imaraykuchus janaj pacha reinoqa qayllapiña kashan.

San Mateo 9:35

Ajinata Jesusqa muyuynin llajtasta, ranchosta ima purerqa, yachachispa sinagogasninkupi, predicaspataj reinoj evangelionta; tukuy onqoykunamanta nanaykunamantawan thañichispa.

Marcos 1:14

Chay qhepata, Juanta carcelman wisq'achisqankumantaña, Jesús rerqa Galileaman, willaspa Diospa evangelionmanta, nispa: Tiempo junt'akapunña, Diospa reinontaj kayllapiña kashan. Juchasniykichejta saqerpayaspa Diosman kutiriychej, evangeliopitaj creeychej.

Marcos 1:21

Chaymantá, Capernaum llajtaman chayarqanku; samakuna diapitaj sinagogaman yaykuspa, Jesusqa yachacherqa.

Marcos 1:39

Ajinata Jesús purerqa, tukuy Galileata, sinagogasninkupi evangeliota willaspa; supaykunatapis runasmanta qharqospa.

Marcos 3:10

Ashkha runataña Jesús thañicherqa. Chayraykutaj tukuy onqosqas ñit'imusharqanku, Jesusman qayllaykuspa, imaynallamantapis llujchiykunankupaj.

Marcos 6:2

Samakuna día chayamojtintaj, sinagogapi yachachiyta qallarerqa. Ashkha runa Jesuspa yachachisqanta uyarispa, t'ukuspataj nisharqanku: Kay runarí, maypitaj kay tukuy imata yachamorqa? Imaynamantataj kay yachayta jap'erqa? Imaynamantataj kay milagrostapis ruwanri?

Marcos 6:6

Jesustaj mayta t'ukorqa mana creesqankumanta; rerqataj chay muyuynintimpi llajtasman yachachispa evangeliota.

San Lucas 10:9

Chaypi onqosqas kajkunata thañichiychej, niychejtaj: Qankunaman Diospa reinon qayllamunña, nispa.

San Lucas 13:10

Uj sinagogapi Jesús yachachisharqa samakuna p'unchaypi.

San Lucas 16:16

Leywan profetaswanqa Juan Bautistakama karqanku. Chaymantapacha willakun Diospa reinonmanta; tukuytaj chayman kallpakuspa yaykuyta munanku.

San Lucas 20:1

Uj p'unchay Jesús templopi yachachisharqa runasman, evangeliomanta willaspa. Jinallapi chayamorqanku jatun sacerdotes, leymanta yachachejkuna, kurajkunawan ima.

San Lucas 4:14

Jesús kuterqa Galileaman, Santo Espíritoj atiynintaj paypi karqa; chaynejta muyuynintimpi payllamanta parlaj kanku.

San Lucas 5:17

Uj kuti, Jesús yachachinankama, wakin fariseos leymanta yachachejkunawan chaypi tiyasharqanku. Paykunaqa jamusqanku tukuynin Galilea ranchosmanta, Judeamanta, Jerusalenmanta ima. Señorpa atiynintaj Jesuswan karqa onqosqasta thañichinampaj.

San Lucas 6:17

Jesusqa paykunawan orqomanta uraykamuspa qhepakorqa uj pampapi. Chaypi payta suyasharqanku ashkha yachachisqasnin; ashkha runastaj tukuy Judeamanta, Jerusalén llajtamanta, qocha cantopi Tiro Sidón llajtasmanta ima.

San Lucas 6:6

Waj samakuna p'unchaypi, sinagogaman yaykuspa Jesús yachachisharqa. chaypitaj kasharqa uj runa paña makin ch'akisqa.

San Lucas 7:21

Chay kikimpacha ashkha runasta thañicherqa nanaykunasninkumanta, onqoykunasninkumantapis. supayniyojkunatapis thañichillarqataj. Chanta ashkha ciegostapis qhawaricherqa.

San Lucas 7:22

Juampa kachasninman kutichispataj nerqa: Kutipuychej, Juanman willamuychej imastachus rikusqaykichejta, uyarisqaykichejta ima: Ciegos rikunku, suchus puririnku, leprayojkuna llimphuchasqas kanku, joq'aras uyarinku, wañusqas kausarimunku, wajchasmampis evangelio willakun.

San Lucas 8:1

Chaymanta, Jesús rerqa tukuy llajtasman, ranchosman ima, predicaspa, willaspataj Diospa reinompa evangelionta. Chunka iskayniyoj yachachisqasnintaj wakin warmiswan ima paywan khuska karqanku. Chay warmisqa sajra espiritusmanta, onqoykunamanta ima thañichisqas karqanku: María Magdalena, pimantachus qanchis sajra espíritus llojserqanku; Juana, Cuzaj warmin. Chay Cuzaqa Herodespa mayordomon karqa. Chanta Susana, ashkha warmis ima pikunachus kapuyninkuwan Jesusta yanapaj kanku.

San Lucas 9:11

Runakunarí qhaterqanku chayta yachaspa; paykunamantaj Diospa reinonmanta parlarqa. Onqosqastataj thañicherqa.

San Lucas 9:60

Jesustaj payman nerqa: Saqey wañusqas wañusqasninkuta p'ampajta; qantaj rispa Diospa reinonmanta willamuy.

San Juan 18:20

Jesustaj payman kuticherqa: Tukuypa rikunanta mundopi parlarqani. Yachacherqanitaj sinagogapi, templopi ima, maypichus judíos tantakunku chaypi; manataj imatapis pakaypi parlarqanichu.

San Juan 6:59

Kay imasta Jesús nerqa Capernaum sinagogapi yachachispa.

San Juan 7:1

Chay imas qhepata Galileapi Jesús purisharqa, manataj Judeapi puriyta munarqañachu; imaraykuchus judíos payta wañuchiyta munasharqanku.

Hechos 10:38

Yachankichej, Nazaret llajtayoj Jesusman imaynatachus Dios qosqanta Santo Espirituta, atiytawan. Jesustaj tukuynejta purerqa allinta ruwaspa, thañichispataj sajraj atiynimpi tukuy ñak'arejkunata, Dios paywan kasqanrayku.

Hechos 18:4

Sapa samakuna p'unchaypitaj Pabloqa, judiosman, griegosman ima evangeliota yachachej unanchachiyta munaspa.

Hechos 20:25

Tukuyniykichejman Diospa reinonmanta willaspa purerqani. Kunanqa manaña uyayta rikunkichejchu.

Hechos 28:31

Paytaj mana manchachikuspa, Diospa reinonmanta yachacherqa, Señor Jesucristomantawan, nitaj pipis paytaqa jark'arqachu.

Romanos 10:15

Imaynatataj willanqanku mana kachasqas kaspari? Escribisqapi nishan: May k'achapuni sonqo tiyakuyta allin imastataj willajkunaj chakisninkoqa!