San Mateo 3:2 - Qheshwa Biblia DC

² Nerqataj: Diosman kutirikuychej, imaraykuchus janaj pacha reinoqa qayllapiña kashan.

DIOSPA QHELQACHISQAN DEUTEROCANONICAL

² Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

DIOSPA QHELQACHISQ

² Paytaj nerqa: Diosman kutirikuychej, imaraykuchus janaj pachamanta Dios kay pachapi kamachinanpaj wakichisqaña kashan, nispa.

Quechua South Bolivia: Dios Parlapawanchej

² Nerkataj: —Diospa ajllaskan camachinanpaj chayamunña. Chayraycu juchasniyquichejta sakespa payman cutiriychej, —nispa.

San Mateo 3:2 Iomraidhean Croise

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

Job 39:12

Creenkichu cosechasniykita oqharipusunanta, granostataj eraman tantapusunanta?

Job 42:6

Chayrayku kunanqa noqa kikiyta chejnikuni, qanmantaj kutirimuyki kay qhelli jallp'api, ushpha patapitaj.

Ezequiel 33:11

Paykunaman niy: Noqa Señorqa kausayniyrayku jurani: Mana munanichu juchasapa runa wañunanta, astawanqa munani sajra puriyninmanta kutirimuspa kausananta. Israel runakuna, sajra puriyniykichejmanta kutirimpuychej, kutirimpuychej, imaraykutaj wañuwajchejri?, nispa.

Daniel (hebreo) 2:44

Chay reykuna kamachishajtinkutaj, janaj pachapi kaj Dios uj reinota sayarichenqa, chaytaj mana jayk'ajpis t'unasqachu kanqa manataj mayqen reinopis payta atipanqachu. Tukuynin waj reinosta tukuchenqa, chay atipaj reinotajrí wiñaypaj sayanqa.

San Mateo 10:7

Rispataj willaramuychej, Diospa janaj pacha reinon qayllamunña, nispa.

San Mateo 11:20

Chaypacha Jesús, k'amiyta qallarerqa, maypichus aswan milagrosta ruwarqa chaykunata. Runakuna manapuni juchasninkumanta Diosman kutirikorqankuchu.

San Mateo 12:41

Nínive llajtayojkuna juiciopi jatarimonqanku; kunan p'unchay runastataj juchachanqanku. Ninivemanta kajkunaqa, Jonás predicajtinkama Diosman kutirikorqanku. Kaypitaj kashan Jonasmanta aswan kuraj.

San Mateo 13:11

Paytaj kutichispa nerqa: Qankunaman janaj pacha reinoj pakasqa imasninmanta yachayta qosunkichej, manataj paykunamanqa.

San Mateo 13:24

Waj rijch'anachinawan Jesús yachachin, nispa: Janaj pacha Diospa reinonqa rijch'akun sumaj mujuta jallp'ampi tarpoj runaman.

San Mateo 13:31

Jesusqa, waj rijch'anachina yachachiyta paykunaman willarqa: Janaj pacha Diospa reinonqa rijch'akun uj mostaza mujuman, mayqentachus uj runa jallp'ampi tarporqa, chayman.

San Mateo 13:33

Waj rijch'anachina yachachiytañataj paykunaman nerqa: Janaj pacha reinoqa, levaduraman rijch'akun; imaynatachus uj warmi, levadurata kinsa tupu jak'uman chajrun, tukuynin masata poqochinampaj, chayman.

San Mateo 13:47

Janaj pacha reinoqa rijch'akullantaj, uj challwa jap'ina ch'ipaman, qochaman wijch'uykusqa, tukuy laya challwasta jap'ejman.

San Mateo 13:52

Jesustaj paykunaman nillarqataj: Chayrayku, pi leymanta yachachejpis, janaj pacha reinomanta yachajqa, rijch'akun uj familiayoj runaman, pichus waqaychananmanta orqhomun mosojkunata, mauk'asta ima.

San Mateo 18:23

Chayrayku janaj pacha reinoqa rijch'akun, uj rey kamachisninmanta cuentata mañajman.

San Mateo 20:1

Janaj pacha reinoqa rijch'akun uj jallp'asniyoj runaman, pichus tutamanta llank'ajkunata mink'aj llojserqa uvas chajrampaj.

San Mateo 23:13

Ay qankunamanta leymanta yachachejkuna, fariseos puraj uyas! Qankunaqa, janaj pacha reinota wisq'ankichej runakunamanta; manataj qankuna yaykunkichejchu, nitaj yaykuyta munajkunatapis saqenkichejchu yaykunankuta. [

San Mateo 25:1

Chantá, janaj pacha reinoqa rijch'akun chunka sipaskunaman; paykunaqa k'anchanasninkuta oqharikuspa casarakojta taripaj rerqanku.

San Mateo 25:14

Janaj pacha reinoqa rijch'akun uj runa karuman puririshaspa, kamachisninman kapuyninta saqejman.

San Mateo 4:17

Chaymantapacha, Jesús qallarerqa predicayta: Diosman kutirikuychej, imaraykuchus janaj pacha reinoqa qayllaykamunña.

San Mateo 4:23

Jesús muyumorqa tukuynin Galileata; yachachispa sinagogasninkupi, predicaspa reinoj evangelionta. Llajtapitaj runasta thañichej, tukuy laya onqoykunamanta, nanaykunamantawan.

San Mateo 5:10

Kusikuyniyoj kanku cheqan kausayrayku ñak'arejkunaqa imaraykuchus janaj pacha reinoqa paykunajta kanqa.

San Mateo 5:3

Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

San Mateo 6:10

Reinoyki jamuchun, munayniyki ruwasqa kachun; imaynatachus janaj pachapi, ajinallatataj kay pachapipis.

San Mateo 6:33

Ñaupajtaqa Diospa reinonta, cheqa kaynintawan mask'aychej; kay tukuy imatataj yapata jina Dios qosonqachej.

Marcos 1:4

Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj.

Marcos 6:12

Chaymantataj rerqanku runasman willaraspa: Sajra kausayniykichejta saqespa, Diosman kutirikuychej, nispa.

San Lucas 1:16

Ashkha israelitasta kutirichenqa Señor Diosninkuman.

San Lucas 11:20

Sichus diospa atiyninwan, noqa supaykunata qharqoni chayqa, cheqamanta niykichej, Diospa reinonqa chayamunña qankunaman.

San Lucas 13:3

Niykichej mana jinachu kasqanta; manachus qankuna Diosman kutirinkichej chayqa, qankunapis tukukullankichejtaj.

San Lucas 13:5

Nillaykichejtaj mana jinachu kasqanta; manachus Diosman kutirinkichej chayqa, ajinallatataj qankunapis tukukunkichej.

San Lucas 15:10

Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.

San Lucas 15:7

Kayta niykichej yachanaykichejpaj; ajinallataj aswan kusiy kanqa janaj pachapi uj juchasapa runa Diosman kutiripojtin, chay isq'on chunka isq'onniyoj mana juchayojkunamanta nisqaqa. Paykunaqa Diosman mana kutirinankuñachu tiyan.

San Lucas 16:30

Chantá pay nerqa;: Mana jinachu tata Abraham. Ichapis wañusqasmanta uj rejtenqa, wauqesniy juchasninkuta saqespa Diosman kutirikonqanku.

San Lucas 21:31

Jinallatataj qankunapis, kay tukuy imasta rikuspa, yachaychej Diospa reinon qayllapiña kasqanta.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

San Lucas 6:20

Chantá Jesús yachachisqasninta qhawarispa nerqa: Kusikuyniyoj kankichej qankuna wajchas, imaraykuchus qankunajtamin janaj pacha Diospa reinonqa.

San Lucas 9:2

Chantá kacharqa Diospa reinonmanta predicajta, onqosqastataj thañichejta.

Hechos 11:18

Chayta uyarispataj hermanosqa ch'inyakaporqanku. Diostataj yupaycharqanku, nispa: Kayman jina, gentilespis juchata saqejtinkoqa Dios wiñay kausayta qollanqantaj.

Hechos 17:30

Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta.

Hechos 2:38

Pedrotaj paykunaman nerqa: Diosman kutiriychej sapa ujniykichej; bautizachikuychejtaj Jesuspa sutimpi, juchasniykichej pampachasqas kanampaj. Diostaj Santo Espirituta qhasilla qosonqachej.

Hechos 20:21

Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

Hechos 26:20

Damascopiraj willayta qallarerqani, chaymantá Jerusalempi, qhepantataj tukuy Judeapi; chaymantarí gentiles ukhupi ima, paykuna sajra kausayta saqespa Diosman kutirikunankuta; sumaj ruwanasta ruwaspa rikuchinankupaj Diosman kutirisqankuta.

Hechos 3:19

Chayrayku sajra kausayta saqespa Diosman kutiriychej, juchasniykichej pampachasqas kanankupaj, Diosmantapacha samakuy p'unchaykuna jamunankupaj; Cristota kachamunampaj, pimantachus qankunaman willasqaña karqa.

2 Corintios 7:10

Diospa munasqanman jina llakikoyqa, juchamanta Diosman kutirispa salvakunapaj. Chaymantaqa, mana llakikunachu, astawanqa kay mundoj llakiynin wañuyta apamun.

Colosenses 1:13

Dios, laqhaj atiyninmanta orqhospa, munasqa Churimpa reinonman pusawarqanchej.

2 Timoteo 2:25

Llamp'u sonqowan k'amichun contrampi sayaykukojkunatapis. Ichapis chay jinamanta Diosman kutirikunkuman, cheqan kajta rejsinankupaj.

Hebreos 6:1

Chayrayku, Cristomanta qallariy yachachiykunata saqespa ñaupajman rina, aswan allin kajta tarinakama. Amaña parlanachu chay ñaupa juchamanta, Diosman kutirina kasqanmanta, wañusqa ruwasqasmanta, qallariypi jina, Diospi creenamanta ima; bautismospa yachachiyninmanta, makista churaykunamanta, wañusqakunaj kausarimuyninkumanta, chay wiñaypaj juicio p'unchaymantawan.

2 Pedro 3:9

Señorqa jamusaj nisqanta mana qonqashanchu, imaynatachus wakin yuyanku Cristo qonqapusqanta. Manachayqa, Dios pacienciakun tukuy qankunapaj, khuyakuyninwan mana pitapis juchanrayku chinkananta munaspa, astawanqa tukuy runa Diosman kutirinanta munan.

Apocalipsis 2:21

Unayta suyarqani juchamanta Diosman kutirikunanta; manataj payqa munanchu chay qhenchachakuy juchamanta kutirikuyta.

Apocalipsis 2:5

Chayrayku yuyarikuy maymantachus urmasqaykita. Juchamanta ithirikuy, ñaupaj ruwaykunata ruway; manachayrí, usqhayta qanman jamusaj, k'anchachinaykitataj maypichus kananmanta qhechusaj, manachus juchamanta Diosman kutirikunki chayqa.