San Mateo 3:11 - Qheshwa Biblia DC

¹¹ Noqaqa cheqamanta bautizaykichej yakuwan, Diosman kutirinaykichejpaj; qhepayta jamojqa noqamanta aswan atiyniyoj; chayrayku, mana atej jinachu kani ujut'allantapis apanaypaj. Paytaj bautizasonqachej Santo Espirituwan, ninawan ima.

DIOSPA QHELQACHISQAN DEUTEROCANONICAL

¹¹ Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

DIOSPA QHELQACHISQ

¹¹ Noqaqa yakuwan bautizaykichej, Diosman kutirikusqaykichejmanta yachayta qospa. Qhepayta jamojrí noqamanta aswan atiyniyoj, noqataj mana paypa wata runan kanaypaj jinallapischu kani. Payqa Santo Espirituwan, ninawan ima bautizasonqachej.

Quechua South Bolivia: Dios Parlapawanchej

¹¹ Chekatapuni noka yacupi bautizayquichej Diosman cutiriskayquichejta ricuchinapaj. Khepaytarí Diospa ajllaskan Cristo jamonka. Payka aswan curaj atiyniyoj nokamanta niskaka. Mana paypajka [camachinpajjinallapischu cani runalla caskayraycu.] Paymin kancunata bautizaspa Santo Espirituta sonkoyquichejman cachamusonkachej Diosllapaj causanayquichejpaj. Ninawantaj bautizasonkachej.

San Mateo 3:11 Iomraidhean Croise

Isaías 4:4

Chayqa kanqa maypachachus Señor Siompi kaj warmispa ch'ichi kayninkuta mayllajtin, jinallataj Jerusalempi yawar jich'asqankuta pichajtin, Señor tukuy atiyninwan cheqanchajtin, jasut'ejtintaj.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

San Mateo 3:6

Juantaj juchasninkuta willakojtinku, Jordán mayupi bautizaj.

Marcos 1:4

Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj.

San Lucas 1:17

Señorpa ñaupaqempi purenqa, profeta Eliaspa espiritunwan, atiywan ima; tatasta wawasninkuwan allinyachispa, mana kasukojkuna kasukuyta yachanankupaj. Ajinata, runasta allinta wakichenqa Señorta recibinankupaj.

San Lucas 3:16

Juantaj kuticherqa tukuyman: Noqaqa cheqamanta yakuwan bautizaykichej. Qhepaytataj waj jamushan, Santo Espirituwan bautizaj, ninawantaj. Payqa noqamanta aswan atiyniyoj; chayrayku, ujut'asnimpa watusnillantapis mana phaskayta atiymanchu.

San Lucas 3:3

Tukuy Jordán mayu muyuynintimpitaj Juanqa predicarqa Diosman kutirina bautismomanta, juchas pampachasqa kanampaj, profeta Isaiaspa librompi escribisqaman jina: Uj runaj qhaparisqan ch'innejpi uyarikun: Señorpa ñanninta wakichiychej, purinasnintataj cheqanyachiychej.

San Juan 1:15

Paymanta Juanqa qhaparispa willarqa: Kaymá chay qhepayta jamojqa. Payqa noqamanta ñaupajmin. Manaraj nacishajtiy karqañapuni.

San Juan 1:30

Paymanta noqaqa nerqani, payqa noqamanta ñaupaj, imaraykuchus manaraj nacishajtiy karqañapuni.

Hechos 19:4

Chaymantataj Pablo nerqa: Juanqa bautizarqa juchamanta kutirikuy bautismowan. Chay runasmantaj yachacherqa paypa qhepanta jamoj Jesuspi creenankuta.

Hechos 8:36

Ñanta rishaspataj chayarqanku maypichus yaku karqa chayman. Eunucotaj Felipeman nerqa: Qhawariy kaypi yaku kasqa, atikunmanchu noqa bautizachikunayqa? [

Hechos 8:38

Felipetaj kamacherqa carronta sayachinanta. Iskayninkutaj uraykuspa yakuman yaykorqanku, Felipetaj payta bautizarqa.

1 Corintios 12:13

Uj Espiritullapi tukuy bautizasqas karqanchejqa, uj cuerpolla kananchejpaj, judíos, griegos, wata kamachis, libre kajkuna ima. Tukuyninchejtaj uj Espiritullamanta ujyarqanchej.

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

1 Pedro 5:5

Jinallatataj waynas, kurajkunata kasuychej. Purajmanta kasunakuspa llamp'u sonqos kaychej. Diosqa jatunchakojkunata qhesachan, k'umuykukojkunatataj yanapan.