San Mateo 3:10 - Qheshwa Biblia DC

¹⁰ Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

DIOSPA QHELQACHISQAN DEUTEROCANONICAL

¹⁰ Jachaqa ñapis wakichisqaña kashan sach'akunata saphinmanta k'utunanpaj. Chayrayku mana allinta poqoj tukuy sach'akunaqa k'utusqa kanqanku, ninamantaj enqhaykusqa.

DIOSPA QHELQACHISQ

¹⁰ Jachaqa ñapis wakichisqaña kashan sach'akunata saphinmanta k'utunanpaj. Chayrayku mana allinta poqoj tukuy sach'akunaqa k'utusqa kanqanku, ninamantaj enqhaykusqa.

Quechua South Bolivia: Dios Parlapawanchej

¹⁰ Hachaka waquichiskaña cashan sach'a saphinmanta c'utunanpaj. Sapa sach'a mana allin pokojtaka runas c'utuspa ninaman wijch'uncu.

San Mateo 3:10 Iomraidhean Croise

2 Samuel 23:7

Jap'iykunankupajqa, fierrowan, chayri lanzawan jap'inanku tiyan ninamantaj wijch'uykunku tukuyninta q'olanankama.

Salmos 1:3

Chay runaqa mayu cantopi kaj sach'a jina, tiempompi poqoj, laqhesnenqa q'omerllapuni, manataj q'elluyanchu. Tukuy ima ruwasqanqa allinman rin.

Salmos 140:10

Paykunaj patankuman nina brasas chayachun, mana llojsimuy atina t'oqoman urmaykuchunku, chaymantataj ni jayk'aj llojsimuyta atenqankuchu.

Salmos 92:12

Cheqan runasqa palma jina t'ikanqanku, Líbano cedro sach'as jinataj wiñanqanku.

Isaías 27:11

Sach'aj ramasnin ch'akipojtin p'akiranqanku; warmistaj pallaytawan ninaman enqhanqanku. Chay runasqa mana imata yachankuchu. Chayrayku, paykunata Ruwajqa mana paykunamanta khuyakonqachu, manataj sonqontapis nanachikonqachu ruwajnin jina.

Isaías 61:3

Chantá Siompi llakisqa kajkunata kamachinaykupaj, ushphawan pejtusqa kanankutaqa pilluta qosaj Señorta yupaychanankupaj, llakiy p'achawan kanankutaqa, kusiywan p'achallisqa kanankuta; kusisqaslla kanankuta, llakisqas kanankumantaqa. Paykunaqa cheqanchaj sach'as sutichasqas kanqanku. Diospa plantasqasnin, kusikunampaj, nisqas.

Jeremías 17:8

Chayqa mayu patapi sach'a jina kanqa, mayunnejman saphej, chayqa mana manchachikonqachu q'oñi tiempo jamojtin. Chay sach'aqa may q'omerllapuni kanqa. Ch'aki watas jamojtimpis mana qawenqachu, poqollanqapunitaj.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Mateo 21:19

Ñan patapitaj uj higo sach'ata rikorqa, qayllaykuspataj laqhesllata tarerqa, chay sach'amantaj nerqa: Kunanmantapacha, ama jayk'aj poqoyniyki p'utuchunchu. Sach'ataj chay kikimpacha ch'akiporqa.

San Mateo 7:19

Ima sach'allapis, mana walejta poqojtenqa k'utusqa, ninamantaj kanasqa.

San Lucas 23:31

Sichus q'omer sach'awan kay imasta ruwanku chayqa, imatapunitaj ruwanqanku ch'aki sach'awanri?

San Lucas 3:9

Hachaqa ñapis wakisqaña kashan sach'asta saphinmanta urmachinapaj. Chayrayku, tukuy sach'a mana allinta poqojqa, urmachisqa, ninapitaj lauranqa.

San Juan 15:2

Tukuy rama noqapi kashaspa, mana poqonmanchu chayqa, Dios Tata k'utonqa. Poqoyta apaj ramatataj llimphuchanqa, astawan poqoyta apanampaj.

San Juan 15:6

Mana noqapi kakojqa, rama jina jawaman wijch'usqa kanqa, ch'akiponqataj. Chay ramasta tantaspataj ninaman enqhaykonqanku, q'olanqataj.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Hebreos 6:8

Ima jallp'achus khishkasta, qhasi qhorasta poqojqa, qhesachasqaña, maldicisqa kanampajtaj qayllapiña, tukukuynimpitaj ruphachisqa kanqa.