San Mateo 26:13 - Qheshwa Biblia DC

¹³ Cheqamanta niykichej, mayllapipis mundontimpi kay evangelio willakojtin, kay warmej ruwasqampis yachakonqa, paymanta yuyarinankupaj.

DIOSPA QHELQACHISQAN DEUTEROCANONICAL

¹³ Kayta sut'ita niykichej: Mayllapipis noqamanta kay sumaj willay willakojtin, kay warmej ruwasqantapis willallanqankutaj, paymanta runa yuyarikunankupaj, nispa.

DIOSPA QHELQACHISQ

¹³ Kayta sut'ita niykichej: Mayllapipis noqamanta kay sumaj willay willakojtin, kay warmej ruwasqantapis willallanqankutaj, paymanta runa yuyarikunankupaj, nispa.

Quechua South Bolivia: Dios Parlapawanchej

¹³ Niyquichej chekamanta cay sumaj willanaska nokamanta tucuynej cay pachantinpi willarananta. Chay tucuynejpi cay warmej ruwaskanka willaska canka paymanta yuyaricunapaj, —nispa nerka Jesús.

San Mateo 26:13 Iomraidhean Croise

Salmos 112:6

Chayrayku, ni jayk'ajpis urmanqachu. Wiñaypaj yuyarisqapuni kanqa cheqan sonqoyoj runaqa.

Isaías 52:9

Jerusalén raqaykuna, kunanqa jatunmanta may kusiywan qhapariychej; imaraykuchus Señorqa ayllunta sonqochan, Jerusalenta kacharichin.

San Mateo 24:14

Janaj pacha reinomanta evangelio tukuynejpi willasqa kanqa, tukuy laya runaspaj testigo kanampaj; chaypachamá tukukoyqa jamonqa.

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Marcos 13:10

Evangelioqa ñaupajta tukuy llajtaspi willakunan tiyan.

Marcos 14:9

Cheqamanta niykichej; mayllapipis kay evangelio willakojtin, kay warmej ruwasqampis willakullanqataj paymanta yuyarikunankupaj.

Marcos 16:15

Jesustaj nerqa: Riychej tukuy mundoman, evangeliota willamuychej tukuy runasman.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Hechos 10:4

Corneliotaj angelta qhawarispa mancharikorqa, nerqataj: Wirakochi, imataj kay? Angeltaj kuticherqa: Mañakusqasniyki wajchasta yanapasqasniyki ima, Diospa ñaupaqenman chayanku. Kunantaj qanmanta yuyarikusunki.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

Romanos 15:19

Milagroswan, señaleswan, Santo Espíritoj atiyninwan ima, Cristoj evangelionta junt'achini; Jerusalenmanta, tukuynejman Ilírikoj muyuyninkama.

2 Corintios 10:18

Pichus pay kikin alabakojqa, mana allimpajchu qhawasqa; astawanqa jaqay pitachus Dios alaban, chaymin allin qhawasqaqa.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Colosenses 1:6

Kay evangelioqa qankunakama chayamorqa, jinallataj tukuy mundontinman. Kaytaj poqon, qankunapipis wiñan, maypachachus Diospa khuyakuyninta cheqamanta uyarerqankichej, rejserqankichejtaj chay p'unchaymantapacha.

1 Timoteo 2:6

Chantá, pay kikin kausayninta qorqa tukuyta salvanampaj. Chaymantaqa ñaupajtaña willasqa karqa.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.