San Mateo 22:16 - Qheshwa Biblia DC

¹⁶ Paykunataj kacharqanku partenkumanta kajkunata, herodianostawan; Jesusman nimunankupaj: Maestro, yachayku qan cheqan sonqo kasqaykita, Diospa ñanninta cheqanta yachachisqaykita; mana runaj parlasqanta kasuspa. Qanqa mana runaj rijch'aynillantachu qhawanki.

DIOSPA QHELQACHISQAN DEUTEROCANONICAL

¹⁶ Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

DIOSPA QHELQACHISQ

¹⁶ Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

Quechua South Bolivia: Dios Parlapawanchej

¹⁶ Ajinataj fariseoska yachacojcunancutawan Herodesmanta cajcunatawan Jesusman cacharkancu. Cachaskastaj Jesusta nerkancu: —Yachachej, yachaycu kanka cheka parlaj runa caskayquita. Yachaycutaj yachachiskayquita cheka cajta, Dios munan runas ruwanancutapis. Runata mana rijch'acuynillanmantachu khawanqui manachayrí caskancumanjina. Chayraycu paycunata mana manchachicunquichu.

San Mateo 22:16 Iomraidhean Croise

1 Reyes 22:14

Micaiastaj nerqa: Señorpa sutimpi jurani, imatachá Señorqa niwanqa, chayta noqaqa nisaj.

Salmos 12:2

Paykuna pura llullanakunku, mana kajta ch'aukiyanakunku, puraj uyastaj kanku.

Salmos 5:9

Paykuna llullakullankupuni. Sonqonkupeqa sajrallata yuyanku. Mallq'ankoqa kicharisqa sepultura jina, misk'ita parlaspapis mana cheqantachu ninku.

Salmos 55:21

Parlasqankoqa mantequilla jina llamp'u. Sonqonkupi maqanakuyllata yuyanku. Parlayninkoqa aceitemanta aswan llamp'u. Chaywampis, chay parlasqasninkoqa sumaj khuchoj espada jina.

Proverbios 29:5

Kausaqenta alaballajpuneqa, ñaupaqenman uj tojllata jina churashan.

Malaquías 2:6

Leví yachacherqa cheqa kajta, simimpitaj mana sajra rimay karqachu. Pay kausakorqa noqawan uj sonqolla, cheqan kajpitaj; ashkha runastataj sajra ruwaymanta t'aqamorqa.

Malaquías 2:9

Chantapis mana kasuwankichejchu, runasman yachachispataj mana tukuywanchu kikinta ruwankichej. Chayrayku noqa qankunata tukuy llajtaj ñaupaqempi p'enqaypi rikhurichisqaykichej, qhesachachisqaykichejtaj, nin Tukuy Atiyniyoj Señorqa.

San Mateo 22:26

Ajinallataj karqa iskay kajwan, kinsa kajwampis. Ajinamanta qanchisnintin wañuporqanku.

San Mateo 26:18

Paytaj kuticherqa: Riychej llajtaman, uj runaj wasinman, niychejtaj: Maestroqa nichimun: Horay qayllapiña, wasiykipi Pascua mikhuyta yachachisqasniywan mikhusaj.

San Mateo 26:49

Chaymantaqa Jesusman qayllaykuspa nerqa: Imaynalla maestro! Much'aykorqataj.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

Marcos 12:13

Chaymanta, Jesusman kachamorqanku wakin fariseosta, herodianostawan, ima nisqanmantapis pantajtin ch'ataykunankupaj.

Marcos 12:14

Chaykunataj jamuspa taporqanku: Maestro, yachayku cheqa runa kasqaykita, manataj pitapis manchachikusqaykita; imaraykuchus mana runaj rijch'aynillantachu qhawanki; astawanqa Diospa cheqan ñanninta yachachinki; niwayku ari: Allinchu impuestota Cesarman qonaykoqa? Chayrí, manachu qosqayku?

Marcos 3:6

Chaymantataj fariseosqa llojsispa, herodianoswan tantaykukuspa, yachachinakorqanku Jesusta wañuchinankupaj.

Marcos 8:15

Jesustaj paykunata kamacherqa: Allintapuni qhawakuychej fariseospa levaduranmanta; ajinallatataj Herodespa levaduranmantapis.

San Lucas 20:21

Paykuna taporqanku: Maestro, yachayku allinta nisqaykita, cheqantataj yachachisqaykita; manataj runaj rijch'asqanman jinachu ruwanki; chantapis Diospa ñanninta cheqata yachachinki.

San Lucas 7:40

Jesustaj chayman kutichispa nerqa: Simón, ujta nisqayki. Paytaj nerqa: Niway ari, Maestro, nispa.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

San Juan 18:37

Chaypacha Pilato payman nerqa: Chantá qan reychu kanki? Jesustaj kuticherqa: Qan ninki noqa rey kasqayta. Noqaqa chaypaj nacerqani, chaypajtaj kay mundoman jamorqani, cheqa kajmanta willanaypaj. Tukuy cheqa kajmanta kajrí, parlasqayta uyarin.

San Juan 7:18

Pillapis pay kikinmanta parlajqa, mask'an paylla runaswan jatumpi qhawachikuyta. Kachamojninta jatumpi qhawachiyta munajta, cheqanta parlan, manataj paypi ima llullapis kanchu.

2 Corintios 2:17

Mana noqaykoqa wakinkuna jinachu kayku, Diospa palabranta q'ewirispa parlajkuna; astawanqa tukuy sonqo, Diosmanta kajkuna jina, Cristomanta parlaspa Diospa ñaupaqempi.

2 Corintios 4:2

Astawanqa saqepuyku pakaypi p'enqaykunapi ruwayta, manataj sajra yuyaykunapi purispa, nitaj Diospa palabranta q'ewispa; manachayqa cheqa kajta sut'inchaspa, noqayku allinta rijch'ayta munayku runasman conciencianman jina Diospa ñaupaqempi.

2 Corintios 5:16

Kunanmanta ñaupajmanqa manaña pitapis rejsiykuchu aychaman jina. Arí, Cristotapis aychaman jina rejserqayku, kunanrí manaña ajinatachu rejsiyku.

Gálatas 1:10

Chantá kunanqa runakunamanchu, chayrí Diosmanchu allin rijch'ayta mask'ashani? Chayrí, runastachu kusichiyta munashani? Runastarajchus kusichiyman chayqa, mana Cristoj kamachinchu kayman.

Gálatas 2:6

Kurajkunapaj qhawasqa karqanku chaykunaqa, mana ima mosojtapis willarqaykuchu; imaraykuchus ñaupajta imaynachus karqanku chaymanta mana ima ruwanay tiyanchu, Diosqa mana runaj rijch'aynintachu qhawan.

Deuteronomio 33:9

Paykunaqa tatasninkuta nerqanku: Mana jayk'ajpis rikorqaykuchu. Jinallataj wauqesninkuman nerqanku: Qankunata mana rejsiykuchu. Jinallataj wawasninkutapis nillanqankutaj: Mana yachaykuchu pikunachus kankichej, nispa. Paykuna nisqasniykita junt'anku. Israel aylluwan trato ruwasqaykita sumajta waqaychanku.

1 Tesalonicenses 2:4

Imaynatachus Dios allimpaj qhawawasqaykuman jina, evangeliota qowarqayku; chayman jina parlayku, mana runata kusichinaykupajchu, astawanqa Diosllata. Payqa sonqosninchejta allinta rejsin.

Santiago 3:17

Diosmanta jamoj yachayqa llimphu, sonqo tiyakuyniyoj, munakuyniyoj, khuyakuywan junt'asqa, sumaj poqoyniyoj, sut'inta ruwajtaj, manataj puraj uyachu.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.