San Mateo 2:2 - Qheshwa Biblia DC

² Taporqankutaj: Maypitaj kashan judiospa reynin nacikojri? Kayta niyku, imaraykuchus ch'askanta rikuyku inti llojsimuynejpi. Chayrayku kayman jamuyku payta yupaychaj.

DIOSPA QHELQACHISQAN DEUTEROCANONICAL

² Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

DIOSPA QHELQACHISQ

² Chantá tapurikorqanku: Maypitaj kashanman pichus judiokunaj kuraj kamachejnin kananpaj paqarikojri? Kayta niyku, imaraykuchus inti llojsimuynejpi ch'askanta rikorqayku. Chayrayku payta yupaychaj jamuyku, nispa.

Quechua South Bolivia: Dios Parlapawanchej

² Tapucorkancutaj: —¿Maypitaj cashan israel runasta camachinanpaj nacecoj Wawarí? Ch'ascanta inti llojsimuy ladopi ricuycu. Chayta khatispataj payta yupaychanaycupaj jamuycu, —nispa.

San Mateo 2:2 Iomraidhean Croise

Salmos 2:6

Sión santo orqoypi, ajllasqayta rey kanampaj jawiniña.

Salmos 45:11

Reyqa munan k'achita kasqaykita, pay Señorniyki, Payta kasunayki tiyan.

Isaías 60:3

Tukuy naciones qampa k'anchayniykipi purenqanku, reyestaj chay k'anchayniykej lliphipiynimpi.

Jeremías 23:5

Señorqa nillantaj: Uj p'unchay chayamonqa, maypachachus Davidpa mirayninmanta uj cheqan kajta rikhurichisaj. Kay pachapitaj chay reyqa tukuy yachaywan, justiciawan, cheqan kaywantaj kamachenqa.

Jeremías 30:9

Paykuna noqa Señor Diosninkuta kasuwanqanku, rey kanampaj churasaj chay Davidtapis kasonqanku.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Números 24:17

Imachus qhepaman kana kajta rikuni, may karupi rikuni. Jacobmanta uj qoyllur llojsin. Israel ukhumanta uj rey jatarin. Moabpa umanta ñat'urparin. Setpa miraynintapis tukuyninta saronqa.

San Mateo 2:3

Rey Herodestaj kayta uyariytawankama kharkarqa; jinallatataj Jerusalempi tukuy kajkunapis.

San Mateo 27:11

Jesusta Pilatoj ñaupaqenman pusarqanku, paytaj taporqa: Qanchu judiospa reynin kanki?, nispa. Jesustaj kuticherqa: Qan chayta ninki.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

San Lucas 23:3

Pilatotaj taporqa: Qanchu kanki judiospa reynin?, nispa. Jesustaj kuticherqa: Arí, qan ninki, nispa.

San Lucas 23:38

Uman patapitaj karqa uj escribisqa [griego parlaypi, latimpi, hebreopi ima,] kay jina: Kayqa judiospa Reynin.

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Juan 12:13

Palma ramasta jap'ispa, Jesusta taripaj llojserqanku, qhaparerqankutaj: Kausachun! Yupaychasqa kachun Israelpa Reynin, Señorpa sutimpi jamojqa!

San Juan 18:37

Chaypacha Pilato payman nerqa: Chantá qan reychu kanki? Jesustaj kuticherqa: Qan ninki noqa rey kasqayta. Noqaqa chaypaj nacerqani, chaypajtaj kay mundoman jamorqani, cheqa kajmanta willanaypaj. Tukuy cheqa kajmanta kajrí, parlasqayta uyarin.

San Juan 19:19

Pilatotaj cruzpi uj escribisqata churarqa, chay escribisqataj nisharqa: JESÚS NAZARENO JUDIOSPA REYNIN.

San Juan 20:28

Tomastaj kutichispa nerqa: Señorníy, Diosníy!

San Juan 9:38

Paytaj: Creeni, Señor, nispa; Jesuspa ñaupaqempi qonqoriykukorqa.

Hebreos 1:6

Ujtawan ñaupaj kaj Churinta kay mundoman pusaykamushaspa nerqa: Diospa tukuy angelesnin payta yupaychachunku.

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.